【發夢】《娛樂大家》杜如風唔知自己依家喺度做咩！？

顯示分享連結
今集的《娛樂大家》出奇地好睇，唔係因為今集的主題係旅遊，而係因為今集有《女人四十》的幾位嘉賓，有田蕊妮、卓韻芝、杜如風、谷祖琳同埋車婉婉，睇佢地幾個的互動真係好過癮。加上可能因為佢地幾位都做開唔同的主持，有時都會幫埋手搞氣氛，就咁睇落小編覺得有佢地做主持的話，效果可能仲好過「阿公」蘇永康同Dickson余德丞(Dickson喺節目入面發揮空間太少，其實佢講波時係「有紋有路」)。


讀者可以參考以上片段。喺「Cheat Chat」環節入面，除咗「娛樂家族」慣性狂中招的陸浩(陸浩明)同埋最近比較多負面新聞纏身的Arnold郭子豪，幾個嘉賓各有特色。車婉婉有一下俾人Trap的時候一句「關你乜事」，即刻令小編諗番起好多集前的「伍姑娘」伍詠薇，神態上都係一模一樣。之後，佢都開始越玩越放，無咁拘緊，有一下佢同田蕊妮仲「互Trap」。杜如風之前主持過咁多去日本的攻略(例如:《東京攻略》、《關西攻略》、《北海道攻略》同《昇龍道攻略》)，而今集的主題又係講旅遊，所以一開始就俾其他人圍攻，因為佢頭上的禁語通常都係關於日本。雖然佢已經回應得好巧妙，例如由去旺角浸溫泉，但始終點都要中下招。田蕊妮直頭可以係「後生仔扮下野」，直接扮FYY馮盈盈講說話(其實都扮得似，阿田真係玩得！)


之前一直覺得幾悶的「Liza Magic」，今集都搞笑咗好多，但小編都係覺得Liza姐俾提示俾得太出面。森美講獎品時，個個的反應都好似係度講:「哇，得咁少！？」(杜如風平時係節目買件衫再買個袋都豐富過D獎品啦。)第一round個陣，全部嘉賓都估到。最醒的卓韻芝係最快估到個個卓韻芝，最迷茫的就係杜如風。當個個差唔多都估到的時候，森美就問杜如風:「宜家係咩?」(正確答案係蜻蜓，因為宜家係蜻蜓。)點知杜如風就答:「宜家唔知做咩wor......」到第二round個陣，杜如風一開始都係唔知自己喺度做咩，但佢最後都估到。而田蕊妮係諗到「阿姐點解鍾意牛肉而唔鍾意牛」之後就估到，跟住仲出左個世紀難題俾阿姐:「阿姐鍾意森美，但係唔鍾意家英哥!」阿姐聽到都話:「好難答 ！」唔知你地又覺得今集點呢?


Ref: TVB

如果喜歡我們的文章，請即分享到︰