《萬千星輝頒獎典禮》各大獎項點評 (5) (最終回) - 專業演員大獎至萬千光輝演藝人大獎

顯示分享連結
Merry Christmas! 今日到《萬千星輝頒獎典禮》各大獎項點評的最終回，講埋專業演員大獎同萬千光輝演藝人大獎。最佳劇集就唔特別講啦，因為小編係頒獎禮前都估係《跳躍生命線》拎到。

專業演員大獎同萬千光輝演藝人大獎都係又由TVB內部自己評審出黎，某程度上可以話係表揚傑出員工的獎。

專業演員大獎:


KC(歐瑞偉)，小編原本以為佢會拎到最佳男配角，但最後佢拎到的係呢個獎。當然小編都好認同佢好值得拎到呢個獎。


Madam Lo(盧宛茵)，小編覺得佢係《BB來了》做的康麗貞會係大小姐龍力蓮(林淑敏)《愛·回家之開心速遞》的最大阻力。最尾Madam Lo係第二個範疇拎到獎。Madam Lo係一個好戲之人，雖然小編睇電視開始個陣，佢已經係做D媽媽級的角色，但佢都可以將各個角色都有所發揮。而小編暫時覺得佢做最好的角色唔係TVB入面做過的角色，而係佢:




「奸人」鄭子誠，只要有佢出現的劇集，就知道佢係做奸角，就好似岩岩完左的《兄弟》入面的Raymond展國鋒(雖然佢係《跳躍生命線》入面係做正氣阿SIR)。做奸角，其實都好講演技，特別要做到「入型入格」就更加難得。專業演員大獎對佢黎講當然係實至名歸。


萬千光輝演藝人大獎: 「Captain Nancy」家燕姐，著名的「十字步」遊走江湖。小編應該係《皆大歡喜》開始睇佢做戲。拎得呢個獎絕係對佢的認同。


一連五篇的《萬千星輝頒獎典禮》各大獎項點評終於告一段落，再一次祝大家聖誕快樂!

Ref: TVB

如果喜歡我們的文章，請即分享到︰

標籤: TVB  歐瑞偉  盧宛茵  鄭子誠  家燕姐