[ 淳．為食 ] 鑽竉鑽罅 ♥ 荃青抵食特集

物價加加加，但人工又唔見加。唔要荷包肝硬化就要慳慳慳！
阿淳係月光族的孩子，要叛族依類大事，就要努力慳慳慳！唔好唔覺意咁依日買咗包包，個日買咗尐化妝品，月頭日日食好野，月尾日日含麵包！

阿淳要平住食好野呀！！！(飲淚Mode)

所以，阿淳為咗大家又要食又要慳的需要，(你認為個個都好似你咁不幸咁跌入月光族的法網咩？)，決定要出荃青抵食特集！介紹一下荃灣同青衣區的抵食小店！

排名不分先後

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

肥仔記粉麵
地址：荃灣沙咀道246號
以間位於沙咀道戴蹸趾牙科診所對面的肥仔記粉麵，抵食在於佢全日單拼粉麵只需$14大元，而雙拼都只係$19大元，加$1蚊仲有豆漿。油菜都只係$6碟。抵呢！講樣有趣事給大家知，之前排隊等車回家時，有個婆婆搭訕，說起雲吞麵，她說她有味精敏感，很多間麵食都有落味精，但這間她經常吃沒有敏感，所以這間是沒有味精！

阿淳就試過去的雲吞麵單併加油菜！$20蚊就完成了一個晚餐，太令人高興了！

不過阿淳映依幅相的時候係叫了雙併，雲吞 + 炸魚皮。佢雙併雲吞就得3粒，如果冇記錯，單併的時候係有5粒。


♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
板長壽司 - 塩燒青魚定食 (午餐)
地址：荃灣楊屋道1號荃新天地第二期高層地下UG82-83號舖

板長午餐套餐有幾款，但阿淳就覺得塩燒青魚定食就最抵啦，因為$38 + 10%有 湯 + 青魚 同白飯！味道好，份量大，阿淳每次都食唔晒，男人的食量就應該剛剛好。


♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

新宏利粥品
地址：荃灣路德圍75號
又一$20搞掂晚餐之選，佢大部份粥品都係15蚊，所有油器都係$5蚊，阿淳這次點了皮蛋艇仔粥同牛俐穌。牛俐穌好好味，熱辣辣，外脆內軟，味道小甜。反而出名的粥品阿淳不是太喜歡呢，因為吃下去有點「渴」喉，唔知係皮蛋的原故定係落咗味精呢？但粥品是足料的，沒有預期中的軟綿口感。選不選擇這家在乎你是看重美食定係抵食啦！


♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

長發美食城 - 早晨粥品套餐
地址：青衣長發邨長發商場101-105, 138-142號
大大碗的南瓜栗米粥 + 大大盒的炒米粉 = $18蚊，如果同朋友或同事分享，每人都只係$9!!! er.... $9 一個美味又滿足的早餐，邊度搵？！

除了南瓜栗米粥，還有皮蛋瘦肉粥、柴魚花生粥可選。除了炒米粉，還有炒河、炒麵、炒公仔麵和腸粉可供選擇。都係$18蚊！


味道十分可口，粥底十分軟綿(一定比新宏利好)，南瓜和粟米清甜足料！炒米粉炒得乾身唔油膩，而且彈牙，不錯！

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥