紅魔鬼賽後評 英超 曼聯 3-2 紐卡素 (15-5-2024)
紅魔鬼賽後評
英超 曼聯 3-2 紐卡素 (15-5-2024)
1. 坦克賽前話有幾個傷兵可以復出，不過排出黎既正選陣容入面，除咗般奴復出取代賀龍打無鋒陣之外，都係用返之前既殘陣，繼續用卡斯米路客串中堅，夥拍老將伊雲斯，傷癒既青年軍甘比華拉同埋馬天尼斯仲有前鋒華舒福都只係列在後備。
2. 其實都明白，呢幾個球員啱啱先好返，而家英超又冇嘢好爭，唔駛咁急要推佢哋出場，廢事佢哋唔fit，然後又再受傷，大家都知曼聯班獸醫有幾可靠架喇，都係錫住用班球員好啲。
3. 雖然只係用殘陣，但意外地踢落球隊既表現非常唔錯，其中左右兩隻翼加拿祖同埋戴亞路響兩面都幾有威脅，加拿祖都仲係有啲處理得唔好最後一腳，但Amad今日呢方面就做得好好，收獲一個入球一個助攻。
4. Amad今季都認真唔好彩，季前熱身賽重傷，季中先可以復出，而啱啱復出既時候其實踢得唔算太好，始終佢上季仲係踢緊英冠，英超既節奏快咁多，佢最初復出響僅有既少少出場機會既時候，尤其是防守方面係做得有啲吃力。
5. 但佢最近既表現真係好好，其實轉捩點應該係足總盃八強佢既入波絕殺利物浦之後，佢既信心同狀態就開始提升，而家我係100%會將佢擺響安東尼之前踢正選既右翼。只係福仔復出之後，唔知坦克響足總盃決賽會唔會又出返左邊福仔、右邊加拿祖，真係要睇睇。
6. 曼聯今日既防守算做得唔錯，但失果球波，又係有啲似上場對阿仙奴既失波咁，奧拿拿大腳斬前，比對手head到、第二點冇人執(今次係安拉拔少少撻Q)，比人落底傳中由哥頓射入。奧拿拿其實今場表現依然係非常唔錯，可以話延續咗下半季佢神勇既表現，但係呢兩場既失波(其實唔止呢兩場)，唔係話佢要負最大既責任，但兩球波都係佢既長傳比人截到比人打反擊而失。無可否認，賽場上面佢有唔少長傳係做到有威脅既傳送，但同時都唔可以忽視呢兩下被打反擊導致失波既呢個事實，傳控型龍門係會間中有呢啲失誤既，但會唔會檢討下，減少呢啲情況出現？已經連續兩場係咁樣失波了。
7. 第二球波就冇得講，賀爾呢球真係世界波，要彈既係點解佢會有咁多時間比佢射得咁輕鬆。
8. 般奴今次復出，真係可以睇得出有佢同冇佢，曼聯係會有咩分別。冇錯，有時佢係會踢得急躁，比埋啲痴線直線傳送，但佢響曼聯既功能，暫時真係冇人可以代替到。
9. 賀龍今場後備出場好有威脅，除咗入咗一球之外，完場前既一次突擊都差啲造就福仔可以埋齋。無可否認，呢個後生仔係有空間進步，走位入攝可以做得更好，但曼聯既中場，其實都應該試下比多啲波佢，見佢成日都比人響前場孤立，head完啲高波又冇人follow第二點，其實都幾慘。
10. 卡斯米路今日叫做重拾返少少水準，上半場一球護空門好關鍵，不過佢防守落腳依然唔係好準，有幾次魯莽既犯規。安拉拔專注做防守都幾好，但係佢有時啲傳波同控波真係嚇死你，今日整體黎講算合格有突。文奴唔駛講，球入波顯示到佢一貫既冷靜。
11. 真係開心見到馬天尼斯後備上場踩下草。剩返一個星期多啲就到足總盃決賽，麥佳亞、華拉尼、連迪路夫都冇乜消息，左閘梳爾最新消息係傷上加傷，未必可以趕及決賽復出。如果冇人再傷冇人再復出既話，決賽既中堅配搭都好大機會係伊雲斯搭馬天尼斯，面對住曼城既豪華攻擊線，都幾撚牙煙…
12. 最後，星期日場波作客白禮頓hea咗佢算啦，最緊要唔好有人再傷啊…決賽黎緊喇…雖然應該都係凶多吉少，但搏下都好吖…
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #MUNNEW #曼聯 #紐卡素 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
英超 曼聯 3-2 紐卡素 (15-5-2024)
1. 坦克賽前話有幾個傷兵可以復出，不過排出黎既正選陣容入面，除咗般奴復出取代賀龍打無鋒陣之外，都係用返之前既殘陣，繼續用卡斯米路客串中堅，夥拍老將伊雲斯，傷癒既青年軍甘比華拉同埋馬天尼斯仲有前鋒華舒福都只係列在後備。
2. 其實都明白，呢幾個球員啱啱先好返，而家英超又冇嘢好爭，唔駛咁急要推佢哋出場，廢事佢哋唔fit，然後又再受傷，大家都知曼聯班獸醫有幾可靠架喇，都係錫住用班球員好啲。
3. 雖然只係用殘陣，但意外地踢落球隊既表現非常唔錯，其中左右兩隻翼加拿祖同埋戴亞路響兩面都幾有威脅，加拿祖都仲係有啲處理得唔好最後一腳，但Amad今日呢方面就做得好好，收獲一個入球一個助攻。
4. Amad今季都認真唔好彩，季前熱身賽重傷，季中先可以復出，而啱啱復出既時候其實踢得唔算太好，始終佢上季仲係踢緊英冠，英超既節奏快咁多，佢最初復出響僅有既少少出場機會既時候，尤其是防守方面係做得有啲吃力。
5. 但佢最近既表現真係好好，其實轉捩點應該係足總盃八強佢既入波絕殺利物浦之後，佢既信心同狀態就開始提升，而家我係100%會將佢擺響安東尼之前踢正選既右翼。只係福仔復出之後，唔知坦克響足總盃決賽會唔會又出返左邊福仔、右邊加拿祖，真係要睇睇。
6. 曼聯今日既防守算做得唔錯，但失果球波，又係有啲似上場對阿仙奴既失波咁，奧拿拿大腳斬前，比對手head到、第二點冇人執(今次係安拉拔少少撻Q)，比人落底傳中由哥頓射入。奧拿拿其實今場表現依然係非常唔錯，可以話延續咗下半季佢神勇既表現，但係呢兩場既失波(其實唔止呢兩場)，唔係話佢要負最大既責任，但兩球波都係佢既長傳比人截到比人打反擊而失。無可否認，賽場上面佢有唔少長傳係做到有威脅既傳送，但同時都唔可以忽視呢兩下被打反擊導致失波既呢個事實，傳控型龍門係會間中有呢啲失誤既，但會唔會檢討下，減少呢啲情況出現？已經連續兩場係咁樣失波了。
7. 第二球波就冇得講，賀爾呢球真係世界波，要彈既係點解佢會有咁多時間比佢射得咁輕鬆。
8. 般奴今次復出，真係可以睇得出有佢同冇佢，曼聯係會有咩分別。冇錯，有時佢係會踢得急躁，比埋啲痴線直線傳送，但佢響曼聯既功能，暫時真係冇人可以代替到。
9. 賀龍今場後備出場好有威脅，除咗入咗一球之外，完場前既一次突擊都差啲造就福仔可以埋齋。無可否認，呢個後生仔係有空間進步，走位入攝可以做得更好，但曼聯既中場，其實都應該試下比多啲波佢，見佢成日都比人響前場孤立，head完啲高波又冇人follow第二點，其實都幾慘。
10. 卡斯米路今日叫做重拾返少少水準，上半場一球護空門好關鍵，不過佢防守落腳依然唔係好準，有幾次魯莽既犯規。安拉拔專注做防守都幾好，但係佢有時啲傳波同控波真係嚇死你，今日整體黎講算合格有突。文奴唔駛講，球入波顯示到佢一貫既冷靜。
11. 真係開心見到馬天尼斯後備上場踩下草。剩返一個星期多啲就到足總盃決賽，麥佳亞、華拉尼、連迪路夫都冇乜消息，左閘梳爾最新消息係傷上加傷，未必可以趕及決賽復出。如果冇人再傷冇人再復出既話，決賽既中堅配搭都好大機會係伊雲斯搭馬天尼斯，面對住曼城既豪華攻擊線，都幾撚牙煙…
12. 最後，星期日場波作客白禮頓hea咗佢算啦，最緊要唔好有人再傷啊…決賽黎緊喇…雖然應該都係凶多吉少，但搏下都好吖…
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #MUNNEW #曼聯 #紐卡素 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938