旅館老闆親自下廚新派法國菜

日本唔少地方都有auberge，即係小旅館或客棧。Shezmari大廚及老闆石井秀樹話，應該係有得住宿既餐廳更加貼切。

好多auberge供應佳餚美酒，客人飲左酒不方便駕車，有房間可以過夜，就唔怕醉酒駕駛啦！
本身係建築師，29歲先發現自己鍾意煮食，投身飲食界的石井先生。曾在長野三井花園酒店做廚，後來接手Shezmari，兼任老闆及大廚，跟妻子兩人一手一腳打理至今。石井先生的偶像係法國名廚Joel Robuchon，做的是新派法國菜。不過用既係當地出產的食材，主張地產地消。好似信州出產的雪花豬肉，因為以豆粉作飼料，肉質又嫩又甜。石井先生用上不少新煮法，好似這些一粒粒如泥土般的粉末，花三個鐘用味噌及蔬菜煮製風乾而成，味道鹹香，泡泡則有煙熏味，好有心機。石井先生的菜式賣相精緻，每次擺盤都根據心情，好似藝術家咁。