有一種無奈...我地落機之後要向左走、向右走..
一趟旅行結束，心情難免都會有點失落沉重...
無得繼續玩、第朝要返工固然傷心得要死，但再慘啲就係一離開機場就要分隔兩路…尤其是熱戀中又住得遠嘅小情侶，真係難離難捨總有一些..
記得前排同女朋友去完旅行，而呢個亦係我地第一次嘅長旅途出國，當時每日每秒都係對方身邊，一訓醒就見到大家最真實嘅樣，而且重點係比起喺香港要搭成70分鐘車程先見到真係天與地...每日大家起身刷牙洗臉沖涼訓教，好多生活小細節都不知不覺表露無遺，一嘢就深入了解晒對方！
（不過有好有唔好啦～）
雖然咁講，但我都係同意雙方去旅行的確會增進彼此感情，有時雖然話會鬧交，但往往從中更加知道對方咩性格、咩思想構造，而且喺旅行咁歡樂嘅氣氛底下，就算嬲都好快會無事！#出咗公海 #做咩都得！
唔經唔覺你發現咁又一日，係呀，旅行開開心心、吵吵鬧鬧好快又唔見一day，當中生活幾鬼死寫意，食好西、影靚相等等基本嘢已經唔洗多講，但無奈開心過後好快又要回復平靜..
.
步出入境閘口，離開機場範圍更加係腳步沉重。
仲記得我地兩個一齊去到巴士總站面前，左邊就係前往新界嘅巴士，相反我就係右邊返港島嘅巴士
「咁..咁我走啦～」
「嗯..我地始終都係要向左走向右走」
「係囉…好似拍劇咁..」
無辦法啦，旅行完心情好難一時平伏，或者呢種香港版嘅long d戀愛，就只有身同感受嘅小情侶們最清楚～#你懂的
.
.
「好啦！我地一齊向左！」
雖然身體真係好攰，女朋友亦表示唔洗送佢搭車，但我始終無辦法要佢自己一個等...#精神！#精神！
天空開始泛起陣陣微光，我地兩個都仲係如夢初醒嘅眼訓樣，不過係等車嘅期間，我地都不自覺露出微微笑容..
究竟係眼訓到傻咗？定還是..係諷刺緊long d嘅苦笑？
可能就連我地自己都分唔清...
PS 相信香港唔止我面對呢個情況，那些年那些情景，小情侶們嘅你地仲記得嗎？:)
更多故事和旅行趣事: 熱豆腐仔
https://www.facebook.com/hothottofu/
IG: hottofuzai
https://www.instagram.com/hottofuzai/