【還原】《愛．回家之開心速遞》- 再次「安心偷食」!?今次輪到阿Max龍力士

顯示分享連結
《愛．回家之開心速遞》的劇情一向都「貼地」，所以受人歡迎，之前小編以為只係金城安(安仔)(S.O.)(周嘉洛飾)同Bonnie譚育英(林凱恩飾)呢對CP入面安排池美麗(鍾凱琪飾)呢個「小三」，去影射下「安心偷食事件」(金城安又係叫安仔!!)點知呢兩晚個集，直頭係「神還原」事件中的重點:少女主動係的士入面出擊，勾引屬於「有婦之夫」的男方，跟住的士司機就用車廂入面的鏡頭捕捉呢個場景。最好笑係個個的士司機居然係「細力」(小編應該無睇錯掛!?)


讀者可以參考以上片段。一向俾老婆鬧開的阿Max龍力士(鄭世豪飾)，仍然係做咩都會俾老婆Jenny雷珍妮(陳偉琪飾)話。但今次係接龍集團一個慈善活動「Son of the beach」入面，阿Max識到個好「欣賞」自己的明星Cherry，人地仲大讚佢好gentleman。喺拎完「執垃圾獎」之後，正當Peter(杜大偉飾)諗住安排醉咗嘅阿Max番歸的時候，「進撃的Cherry」就出現話要細龍生「車」埋佢啦。呢個時候，Peter講咗句好精警的說話 :「孤男寡女，飲到咁醉實出事嫁wor!」Cherry當然唔理佢，直接上車，所以咪出事囉!


喺架車入面，Cherry梗係步步進逼，係咁讚阿Max，幾乎咩都可以拎黎讚一餐，讚到醉咗的阿Max都飄飄然。之後仲主動去鍚阿Max，最後就俾司機「細力」拍低哂。唔怪得細力成日都好似好食懶做咁，原來佢咁勤力連的士司機都做埋，可能仲有其他「秘撈」都唔定，真係怪錯咗佢添。阿Max溝囡囡(又或者調番轉係囡囡主動溝阿Max)的片就俾人擺咗喺地下拍賣會度拍賣。所以，「龔水CP」(龔燁(張景淳飾)同熊若水(呂慧儀飾)佢地就俾大龍生龍敢威(羅樂林飾)叫咗去拍賣會都拎番段片。


不過，熊若水同龔燁係今集的爭論，先至係尋晚個集影射「安心偷食事件」的重點。因為佢地的對話可以反映番男性角度同女性角度點睇成件事。龔燁就覺得男方(即係阿Max)都已經醉咗，佢都好難可以控制到自己，更加明顯的係女方(Cherry)主動出撃，阿Max被人拍片基本上都已經係「非戰之罪」。「媽呢空」就唔係咁樣睇，基本上人地就算係送到上門俾你的時候，唔應該食就要堅守自己的底線。唔知你又覺得龔燁講嘅野有道理，抑或係熊若水呢?


Ref: TVB

如果喜歡我們的文章，請即分享到︰

標籤: TVB  愛回家  開心速遞  龍力士  鄭世豪  Max