香港人撐香港隊，我地唔撐邊個撐？
抗爭運動踏入第三個月，適逢亞洲盃外圍賽，一班球迷都發起行動，呼籲市民入場支持香港隊同時集氣表達訴求。睇到各方對港足嘅評論， 有感而發。 文筆拙略，還望多多包涵及賜教。
有人話「足球不應涉及政治」，但當足球涉及到經濟發展、社會民生時，政治就自然會找上足球。古今有好多國家都視足球或其他運動為政治工具嘅一種，古有納粹德國，意大利嘅法西斯，今有卡塔爾世界盃。例子太多，未能盡錄，想知更多嘅朋友可以Google足球與政治嘅關係，或參考皇馬、巴塞兩隊嘅歷史等。
今次嘅時代革命喚醒咗好多香港人對自身嘅身份認同、香港本土意識同核心價值。我好希望今次大家可以將呢團火延伸至足球或其他運動。
點解要撐香港隊？
香港可以自己派隊參加國際比賽，同其他國家以對等嘅身份對壘，代表著國際對香港嘅認可。國際比賽上，從未出現廣州隊、上海隊，只有香港隊（同埋澳門隊） 。西班牙嘅加泰隆尼亞亦有自己組織代表隊，但尚未受國際足協承認其身份地位，無法以加泰隆尼亞嘅身份去參加國際比賽，所以我地應該慶幸仲可以支持香港隊。若有一日我哋嘅球員無法以香港代表隊參加國際比賽，就代表香港正式沉沒。香港人唔撐香港隊，咁仲有邊個會撐？
點解香港足球同其他亞洲國家比咁廢？
其實，香港並非缺乏足球人才。自小身邊嘅朋友或球場遇過嘅對手中都有唔少天賦高嘅球員，無奈受政策同環境逼使，只能向現實低頭，加入其他行業，如同「假如美斯生於香港……」無異。究竟政府相關嘅政策，以及足總推行嘅鳯凰計劃為香港球壇帶來幾大成效？姑勿論計劃內容，我地只簡單回顧至今在位者嘅言論：前特首梁振英曾指體育界沒有任何經濟貢獻；香港足總主席梁孔德曾於立法會上表示港超「無乜出路」。 即使戰術寫得多天衣無縫，若領隊嘅理念同球員背道而馳，球隊又怎會成功？情況就如球隊想踢控傳或做迫搶，但領隊卻是Sean Dyche或Jose Mourinho 。香港足球一直走下坡，體育界得不到應有嘅重視同尊重，毋庸置疑是政府同足總嘅責任。沒有廢嘅球員，只有廢嘅政策。
對方實力太強，一定輸啦⋯⋯睇完只會打擊士氣
入選嘅球員係背負著香港七百萬人嘅信念到國際舞台爭奪殊榮。我哋應成為球員嘅最大後盾，一齊贏、一齊輸，勿輸打贏要。 正因為贏面不大，香港人更加要撐香港隊。正所謂「波係圓嘅」，2018年世界盃外圍賽，香港隊對戰中國隊都可以力保不失。場波一日未完，我哋都要盡力踢落去。香港人面對今日嘅政府，面對無數嘅𣎴公義、 721、 831等白色恐怖，都未認輸⋯⋯一場未踢嘅比賽又點可以認輸？
最後提提大家，9月10日晚上８點，香港對伊朗。希望大家可以一齊入場撐香港隊，未能到場嘅都可以睇直播或以其他方法去支持。
#香港人撐香港隊
鍾意嘅請大家like&share 同follow我地
Follow 戰述足球:
Facebook: http://www.facebook.com/tactalkfootball
Instagram: http://www.instagram.com/tactalkfootball
Youtube: https://www.youtube.com/channel/UCx6FocIUBlzx8id4DYIhYIQ
有人話「足球不應涉及政治」，但當足球涉及到經濟發展、社會民生時，政治就自然會找上足球。古今有好多國家都視足球或其他運動為政治工具嘅一種，古有納粹德國，意大利嘅法西斯，今有卡塔爾世界盃。例子太多，未能盡錄，想知更多嘅朋友可以Google足球與政治嘅關係，或參考皇馬、巴塞兩隊嘅歷史等。
今次嘅時代革命喚醒咗好多香港人對自身嘅身份認同、香港本土意識同核心價值。我好希望今次大家可以將呢團火延伸至足球或其他運動。
點解要撐香港隊？
香港可以自己派隊參加國際比賽，同其他國家以對等嘅身份對壘，代表著國際對香港嘅認可。國際比賽上，從未出現廣州隊、上海隊，只有香港隊（同埋澳門隊） 。西班牙嘅加泰隆尼亞亦有自己組織代表隊，但尚未受國際足協承認其身份地位，無法以加泰隆尼亞嘅身份去參加國際比賽，所以我地應該慶幸仲可以支持香港隊。若有一日我哋嘅球員無法以香港代表隊參加國際比賽，就代表香港正式沉沒。香港人唔撐香港隊，咁仲有邊個會撐？
點解香港足球同其他亞洲國家比咁廢？
其實，香港並非缺乏足球人才。自小身邊嘅朋友或球場遇過嘅對手中都有唔少天賦高嘅球員，無奈受政策同環境逼使，只能向現實低頭，加入其他行業，如同「假如美斯生於香港……」無異。究竟政府相關嘅政策，以及足總推行嘅鳯凰計劃為香港球壇帶來幾大成效？姑勿論計劃內容，我地只簡單回顧至今在位者嘅言論：前特首梁振英曾指體育界沒有任何經濟貢獻；香港足總主席梁孔德曾於立法會上表示港超「無乜出路」。 即使戰術寫得多天衣無縫，若領隊嘅理念同球員背道而馳，球隊又怎會成功？情況就如球隊想踢控傳或做迫搶，但領隊卻是Sean Dyche或Jose Mourinho 。香港足球一直走下坡，體育界得不到應有嘅重視同尊重，毋庸置疑是政府同足總嘅責任。沒有廢嘅球員，只有廢嘅政策。
對方實力太強，一定輸啦⋯⋯睇完只會打擊士氣
入選嘅球員係背負著香港七百萬人嘅信念到國際舞台爭奪殊榮。我哋應成為球員嘅最大後盾，一齊贏、一齊輸，勿輸打贏要。 正因為贏面不大，香港人更加要撐香港隊。正所謂「波係圓嘅」，2018年世界盃外圍賽，香港隊對戰中國隊都可以力保不失。場波一日未完，我哋都要盡力踢落去。香港人面對今日嘅政府，面對無數嘅𣎴公義、 721、 831等白色恐怖，都未認輸⋯⋯一場未踢嘅比賽又點可以認輸？
最後提提大家，9月10日晚上８點，香港對伊朗。希望大家可以一齊入場撐香港隊，未能到場嘅都可以睇直播或以其他方法去支持。
#香港人撐香港隊
鍾意嘅請大家like&share 同follow我地
Follow 戰述足球:
Facebook: http://www.facebook.com/tactalkfootball
Instagram: http://www.instagram.com/tactalkfootball
Youtube: https://www.youtube.com/channel/UCx6FocIUBlzx8id4DYIhYIQ