【地底泥?】《愛．回家之開心速遞》- KC得到Icy最有力的支持?!

顯示分享連結
前兩日《愛．回家之開心速遞》入面金城安(安仔)(周嘉洛飾)同池美麗(鍾凱琪飾)係貨櫃共渡患難的日子引起左網民的討論，究竟編劇會維持原判將安仔同Bonnie譚育英(林凱恩飾)一對，亦或係一個「反高潮」等安仔同池美麗變成一對，又或者學網民話安仔梗係同番佢的「好機友」朱凌凌(吳偉豪飾)一對呢?咁呢個就要之後的劇情先知。不過，尋晚的劇情似乎就有另一對CP出現啦，佢地就係KC(歐瑞偉飾)同Icy(岑杏賢飾)。


讀者可以參考以上片段。話說Terry (李偉健飾)醒左之後，係大房入面的地位已經超過左佢家姐大小姐龍力蓮(林淑敏飾)，當然連KC都唔夠佢黎啦。Terry的工作能力亦都一躍成為所有未來接龍集團入面最高(應該係?!)，咁佢亦都諗住知人善任。佢就覺得法律部的阿John胡景騰(何啟南飾)做野好過KC，所以就諗住升阿John職)，等佢取代KC做法律部主管。所以KC就係買野的時候，先發現自己無左員工的主管折扣(Terry好殘忍啊)，仲要係其他同事口中先知自己無左個主管位。KC當然唔會坐以待斃，於是即刻殺上去Terry的Office搵佢理論，最後可以用減一半人工的代價先至可以保到法律部主管個Title。


KC減一半人工係咩概念。之前有集KC教池子孝(阮政峰飾)做上等人，個陣有透過池子孝的人工仲比KC高(無記錯好似12萬)，咁當KC一個月搵10萬，減半後得番5萬，對於KC呢D上等人黎講真係要節衣縮食。咁岩Jenny雷珍妮(陳偉琪飾)就話佢阿爸可以請KC過檔，KC就諗住試下啦。點知原來係Jenny整的陷阱，大小姐同Terry就睇住KC點樣自我推銷，仲要講Terry壞話。今次Terry真係無左俾面佢舅父，就咁將KC由一個法律部主管變成一個法律部初級文員。


係一個男人最運滯的時候，亦都係最需要人支持的時候。之前Icy已經幫過KC幾次，今次Icy亦都有去幫佢，唔單止買野食俾KC，仲要係聽KC係度鬧自己無用的時候俾左最有力的支持佢(一個擁抱)。究竟呢個係單純朋友的擁抱，亦或係KC同Icy變成CP的開始呢?又要等劇情講番佢地先至知，但小編就諗KC未必咁快接受Icy，因為Icy對KC有意，而KC仲未完全忘記Helen(姚瑩瑩飾)，唔知你又點睇呢?


Ref: TVB

如果喜歡我們的文章，請即分享到︰

標籤: TVB  愛回家  開心速遞  KC  歐瑞偉  Icy  岑杏賢