【觀眾福音!!!】- 林峯強勢回巢TVB & 加盟星夢: 會有新嘗試!!

顯示分享連結
林峯自從《使徒行者》之後，就離巢出去闖一闖，一闖就幾年，宜家唔知係唔係「鳥倦知還」。但對於觀眾黎講，絕對係一件好事，讀者可以參考以下片段。


係記者會當中，林峯收到用「回家真好」禮盒裝住的TVBuddy同金咪，象徵住佢同一時間回歸TVB同加盟星夢娛樂! 林峯自己都話: 「好開心今次可以有機會見番一D舊同事…..因為實在太多同事睇住我大，所以嗰種番屋企的感覺係…好難用言語表達，所以好開心架。」佢亦都唔介意講話自己係以「友情價」回巢，個人亦會期待拎「視帝」!!

係觀眾的角度嚟講，林峯的回巢應該無咩人諗過，始終「好馬不吃回頭草」。就算之前TVB播番一D離巢藝人的作品(最近的例子有阿佘佘詩曼的《延禧攻略》同有黃宗澤加徐子珊的《守護神之保險調查》) ，都係外購劇同合拍劇的形式。所以林峯回巢都有可能引領一個「回巢潮」。至少宜家觀眾可以期待林峯做「男一」的劇集，加埋由佢唱的主題曲(叫做唔使聽嚟聽去都係個幾個星夢歌手) ，因為香港始終有個叫做「林峯情意結」!!!


Ref: TVB

如果喜歡我們的文章，請即分享到︰

標籤: TVB  林峯  星夢娛樂  回巢