NS日本首年銷量遠超PS4；3DS居然仲有新game出!?
唔經唔覺，NS已經出咗一年(遲啲寫返個一年回顧)，由一開始一機難求，到MHXX出嗰陣機又炒、game又炒，到上年年尾終於無"盲搶機"，但炒game依然存在，連移植作都炒得起，可想而知NS係幾受歡迎。不過齋講無用嘅，俾啲數據你睇啦，日本嘅Media Create就公佈咗最新一期嘅日本銷售數據，數據截至3月4號，即係NS一年多一日，總計NS嘅日本銷量為380萬，遠超當年PS4嘅114萬。雖然唔係全球銷量，但某程度上反映咗亞洲玩家嘅取向，而家PS4嘅日本總銷量超過650萬，其中上年就賣咗208萬，究竟最終NS嘅銷量可唔可以超過PS4呢？
傳咗好耐嘅Nintendo Direct，又話mini嘅20日內會有個大嘅，又話2月13到16號其中一日會有(，雖然兩次都差唔多時間出咗Labo嘅片，又錯唔哂嘅，不過始終唔係Direct)，終於會喺香港時間3月9號朝早6點有最新一期嘅Direct。個預告就講到明會有Mario Tennis Aces嘅最新資訊，相信卡比、Dark Soul、Zelda無雙、Donkey Kong嗰啲都會提下，當然會有啲新game，究竟係咪真係有Diablo呢？究竟會唔會有上年8月Nindies Showcase提過嘅Travis Strikes Again嘅最新資訊呢？確定咗唔會提及任何手機game嘅資訊，但仲有一個亮點喎，有3DS新game公佈！其實上年宣佈Pokemon Ultra Sun/Moon係3DS最後一隻Pokemon，呢下同宣佈放棄3DS係無分別，嚟緊叫做大啲嘅作品仲有隻名偵探比卡超，3月23號出，究竟嚟緊係仲有3DS大作，定只係循例提下仲有game會出呢？
傳咗好耐嘅Nintendo Direct，又話mini嘅20日內會有個大嘅，又話2月13到16號其中一日會有(，雖然兩次都差唔多時間出咗Labo嘅片，又錯唔哂嘅，不過始終唔係Direct)，終於會喺香港時間3月9號朝早6點有最新一期嘅Direct。個預告就講到明會有Mario Tennis Aces嘅最新資訊，相信卡比、Dark Soul、Zelda無雙、Donkey Kong嗰啲都會提下，當然會有啲新game，究竟係咪真係有Diablo呢？究竟會唔會有上年8月Nindies Showcase提過嘅Travis Strikes Again嘅最新資訊呢？確定咗唔會提及任何手機game嘅資訊，但仲有一個亮點喎，有3DS新game公佈！其實上年宣佈Pokemon Ultra Sun/Moon係3DS最後一隻Pokemon，呢下同宣佈放棄3DS係無分別，嚟緊叫做大啲嘅作品仲有隻名偵探比卡超，3月23號出，究竟嚟緊係仲有3DS大作，定只係循例提下仲有game會出呢？