你以為潮濕、有蟲蛀係Labo嘅天敵？錯喇，佢先係！

可能係今年最大爭議嘅遊戲Labo上個禮拜就出咗喇，點解大爭議？因為你屋企嘅女人，不論係女朋友、老婆定呀媽大部份都會用鄙視目光望住你盒嘢，心諗點解紙皮都值5百幾，佢哋嘅眼神真係連解釋"背後嘅創意係無價"都廢事(，小編係單身狗，老母好理解點解佢值，但公司嘅女同事全部都向我投以呢個奇怪嘅目光/.\)。
正當大家討論緊屋企無位可以點收藏，香港咁潮濕會唔會好易發毛，目測防潮箱都開始現炒價(講笑ww)，誰不知原來大家都忽視咗Labo嘅真 • 天敵！嗱Labo係咩吖？紙皮吖嘛。咩動物對紙皮有令人無法理解嘅情意結呢？就係貓喇！如果咁多位買咗Labo嘅玩家，同時你又係貓奴嘅話，我諗你都可以搵定邊度可以買返啲parts嘅紙皮ww