【大反派】《倚天屠龍記》- 樊少皇成崑現身!交代過往的來龍去脈

顯示分享連結
《倚天屠龍記》講到滅絕師太(周海媚飾)諗住聯合其他的名門正派組成「聯合部隊」(討伐魔教聯盟)，中間又遇到張無忌(曾舜晞飾)同蛛兒(殷離)(曹曦月飾)，係處理完朱九真被殺事件之後，又開始遇到魔教(明教)的邪魔外道。首先係外號「青翼蝠王」的韋一笑，之後就有天鷹教天微堂堂主的殷野王。係主角開「外掛」的情況下捱左滅絕師太三掌之後(等海媚姐留番D面子)，外號「布袋和尚」說不得的出現就將劇院的舞台轉移到明教的根據地光明頂!


讀者可以參考以上片段。尋晚的劇情「武林比武」的場面唔多，但可以話交代番《倚天屠龍記》開始前的來龍去脈，因為外號「混元霹靂手」成崑(樊少皇飾)(應該係呢套劇唯一的香港男演員?!)終於現身光明頂。相信觀眾都記得成崑呢個名唔係第一次出現，提佢提得最多就係「金毛獅王」謝遜(黑子飾)，因為成崑就係殺佢全家的仇人。

原來成崑同明教好有淵源，因為明教教主陽頂天的夫人(李依曉飾)(即係宜家播緊《獨孤天下》的二小姐獨孤曼陀)一直同成崑「有路」，仲將明教總壇地下的秘道話左俾成崑聽，等佢地可以「安心出軌」。陽頂天仲要揭發自己一直「戴綠帽」，走火入魔而死(所以明教之後四分五裂)。陽夫人又突然「玩殉情」，成崑睇住情人死係自己眼前之後就開始「痴痴地」。先係殺「金毛獅王」全家，引佢要報仇，再借謝遜周圍挑釁其他武林門派!


呢一集可以話係成崑自己出黎做一次詳細的講解，等大家(明教的上上下下同觀眾)知道事情的發展。主角張無忌聽到成崑呢個大惡人咁樣害佢義父全家，仲要搞到佢義父成為武林正派的「眼中釘」，梗係想幫佢義父出番一口氣啦。但其實佢之所以去到光明頂，就因為佢好似「坐車」咁被困係「布袋和尚」的「乾坤一氣袋」，反而呢個袋就阻住張無忌出手。所以張無忌就運用「九陽神功」的內力(又開「外掛」)去令到個布袋去撞成崑(畫面上睇到係咁)，之後就再「破袋而出」，準備同成崑「一個人」(單挑)!!小編覺得張無忌「爆袋」呢下真係幾型，對住咁強大的成崑，下集應該可以睇到無忌哥哥出真功夫啦(之前佢成日留力)!!!


Ref: TVB

如果喜歡我們的文章，請即分享到︰

標籤: TVB  倚天屠龍記  張無忌  曾舜晞  成崑  樊少皇