呢個理由又作得幾好ww，A Way Out唔出Switch版係因為唔想違背Switch嘅原意！

今時今日只要有game出少一個平台都會俾人問點解唔出喺嗰個平台，爭論大啲嘅就有點解Bayonetta係Switch獨佔、點解MHW剩係唔出Switch版，有時真係搞到啲製作人唔知好嬲定好笑，同你講機能問題又驚會得罪人，同你講版權問題你又好似講極唔明咁。


而今日就有主打雙人先玩得嘅越獄遊戲 A Way Out，聽落好似同Switch個理念勁夾，偏偏就係會Switch版，少不免又俾人問點解無Switch，點知Hazelight Studios就拋咗個幾有趣嘅理由出嚟："喺Switch正式公開之前，呢隻game已經開發咗好耐，但唔出Switch版嘅主因其實係同手掣有關。因為遊戲嘅機制，玩家一定要用一個完整嘅手掣先玩到，換句話講即係玩家唔可以分拆Joy-Con，一人用一邊玩，要玩就要買個Pro Controller或者買多對Joy-Con，咁好似會強迫玩家額外購買可能本身唔需要嘅週邊產品，似乎同Switch嘅理念相違背。


喂，呢個理由又真係幾好喎ww，如果講機能問題，唔怕得罪人都總會有人話降低啲畫質咪得，而加同你講明唔想出隻係違背部機嘅理念，咁你就無得駁啦ww！