Stephy為新戲半裸演出，王子竟然冇反應？！

琴日鄧麗欣（Stephy）就去咗銅鑼灣出席電影《八步半喜怒哀樂》首映禮，Stephy喺戲中就有半裸演出鏡頭，但原來呢場戲係導演泰迪羅賓臨時加上去，原因係泰迪羅賓覺得Stephy背脊好靚~Stephy背脊靚唔靚我地作為觀眾就只等套戲上映先啦。而被問到點解會應承拍半裸鏡頭，Stephy就話係因為相信導演，又覺得配合到當時既恐怖氣氛。但都要清咗場先肯拍，並話到明半裸演出已經係底線。而當被問到男朋友邱勝翊（王子）對自己要演出半裸有咩反應，Stephy就直接話:「冇乜反應，其實冇反應先係好反應，起碼唔會反對！我覺得呢幕都合理、唔性感嘅，平時我都有着露背衫。」Stephy笑言王子係睇到劇照先知自己有半裸演出，因為拍嗰時佢地仲未拍拖，而Stephy相信今次都係王子既底線。被問到咁如果問王子拍親熱戲會呷醋呢？她就笑言唔會限制男友，因為自己亦唔想被限制：「做演員都明白，我可能會選擇唔睇嗰個作品。」
圖片來源:東網