愛回家「送水輝」面對人生抉擇，如果係你又會點揀呢？

顯示分享連結
「大小姐送水輝CP」可能係《愛．回家之開心速遞》入面最受歡迎的CP。尋晚的劇情終於講到「送水煇」(許家傑飾)要面對佢人生入面其中一個大抉擇，因為大小姐龍力蓮(林淑敏飾)同Jacky商良(黎振燁飾)的婚期已定，分分鐘之後要「九月九日憶大小姐送水輝CP」(因為暫定9月9日)。呢個時候，司徒獨孤明珠(馬蹄露飾)的再出現，俾左送水輝「一舖番盤」的機會，只要肯「捐精」，就可以拎到司徒獨孤集團的股份，搖身一變成為同大龍生龍敢威(羅樂林飾)匹敵的有錢人，仲勁過中六合彩。如果你係「送水輝」的話，你又會點揀呢?讀者可以參考以下片段。

A.「捐精」俾司徒獨孤明珠，然後再係大龍生面前正式求親
大小姐之所以一直要同「送水輝」偷偷摸摸咁係 琴室先可以好似普通情侶咁生活，就係因為大小姐怕佢爸爸知道左佢係揀「送水輝」，而唔係揀其他公子哥兒，咁對接龍集團的業務發展無幫助。而且佢覺得爸爸都會覺得佢同「送水煇」唔係門當戶對。如果「送水煇」接受司徒獨孤明珠的提議，拎到佢司徒獨孤集團的股份，成為大股東，佢就可以作為一個年輕的「金融財俊」，財力份份鐘拍得住大龍生。咁大龍生好自然會覺得「送水輝」同大小姐係門當戶對，對佢地的婚事應該都唔會話反對啦。「商心小棧」集團個邊，大龍生亦都會有辦法搞得掂，例如:可能搵黑化左的Terry (李偉健飾)(聰明加攻心計)去娶商良的姊妹，一Pair換一Pair，宜家的Terry都應該好樂意咁做，又可以進一步鞏固「大房」係接龍入面的地位!!


B.唔「捐精」俾司徒獨孤明珠，寧願同大小姐把握最後的時光
「送水輝」一直都係一個有骨氣的真漢子，即使佢之前因為生活艱難而要做「淪落人」，佢都係「賣藝不賣身」。為左堅持「唔同自己中意的人有下一代」的諗法，「送水輝」可能唔捐，係9月9號前珍惜同大小姐相處的最後時光。之後就要眼白白睇住大小姐嫁俾Jacky商良(黎振燁飾)，見到大小姐都要改口叫佢做「商太」。但其實「送水輝」自己都發現大小姐不知不覺間都會緊張Jacky，雖然大小姐自己就話無。即然Jacky都開始係大小姐心中開始佔有一個位置，佢最後可能都會忍痛割愛，祝福「小蓮」!


當然仲會有其他的選項啦，唔知你係「送水輝」的話會揀咩呢?


Ref: TVB

如果喜歡我們的文章，請即分享到︰

標籤: TVB  愛回家  開心速遞  許家傑  林淑敏