【點評】《皓鑭傳》– 秦王孫係李皓鑭的「兵仔」!?

顯示分享連結
《褔爾摩師奶》今晚首播，叫做係《愛．回家之開心速遞》之外的另一套TVB自家製劇集，但暫時都係觀望態度。小編係度借機會講番《皓鑭傳》。讀者可以參考以下片段。


雖然內地《皓鑭傳》已經大結局(亦都被網民批評) ，但小編暫時都係跟TVB的進度去睇。以劇集熱度黎睇，《皓鑭傳》唔及之前《延禧攻略》咁火熱。李皓鑭(即係趙姬)(吳謹言飾)，係經過最初不斷俾人陷害之後，到開始「坐穩」女官位，小編就覺得劇情變得無咁吸引，可能係因為節奏開始放慢。


劇情的愛情線原本都幾吸引，尤其是皓鑭同呂不韋(聶遠飾)由最初互相揣測大家對對方的愛意，直到雙方認愛，都相當唔錯。但到左佢地私奔失敗開始，兩個人之間的「單單打打」令佢地的CP度大減!!!有人會話，咁秦王孫嬴異人(茅子俊飾)先可以借機會「發圍」!但現階段睇，就只係秦王孫單戀皓鑭，情況就好似睇住個「兵仔係娘娘身邊轉」，要睇下之後D劇情點樣講佢地有「愛火花」。暫時劇情的張力不足，唔知你又覺唔覺呢?


Ref: TVB

如果喜歡我們的文章，請即分享到︰

標籤: TVB  皓鑭傳  李皓鑭  呂不韋  秦王孫