粵菜。樂雅軒 | 鮑參花膠極尚宴
餐廳：樂雅軒
地址：油麻地窩打老道23號城景國際1樓
樂雅軒作為法國藍帶美食協會公司會員，相信味道都有番咁上下。之前因工作關係，毒丁有係度食過午市點心，味道同賣相都討好！果時見到有「鮑參花膠極尚宴」既菜單，4位每人只係$298就食到鮑參花膠，而且仲包埋酒水(紅酒、白酒、汽水、茶水)，一直令我念念不忘。適逢8月就係毒丁既生日月，於是樂雅軒就成為我其中一間食生日飯既地方。
餐廳環境富有中國風得黎又簡約清雅，場地面臨雖然唔大，但枱與枱之間唔會好似酒樓咁擺到密密麻麻，有空間感同坐得幾舒適。
- 江南四小碟 - 香脆素鵝、蔥油海蜇、福建鼠耳、蒜片和牛粒
素鵝外皮再脆d會更吸引；而海蜇比較淡味，蔥油唔夠香，四小碟中最失色既一碟；帶微酸同麻辣既雲耳幾好味，係唔錯既開胃前菜；和牛粒蒜香味十足，可能係和牛關係，所以都比較油膩。
- 芝士薑蔥焗釀蟹蓋
用mozzarella cheese焗出黎所以芝士味夠香，但感覺蓋過左薑蔥，overall都ok既。不過個人覺得魚蝦蟹呢d海鮮都係蒸既會保留到鮮味，始終芝士味會搶走海鮮鮮味。
- 羊肚菌燉靈芝功夫湯
對唔太好藥膳既人黎講會覺得麻麻，我就對藥膳ok，而呢個湯都較為清甜帶淡淡藥膳味，感覺補身。
- 彩椒炒斑球
正常水準既一道菜，唔算話太特別。
- 蠔皇六頭鮑魚扣海參
主角一睇就知吸引，食一啖鮑魚，果然無令我失望，相信用左好長時間去燜先有咁煙韌既口感，而個海參彈牙口，可惜每人得一舊，真係好好味呀！
- 桂林風味啤酒雞
啤酒同香料散及出既香氣真係聞到都想食，爽一舊雞食先知有小小辣，令成件事更加惹味，繼鮑魚後另一推介！
- 上湯花膠浸菜苗
相片完全反映花膠數量，如果你想大大舊個量又多既話，你會大大失望，好彩菜苗夠新鮮補救。
- 韓式海膽泡菜炒飯
個人覺得海膽係應該即開即食，煮熟左係好浪費既一件事，所以對呢個飯既海膽唔會有期望。但泡菜炒飯又ok喎！建議食之前撈勻底部既泡菜，味道更均衡好食。
- 椰汁燉燕窩
毒丁對大家唔住！我怪住同侄仔玩唔記得影相...
拎上枱時熱辣辣，椰味濃郁香甜，但燕窩量係少既。但畢竟呢個餐每位都係$298，大部份既錢都去左鮑魚扣海參度，所以花膠同燕窩量較少都叫接受啦。
總結評分(5丁為滿分，"一"為半分)
味道︰丁丁丁一
服務︰丁丁丁丁
環境︰丁丁丁丁丁
地址：油麻地窩打老道23號城景國際1樓
樂雅軒作為法國藍帶美食協會公司會員，相信味道都有番咁上下。之前因工作關係，毒丁有係度食過午市點心，味道同賣相都討好！果時見到有「鮑參花膠極尚宴」既菜單，4位每人只係$298就食到鮑參花膠，而且仲包埋酒水(紅酒、白酒、汽水、茶水)，一直令我念念不忘。適逢8月就係毒丁既生日月，於是樂雅軒就成為我其中一間食生日飯既地方。
餐廳環境富有中國風得黎又簡約清雅，場地面臨雖然唔大，但枱與枱之間唔會好似酒樓咁擺到密密麻麻，有空間感同坐得幾舒適。
- 江南四小碟 - 香脆素鵝、蔥油海蜇、福建鼠耳、蒜片和牛粒
素鵝外皮再脆d會更吸引；而海蜇比較淡味，蔥油唔夠香，四小碟中最失色既一碟；帶微酸同麻辣既雲耳幾好味，係唔錯既開胃前菜；和牛粒蒜香味十足，可能係和牛關係，所以都比較油膩。
- 芝士薑蔥焗釀蟹蓋
用mozzarella cheese焗出黎所以芝士味夠香，但感覺蓋過左薑蔥，overall都ok既。不過個人覺得魚蝦蟹呢d海鮮都係蒸既會保留到鮮味，始終芝士味會搶走海鮮鮮味。
- 羊肚菌燉靈芝功夫湯
對唔太好藥膳既人黎講會覺得麻麻，我就對藥膳ok，而呢個湯都較為清甜帶淡淡藥膳味，感覺補身。
- 彩椒炒斑球
正常水準既一道菜，唔算話太特別。
- 蠔皇六頭鮑魚扣海參
主角一睇就知吸引，食一啖鮑魚，果然無令我失望，相信用左好長時間去燜先有咁煙韌既口感，而個海參彈牙口，可惜每人得一舊，真係好好味呀！
- 桂林風味啤酒雞
啤酒同香料散及出既香氣真係聞到都想食，爽一舊雞食先知有小小辣，令成件事更加惹味，繼鮑魚後另一推介！
- 上湯花膠浸菜苗
相片完全反映花膠數量，如果你想大大舊個量又多既話，你會大大失望，好彩菜苗夠新鮮補救。
- 韓式海膽泡菜炒飯
個人覺得海膽係應該即開即食，煮熟左係好浪費既一件事，所以對呢個飯既海膽唔會有期望。但泡菜炒飯又ok喎！建議食之前撈勻底部既泡菜，味道更均衡好食。
- 椰汁燉燕窩
毒丁對大家唔住！我怪住同侄仔玩唔記得影相...
拎上枱時熱辣辣，椰味濃郁香甜，但燕窩量係少既。但畢竟呢個餐每位都係$298，大部份既錢都去左鮑魚扣海參度，所以花膠同燕窩量較少都叫接受啦。
總結評分(5丁為滿分，"一"為半分)
味道︰丁丁丁一
服務︰丁丁丁丁
環境︰丁丁丁丁丁