再戰Greyhound~一吃愛上新鮮椰子千層蛋糕!!!!!!

Greyhound IFC Rossana都經常光顧,
今次跟友人們來到位於旺角新世紀廣場既Greyhound
幸好預先book左位,出面排曬長龍呢~

每次來Greyhound都必點既薄切三文魚片配泰式辣汁
超喜歡微辣香草汁及蒜片的完美配搭
富脂香的三文魚肥美非常~

秘制辣肉醬手包粉卷都係次次黎都要叫 XD
新鮮爽脆既生菜加進煙靭的粉皮再配秘製肉醬~Yummy!!

招牌脆炸單骨雞翼
外皮鬆脆火喉控制得剛剛好,
單骨食起來都無咁狼狽失儀~

脆炸粟米蟹肉餅配甜酸醬Rossana都幾鐘意,因為極香口又一D都唔油
可能之前病左成兩星期,食得勁清,對脆口野特別有好感

食完煎炸野,飲返杯藍蘭豆甜菊茶
它有趣的是加入蜜糖後會變成紫色架~

軟殼蟹沙律配蜜糖芥末醬
鬆脆既殼夾住鮮味既蟹肉~正呀喂!!
下次要encore !!!

個日仲叫左意大利肉腸芝士餡餅,
Rossana食左2塊,覺得無咩cheese味~
而泰式河蝦冬蔭公湯河粉,鮮蝦辣椒膏炒飯,
和香草辣椒炒雞肉碎配白飯,因為全部都係辣既,
大病未清既我就唔夠膽亂食lu~~

啱我又好食既有鮮蝦炒金邊粉
Greyhound既鮮蝦炒金邊粉好處係辣粉,花生,芽菜和蔥
都置於碟邊就隨自己喜愛隨意加減 :)
Rossana今次就什麼都唔加,先嚐到濃濃的甜味
再滲出一點點酸,最後散發出魚露的咸鮮~
一碟金邊粉便嘗到三種不同的層次~like !

甜品就選了雪白的新鮮椰子千層蛋糕
層層彈牙既千層皮,充滿椰香的奶滑忌廉
夾著粒粒幼嫩爽甜既新鮮椰子....OMG...難以形容的驚喜!
就好像被雪中的溫柔般環抱著,口腔帶來清新氣息,滋味絕妙!!

如果喜歡我們的文章，請即分享到︰