"SNK Heroines Tag Team Frenzy" PS4版與NS版畫質或會相同？

之前都提過SNK賣夠拳皇轉賣囡囡，予定今年夏季推出剩係得女角嘅格鬥game "SNK Heroines Tag Team Frenzy"。最近製作人小田泰就喺一個訪問裡面透露咗開發呢隻game嘅原因。


"其實SNK有好多角色都好受歡迎，而我哋又想製作一隻女性角色主導嘅game，跟住就有咗SNK Heroines Tag Team Frenzy嘅構思。選角都唔易架，既要保持遊戲嘅平衡，又要增加角色之間故事嘅趣味性。同一般格鬥game唔同，玩家最需要注意嘅唔係體力，而係氣力。"


當被問到PS4版同NS版會有咩差別，小田泰表示開發團隊會努力確保兩個版本會統一。佢又提到雖然而家選角全部都係嚟自SNK嘅格鬥game，不過其實SNK遊戲嘅女角喺將來都有機會登場，可以嘅話，希望可以同其他公司合作，可以俾更多角色喺遊戲裡面登場。