NS繼續維持每月一自家/獨佔大作，4月Labo將成NS強勢能否保持之關鍵？
如果呢一刻我同你講NS可以超越PS4，你肯定會恥笑我，但有一點你不得不承認任天堂係處理得好過SONY，就係點樣"配票"，平均分好每個月都有大作。我唔係想喺度彈SONY，始終遊戲只係SONY所有業務嘅其中一個，即使旗下有SIE都好需要依賴第三廠，所以成日出現一個情況就係啲受歡迎大作嘅推出日期會炒埋一碟。相反，任天堂非常注重自家製作，因為係自己整，幾時出都係自己話事，咁就可以set到即使某個月無第三廠出game，都keep住至少會有一款大作，加上巧妙避開傳統嘅聖誕新年旺季唔出game，被免同PS4直接對決會被比下去，令NS銷量一直高企。
其實喺分配大作嘅工作，任天堂真係做得唔錯，一開波為NS護航嘅係Zelda，而且係一隻大改革嘅Zelda，起碼玩返你兩三個月。到4月尾，開始多人有機喇，就出Mario Kart 8 Deluxe，雖然係冷飯，但就算佢係出第9集，Mario Kart都係咁玩，所以點出都無所謂，都係咁多人玩。之後去到12月幾乎無間斷都有自家/獨佔大作，6月ARMS、7月Splatoon 2、8月MHXX、9月Pokken同火紋無雙、10月Mario Odyssey同12月嘅Xenoblade 2。叫做抖咗個幾月，啱啱過去個2月又嚟料喇，上個月有Bayonetta，限定版一度炒上過千、今個禮拜就有星之卡比、下個禮拜就有Zelda無雙、4月Labo、5月Donkey、6月Mario Tennis同7月Captain Toad，仲有堆公佈咗會出，未排好程嘅就唔講住。
每隔幾個月就總有一款吸引到你，都真係幾難忍手，令到NS銷量都幾高，首年總銷量超過380萬，大幅拋離Wii U同期不足122萬嘅銷量，但都係超越唔到Wii同期嘅387萬。究竟NS嘅強勢可唔可以延續，日本嘅Media Create就覺得關鍵將會落喺NS身上。小編就咁睇，新機出嘅第一年好容易逢新game都買返試下，亦都等自己可以有多啲game種玩下，但買落咁多自然積落一堆未爆機嘅game，去到第二年喺買game方面自然會小心咗，同時會出現嘅情況就係吹棒嘅人都會少咗，"導人落坑"嘅情況都會少咗。加上第一年都幾乎咩類型嘅game都出過，咁都引唔到你嘅話，除非真係有啲好突破嘅獨佔作，否則真係幾難引到你出機，而Labo正正就係最具突破性嘅嗰點！相信Labo短時間內都唔會有其他廠模仿到，如果真係爆到，之後每個月keep住出新嘅Labo Kit，第二年銷量超過第一年真係唔出奇！點都好，見到遊戲界唔再係一潭死水，有返生氣，對玩家嚟講絕對係好事，大家又唔使太多爭拗，其中一邊做得好，就會迫到另一邊要做得更好，咁即係會越嚟越多高質game出現，大家唔係就係想咁咩？
其實喺分配大作嘅工作，任天堂真係做得唔錯，一開波為NS護航嘅係Zelda，而且係一隻大改革嘅Zelda，起碼玩返你兩三個月。到4月尾，開始多人有機喇，就出Mario Kart 8 Deluxe，雖然係冷飯，但就算佢係出第9集，Mario Kart都係咁玩，所以點出都無所謂，都係咁多人玩。之後去到12月幾乎無間斷都有自家/獨佔大作，6月ARMS、7月Splatoon 2、8月MHXX、9月Pokken同火紋無雙、10月Mario Odyssey同12月嘅Xenoblade 2。叫做抖咗個幾月，啱啱過去個2月又嚟料喇，上個月有Bayonetta，限定版一度炒上過千、今個禮拜就有星之卡比、下個禮拜就有Zelda無雙、4月Labo、5月Donkey、6月Mario Tennis同7月Captain Toad，仲有堆公佈咗會出，未排好程嘅就唔講住。
每隔幾個月就總有一款吸引到你，都真係幾難忍手，令到NS銷量都幾高，首年總銷量超過380萬，大幅拋離Wii U同期不足122萬嘅銷量，但都係超越唔到Wii同期嘅387萬。究竟NS嘅強勢可唔可以延續，日本嘅Media Create就覺得關鍵將會落喺NS身上。小編就咁睇，新機出嘅第一年好容易逢新game都買返試下，亦都等自己可以有多啲game種玩下，但買落咁多自然積落一堆未爆機嘅game，去到第二年喺買game方面自然會小心咗，同時會出現嘅情況就係吹棒嘅人都會少咗，"導人落坑"嘅情況都會少咗。加上第一年都幾乎咩類型嘅game都出過，咁都引唔到你嘅話，除非真係有啲好突破嘅獨佔作，否則真係幾難引到你出機，而Labo正正就係最具突破性嘅嗰點！相信Labo短時間內都唔會有其他廠模仿到，如果真係爆到，之後每個月keep住出新嘅Labo Kit，第二年銷量超過第一年真係唔出奇！點都好，見到遊戲界唔再係一潭死水，有返生氣，對玩家嚟講絕對係好事，大家又唔使太多爭拗，其中一邊做得好，就會迫到另一邊要做得更好，咁即係會越嚟越多高質game出現，大家唔係就係想咁咩？
