【出字幕!?】《皓鑭傳》結局後感 – 始終被歷史所束缚!?

顯示分享連結
《皓鑭傳》終於大結局，因為小編都係跟番TVB的進度去睇，而之前又知道《皓鑭傳》有個隱藏結局，所以都諗TVB會唔會播個個隱藏結局，點知最後都係睇唔到。


讀者可以參考以上片段。網上流傳的隱藏結局係皓鑭(即係趙姬)(吳謹言飾)同呂不韋(聶遠飾)放棄佢地係秦國擁有的權力同地位，一齊去遊山玩水。當然呢個結局完全唔符合史實啦!所以，最後大家都係睇到個個「出字幕」的結局，交代番皓鑭被嬴政軟禁，呂不韋怕被嬴政所殺而自盡。


一套由歷史改編的劇集，自然有好多細節需要按史實記載去設定。不過既然講到明係一套劇集，又係唔係要所有情節都「跟足哂」歷史記載呢?如果要知道歷史記載的內容，不如直接去睇歷史記錄片?小編反而期待係見到皓鑭同呂不韋係湖上泛舟的結局，叫做為佢地兩個係嬴異人(茅子俊飾)仍然存在時無得開花結果的愛情畫上一個「超史實」的句號。唔知你又點睇呢?


Ref: TVB

如果喜歡我們的文章，請即分享到︰

標籤: TVB  皓鑭傳  吳謹言  聶遠  皓鑭  呂不韋