又真係紙皮都夾到Band，Labo最新介紹片教你自製結他！
今日(4/20)任天堂出咗第三條Toy-Con Garage介紹片，估唔到又真係紙皮都夾到band，仲要唔難整。首先你set個"Touch" node，然後再set個"Sound" node，Link埋兩個nodes，咁你掂落嗰格就會出聲。之後只要copy & paste，再改返每格代表唔同音就可以模擬到結他，想更加有feel，套返6條橡筋就搞掂ww。
但得6條弦都未等如到結他，因為都撳唔到Chord！放心，你有Joy-Con架嘛，set返好啲掣代表撳緊唔同Chord就得。不過真係想夾到band，一人一機一Game就少不免，計落都唔平…… 當然如果你為咗夾Band而買Switch同Labo就緊係傻仔啦，不過如果你本身就係Switch玩家有得咁樣夾band又好似幾吸引。最後提提你，每款Labo Kit都會包含Toy-Con Garage，大家只要揀返對原本玩法有興趣嗰set就得。
但得6條弦都未等如到結他，因為都撳唔到Chord！放心，你有Joy-Con架嘛，set返好啲掣代表撳緊唔同Chord就得。不過真係想夾到band，一人一機一Game就少不免，計落都唔平…… 當然如果你為咗夾Band而買Switch同Labo就緊係傻仔啦，不過如果你本身就係Switch玩家有得咁樣夾band又好似幾吸引。最後提提你，每款Labo Kit都會包含Toy-Con Garage，大家只要揀返對原本玩法有興趣嗰set就得。