不專業足球筆記（十）
不專業足球筆記（十）
1. 上個月既亞洲盃期間，日本隊中場伊東純也爆出性侵醜聞被逼退隊，隨後球隊都響八強被淘汰出局，相信大家都仲記憶猶新。呢件事最近又有新發展，伊東純也搵咗律師告鳩果兩條女，話佢哋既指控虛假，嚴重損害咗伊東純也既聲譽，要求佢哋賠償2億日元。呢2億日元睇起上黎好多，但並唔係亂咁計既，係基於贊助商合約解除等損害黎計數，「未來可能會提出進一步的索賠」。
2. 果陣係由「日刊體育」報道，有兩條女指控伊東純也響舊年6月既時候比伊東性侵，不情願下與佢發生性關係，伊東純也果陣係否認，但出出入入咁最後都係受壓力而退出咗國家隊。
3. 我唔跟車太貼喇，只係想講而家其實好多女人都話曾經比啲咩球員性侵，如果係真既就梗係要拉要鎖喇呢啲人渣，但係如果只係啲女搏出位呢？如果佢哋冇真憑實據只係隨口UP呢？佢哋擺出一副弱者既姿態指控球員，啲球員最黃金既生涯可能就係咁完咗，就算真係清白，到最尾失去既嘢就係失去咗，攞唔返。
4. 講到明先，如果真係有發生過性侵既，據理力爭好合理，將啲仆街繩之於法亦都天經地義。但如果真係隨口UP，諗住出位或者攞著數既，萬一查完之後真係好明確原來冇發生過冇呢件事，咁要佢哋賠下錢都好合理。
5. 呢件事，誰是誰非真係未清楚，就等睇後續發展喇，分分鐘要上埋法庭打完官司先會水落石出。
6. 講開性侵，歐洲仲有一單仲更加勁爆，就係前巴塞球星、前巴西國腳丹尼爾艾維斯響2022年12月31日響巴塞隆拿既一間夜總會VIP房內洗手間入面強姦一名年輕女子，被判罪成，要坐四年半監。原來唔經唔覺，佢已經被羈留咗超過一年，今次罪成，除咗要坐監之外，仲要賠錢(好似係15萬歐元)比受害人。佢透過代表律師話自己無辜，話會上訴咁話。
7. 好喇，講夠性侵呢個話題喇，都係正正經經咁講返波喇。呢個禮拜香港既傳會窗都好熱鬧，唔係講香港球壇入面互換既果隻轉會，而係講緊有有四個香港球員傳出或者係已經確認會轉會外流中甲/中超，佢哋分別係孫銘謙、周緣德、杜國樑同埋安永佳。
8. 呢四個球員入面，最出名果個梗係上季已經外流效力過廣西平果哈嘹既安永佳，佢將會加盟中超升班馬深圳新鵬城；另外周緣德響傳聞傑志收取咗過百萬轉會費之後終於獲得放行，如願加盟中超河南酒祖杜康；而孫銘謙呢？佢就會加盟另一支中超球會滄州雄獅。加埋梁諾恆同埋茹子楠，唔經唔覺已經有5位香港球員響中超效力。
9. 至於杜國樑呢？截稿既時候仲未有消息，網上有傳佢將會落戶南京，究竟係邊隊呢？就等我哋拭目以待喇。
10. 香港隊打入咗亞洲盃、亞運會取得好成績，一眾港腳都踢出有說服力既表現，希望之後可以有更加多球員外流，提升香港隊既水平！
11. 話時話，大家仲記唔記得岡崎慎司，呢位曾經幫助李斯特城神奇奪冠既日本前鋒呢？今年已經37歲既佢，效力緊比甲球會聖圖爾登，仲養緊傷既佢，宣佈自己將會響黎緊季尾退役。當年佢同華迪兩個響前面衝鋒陷陣拎埋冠軍，原來都眨眼間都差唔多成十年前，佢就黎退休，不過同樣都係37歲既華迪就仲效力既李斯特城，幫球隊衝擊英冠冠軍，如無意外，下年都應該都會再見到佢哋。
12. 早前愛華頓因違反英超盈利和可持續性規則而扣除10分，經過獨立小組上訴聽證會後，都叫做上訴成功，從最初扣10分減少到只係需要扣6分。雖然都係比人扣咗分，但而家既護級形勢又因為呢六形又改善返唔少，早前有報道話諾定咸森林、車路士同曼城全部都有財務違規，唔知最後會點呢？
13. 效力緊意甲班霸祖雲達斯既法國中場普巴，近幾日又霸佔咗各個足球板既頭條，不過當然唔係啲乜嘢光彩既事喇，而係佢舊年9月藥檢衰咗既停賽刑期出爐，就係需要停賽4年，即係2027年9月佢成35歲先可以復出。
14. 其實根據意大利反禁藥組織Nado既規定，一般呢啲睾酮超標，只係需要停賽2年，但係如果被證實係故意違規，刑期就會增加到4年，所以今次Nado對普巴既判刑，明顯就係庭上有證據證明普巴係故意違規。
15. 但當然，意甲曾經爆出過打假波既醜聞，雖然都係一段時間之前，但印象呢啲嘢真係根深蒂固就係根深蒂固，我見有網民留言話Nado可能會作假，屈鳩普巴，你問我覺得會唔會，我就覺得唔會既，但可唔可以100%否認有咁既機會呢，我只能夠講句廢話︰唔得。
16. OK，我知，呢句真係廢到仆街…只要唔係100%唔可能，我話普巴其實係改造人都得架喇…因為佢係改造人，所以先會有咁高既睾酮…屌，講出黎都覺得戇鳩。
17. 普巴例牌就話一定會上訴架喇，佢既經理人話佢只係唔小心服用吖嘛。其實藥檢都捉到正，我諗佢上黎都冇乜用架喇。
18. 仲記得兩年前普巴先至響自己既紀錄片入面講過，話曼聯咁遲先同佢傾續約，佢一定要令曼聯後悔咁話。而家祖記既高層真係唔慌唔後悔嘞…
#不專業足球筆記 #專欄 #足球專欄#香港隊 #安永佳 #周緣德 #孫銘謙 #杜國樑
#伊東純也 #丹尼爾艾維斯 #巴塞 #巴西 #岡崎慎司 #愛華頓
#祖雲達斯 #普巴 #Nado #停賽
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 上個月既亞洲盃期間，日本隊中場伊東純也爆出性侵醜聞被逼退隊，隨後球隊都響八強被淘汰出局，相信大家都仲記憶猶新。呢件事最近又有新發展，伊東純也搵咗律師告鳩果兩條女，話佢哋既指控虛假，嚴重損害咗伊東純也既聲譽，要求佢哋賠償2億日元。呢2億日元睇起上黎好多，但並唔係亂咁計既，係基於贊助商合約解除等損害黎計數，「未來可能會提出進一步的索賠」。
2. 果陣係由「日刊體育」報道，有兩條女指控伊東純也響舊年6月既時候比伊東性侵，不情願下與佢發生性關係，伊東純也果陣係否認，但出出入入咁最後都係受壓力而退出咗國家隊。
3. 我唔跟車太貼喇，只係想講而家其實好多女人都話曾經比啲咩球員性侵，如果係真既就梗係要拉要鎖喇呢啲人渣，但係如果只係啲女搏出位呢？如果佢哋冇真憑實據只係隨口UP呢？佢哋擺出一副弱者既姿態指控球員，啲球員最黃金既生涯可能就係咁完咗，就算真係清白，到最尾失去既嘢就係失去咗，攞唔返。
4. 講到明先，如果真係有發生過性侵既，據理力爭好合理，將啲仆街繩之於法亦都天經地義。但如果真係隨口UP，諗住出位或者攞著數既，萬一查完之後真係好明確原來冇發生過冇呢件事，咁要佢哋賠下錢都好合理。
5. 呢件事，誰是誰非真係未清楚，就等睇後續發展喇，分分鐘要上埋法庭打完官司先會水落石出。
6. 講開性侵，歐洲仲有一單仲更加勁爆，就係前巴塞球星、前巴西國腳丹尼爾艾維斯響2022年12月31日響巴塞隆拿既一間夜總會VIP房內洗手間入面強姦一名年輕女子，被判罪成，要坐四年半監。原來唔經唔覺，佢已經被羈留咗超過一年，今次罪成，除咗要坐監之外，仲要賠錢(好似係15萬歐元)比受害人。佢透過代表律師話自己無辜，話會上訴咁話。
7. 好喇，講夠性侵呢個話題喇，都係正正經經咁講返波喇。呢個禮拜香港既傳會窗都好熱鬧，唔係講香港球壇入面互換既果隻轉會，而係講緊有有四個香港球員傳出或者係已經確認會轉會外流中甲/中超，佢哋分別係孫銘謙、周緣德、杜國樑同埋安永佳。
8. 呢四個球員入面，最出名果個梗係上季已經外流效力過廣西平果哈嘹既安永佳，佢將會加盟中超升班馬深圳新鵬城；另外周緣德響傳聞傑志收取咗過百萬轉會費之後終於獲得放行，如願加盟中超河南酒祖杜康；而孫銘謙呢？佢就會加盟另一支中超球會滄州雄獅。加埋梁諾恆同埋茹子楠，唔經唔覺已經有5位香港球員響中超效力。
9. 至於杜國樑呢？截稿既時候仲未有消息，網上有傳佢將會落戶南京，究竟係邊隊呢？就等我哋拭目以待喇。
10. 香港隊打入咗亞洲盃、亞運會取得好成績，一眾港腳都踢出有說服力既表現，希望之後可以有更加多球員外流，提升香港隊既水平！
11. 話時話，大家仲記唔記得岡崎慎司，呢位曾經幫助李斯特城神奇奪冠既日本前鋒呢？今年已經37歲既佢，效力緊比甲球會聖圖爾登，仲養緊傷既佢，宣佈自己將會響黎緊季尾退役。當年佢同華迪兩個響前面衝鋒陷陣拎埋冠軍，原來都眨眼間都差唔多成十年前，佢就黎退休，不過同樣都係37歲既華迪就仲效力既李斯特城，幫球隊衝擊英冠冠軍，如無意外，下年都應該都會再見到佢哋。
12. 早前愛華頓因違反英超盈利和可持續性規則而扣除10分，經過獨立小組上訴聽證會後，都叫做上訴成功，從最初扣10分減少到只係需要扣6分。雖然都係比人扣咗分，但而家既護級形勢又因為呢六形又改善返唔少，早前有報道話諾定咸森林、車路士同曼城全部都有財務違規，唔知最後會點呢？
13. 效力緊意甲班霸祖雲達斯既法國中場普巴，近幾日又霸佔咗各個足球板既頭條，不過當然唔係啲乜嘢光彩既事喇，而係佢舊年9月藥檢衰咗既停賽刑期出爐，就係需要停賽4年，即係2027年9月佢成35歲先可以復出。
14. 其實根據意大利反禁藥組織Nado既規定，一般呢啲睾酮超標，只係需要停賽2年，但係如果被證實係故意違規，刑期就會增加到4年，所以今次Nado對普巴既判刑，明顯就係庭上有證據證明普巴係故意違規。
15. 但當然，意甲曾經爆出過打假波既醜聞，雖然都係一段時間之前，但印象呢啲嘢真係根深蒂固就係根深蒂固，我見有網民留言話Nado可能會作假，屈鳩普巴，你問我覺得會唔會，我就覺得唔會既，但可唔可以100%否認有咁既機會呢，我只能夠講句廢話︰唔得。
16. OK，我知，呢句真係廢到仆街…只要唔係100%唔可能，我話普巴其實係改造人都得架喇…因為佢係改造人，所以先會有咁高既睾酮…屌，講出黎都覺得戇鳩。
17. 普巴例牌就話一定會上訴架喇，佢既經理人話佢只係唔小心服用吖嘛。其實藥檢都捉到正，我諗佢上黎都冇乜用架喇。
18. 仲記得兩年前普巴先至響自己既紀錄片入面講過，話曼聯咁遲先同佢傾續約，佢一定要令曼聯後悔咁話。而家祖記既高層真係唔慌唔後悔嘞…
#不專業足球筆記 #專欄 #足球專欄#香港隊 #安永佳 #周緣德 #孫銘謙 #杜國樑
#伊東純也 #丹尼爾艾維斯 #巴塞 #巴西 #岡崎慎司 #愛華頓
#祖雲達斯 #普巴 #Nado #停賽
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938