【戀愛特輯?】《娛樂大家》馮盈盈"婚已結" 何雁詩"除完"就結婚?

顯示分享連結
提到《娛樂大家》，小編上星期又提過節目可以改善的地方。今個星期呢集小編就要讚下佢，因為今集應該係暫時節目出街之後連貫性最高的一集，咁當然同今集的主題「戀愛大哂」有關。係母親節前夕，出現呢個主題的綜藝節目，唔講的話以為係情人節的特備節目。尋常觀眾都會好奇藝人同明星的感情生活，今集差唔多各個遊戲(除左「Liza Magic」)都可以真係圍繞到個主題去俾參加者玩，當中觀眾亦可以係遊戲中間知多D藝人的戀愛史。



讀者可以參考以上片段。小編覺得今集的「Cheat Chat」環節回復番之前的水平，真係要多得今集的嘉賓Zoie(譚凱琪)、Gloria(鄧佩儀)同Grace(陳凱琳)三個。Gloria佢話第一次玩呢類型的遊戲，但玩得異常出色，係咁「Set」陷阱等其他參加者中伏。Grace都唔差，得閒都有搞到其他人中招。Zoie就係三位嘉賓入面最弱個個，成日會「自爆」中招，人地「Set」的陷阱亦都避唔到，當之無愧的「果欄女王」(夾得最多生果係個頭度)!


同埋本身娛樂家族的成員今次「Cheat Chat」都有唔少「好笑位」。最爆一定係何雁詩玩緊「Cheat Chat」個陣講話幾時結婚，就係「除完」(隨緣)的時候(片段17:15個度)。另外，FYY馮盈盈俾人圍攻要講「寶寶」個陣，亦好巧妙咁避開左。一聲「老公」，仲以為佢又好似上年蕭正楠同黃翠如咁結左婚(片段12:40個度)!不過，今集無左陸浩(陸浩明)，成個環節好似順D，唔知你覺唔覺呢?



之前小編一直「話」開的訪談環節，小編今集都要「跪低」，因為今次節目訪問的係Speed Dating公司，同今集節目主題真係好Match，而且今次訪問係圍繞番成個香港的環境，真正叫做「港男港女」都關事!另外幾個有份參與訪談環節的藝人，都有講下自己同另一半相處之道，所以呢個環節終於叫做無咁悶，特別Grace又提到老公鄭嘉穎，所以都會因為「八卦」而睇哂。另外，短片個到今次亦因為係講「單身狗追女同事」，所以特別好笑，幫成個節目加分。至於「Liza Magic」，今次都係「中規中矩」，係Zoie估得最耐，其他參加者都好快估哂，因為佢地都可能本身已經識玩。整體黎講，今集的「笑位」幾多，可能因為今集的主題關係，下集如果可以保持到水準的話就好！

Ref: TVB

如果喜歡我們的文章，請即分享到︰

標籤: TVB  娛樂大家  譚凱琪  鄧佩儀  陳凱琳  馮盈盈