【爾虞我詐!?】- 《娛樂大家》: 唔用腦嘻嘻哈哈過左一個鐘?!

顯示分享連結
尋晚TVB播最新的綜藝節目《娛樂大家》。仔細諗一諗，原來TVB已經好耐無呢D純玩的綜藝節目(即係指一班藝人自己「喂喂喂」)，小編記憶中呢類型的綜藝節目都仲停留係獎門人的年代。第一集睇落，小編都覺得唔錯。


讀者可以參考以上片段。《娛樂大家》入面有幾個遊戲，除左一個唔多關事的訪談環節，小編覺得咁多個遊戲就係片段入面個遊戲睇得最過癮。過癮的位唔係睇佢地食D咩好野，又唔係睇阿姐主持大局(小編覺得阿姐唔玩埋一份係好明智，因為阿姐的「江湖地位」會令其他藝人無玩到咁放) ，而係睇班藝人互相「陰」其他人。呢種「你陰下我，我陰下你」，就好似《宮心計》提過古代個種爾虞我詐、波譎雲詭。但呢個係電視上睇落就令觀眾覺得好過癮!


當然，呢D純玩的綜藝節目亦會有觀眾覺得無聊同低俗，咁就真係要睇番點解睇啦。小編就覺得睇呢D遊戲節目，不妨收起自己的智慧，輕輕鬆鬆咁睇下，唔知你又覺唔覺呢?


Ref: TVB

如果喜歡我們的文章，請即分享到︰

標籤: TVB  娛樂大家  綜藝節目  遊戲節目