【2倍速Challenge】- 吳若希加速唱完《如懿傳》主題曲，2019會係佢的逆襲年!?

顯示分享連結
劇集《如懿傳》擺係夜晚深宵時段播，自然收視麻麻地，比唔上另外的宮廷劇《皓鑭傳》。但小編覺得劇集主題曲「日月存亡」非常唔錯。吳若希(Jinny)之前就接受Big Big Voice的挑戰，加速咁唱哂成首「日月存亡」。


讀者可以參考以上片段。0:34個度，一開始吳若希都係用番本身速度咁唱。到0:38個度就即刻變左要「2倍速」咁Chur住去，但依然聽得到佢唱的歌詞。最後Keep住「2倍速」咁唱哂成首歌。雖然小編覺得高速版無原裝咁好聽，但都可以Show到吳若希的實力!!


宜家劇集主題曲基本上都係得番「星夢娛樂」，所以網民都成日討論邊個先至係「星夢一姐」。正所謂青菜蘿蔔各有所好，但無可否認吳若希同菊梓喬(Hana)都係有實力的歌手。原本係早前樂壇各項頒獎禮Hana大獲全勝，叫做拎到「星夢一姐」的地位。不過到呢排三套宮廷劇《如懿傳》、《皓鑭傳》同《獨孤天下》由吳若希、Hana同連詩雅(Shiga)3位「三分天下」(名義上)，加埋尋晚《褔爾摩師奶》的主題曲就令吳若希係「點數」(點撃數)上領先。小編睇好吳若希可以係2019逆襲，唔知你又點睇呢?


PS: 「日月存亡」Link

Ref: TVB、星夢娛樂

如果喜歡我們的文章，請即分享到︰

標籤: TVB  吳若希  如懿傳  日月存亡