紅魔日報 曼治又受傷！ 多個Tier 1 消息來源指麥湯將加盟拿玻里 烏加特加盟曼聯好事近？ 25-8-2024
紅魔日報 曼治又受傷！ 多間Tier消息來源指麥湯將加盟拿玻里 烏加特加盟曼聯好事近？ 25-8-2024
1. 諗返尋日場波都仲係忿忿不平，不過自己後防兩下致命犯錯怪得邊個？
2. 屋漏兼逢連夜雨，戇鳩輸波不突止，而家仲要坦克話曼治半場既時候係因為感覺到有啲不適所以先被換出，下場對利物浦上陣成疑…
3. 唔知大家有冇留意呢兩場波，有冇曼治響場上面既時候，曼聯逼搶既效率真係低咗好多，而白禮頓踢得最好果15分鐘，正正就係曼治啱啱被換下場既最初15分鐘。
4. 舒克斯第一場有入波，但平心而論，兩場加埋其實佢都唔係算表現好突出，下場雙紅大戰好有可能佢就要擔大旗，其實我覺得佢仲未可以當到係即時戰力住。
5. 睇曼徹斯特晚報，暫時傷咗既六名球員，包括︰馬拉西亞、賀龍、約羅、梳爾、連迪路夫同埋曼治，唯一有機會響雙紅會復出既得輪換中堅連迪路夫，對整體實力提升冇乜大幫助。
6. 唉衰嘢唔好講住喇，反正近年都慣咗，不如又睇下有啲乜嘢轉會消息？
7. 根據多個可靠既轉會消息，包括The Athletic首席記者David Ornstein同轉會大神Fabrizio Romano都表示，拿玻里向曼聯求購麥湯文尼既收購有突破性既發展。
8. 綜合兩位大神既消息，今次轉會費大約為€3,000萬歐元加上未來二次轉會分成，曼聯已經接受咗，而球員方面既談判亦都進入咗最後階段。
9. 坦白講，我對呢單轉會真係百感交集，好唔捨得，但係佢響曼聯既定位有啲雞肋，正選唔夠班，尤其防守魯莽同粗枝大葉得恐怖，但後備出黎展現後上入球能力其實唔錯，如果佢真係想踢主力，而曼聯又收到好既報價，賣走佢都係雙贏既，至少對曼聯既FFP黎講，呢30M真係純利潤。
10. 多謝你啊麥湯，你救過球隊好多次，而且算係任勞任怨，又有拼勁同鬥志，祝你一路順風。
11. 既然麥湯都走，又有水收，咁PSG既防中烏加特又會唔會過黎？
12. 上星期已經有唔少Tier 1可靠既消息，話曼聯同烏加特好事近，Fabrizio Romano就話曼聯即將完成，而且仲因為麥湯轉會令佢哋夠錢即買，連之前話係租借加買斷條款都慳返，一嘢就搞掂佢。
13. 轉會費方面，曼徹斯特晚報就話大約係5100萬鎊。雖然曼晚成日鳩UP吹水，但好多個消息來源大概個數字都係咁上下，我諗最終價格應該唔差得太遠。
14. 今季新管理層轉會方面都叫做得幾足，但我覺得應該要簽一個左閘，畢竟馬拉西亞同埋專門為國捐軀既梳爾兩個夾埋都唔夠一個head count，而呢兩場波一樣睇到曼聯左路係冇咗坦克第一季時果種overlap，我覺得真係要買個左閘。
15. 不過暫時睇黎既消息，就係曼聯似乎冇諗住要買左閘喎。真係咁信左閘文員二人組？定覺得阿馬斯已經準備好擔大旗？定覺得馬沙拉維加達洛治既組合可以打足全季？
16. 今季賣人同時都做得唔錯，如果最後賣得埋辛祖同連迪路夫，咁今個轉會窗都起碼有80分，剩低既，就睇球員、領隊自己爭唔爭氣，同埋一啲不可抗力例如受傷、黑哨等等因素。
17. 兩場落黎，其實有進步，但係把握力要提升，兼且防守唔可以再出現上場果兩個低級失誤，改善到呢兩樣係今季成績如何既關鍵。
#不專業足球筆記 #足球專欄 #我愛紅魔鬼 #紅魔日報 #曼聯每日情報站#曼聯 #ManchesterUnited #英超 #ErikTenHag #MM7 #曼聯 #坦哈格 #曼治
#TheAthletic #DavidOrnstein #FabrizioRomano #拿坡 #PSG #巴黎聖日耳門
#ManuelUgarte #烏加特里 #Napoli #ScottMctominay #麥湯文尼
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 諗返尋日場波都仲係忿忿不平，不過自己後防兩下致命犯錯怪得邊個？
2. 屋漏兼逢連夜雨，戇鳩輸波不突止，而家仲要坦克話曼治半場既時候係因為感覺到有啲不適所以先被換出，下場對利物浦上陣成疑…
3. 唔知大家有冇留意呢兩場波，有冇曼治響場上面既時候，曼聯逼搶既效率真係低咗好多，而白禮頓踢得最好果15分鐘，正正就係曼治啱啱被換下場既最初15分鐘。
4. 舒克斯第一場有入波，但平心而論，兩場加埋其實佢都唔係算表現好突出，下場雙紅大戰好有可能佢就要擔大旗，其實我覺得佢仲未可以當到係即時戰力住。
5. 睇曼徹斯特晚報，暫時傷咗既六名球員，包括︰馬拉西亞、賀龍、約羅、梳爾、連迪路夫同埋曼治，唯一有機會響雙紅會復出既得輪換中堅連迪路夫，對整體實力提升冇乜大幫助。
6. 唉衰嘢唔好講住喇，反正近年都慣咗，不如又睇下有啲乜嘢轉會消息？
7. 根據多個可靠既轉會消息，包括The Athletic首席記者David Ornstein同轉會大神Fabrizio Romano都表示，拿玻里向曼聯求購麥湯文尼既收購有突破性既發展。
8. 綜合兩位大神既消息，今次轉會費大約為€3,000萬歐元加上未來二次轉會分成，曼聯已經接受咗，而球員方面既談判亦都進入咗最後階段。
9. 坦白講，我對呢單轉會真係百感交集，好唔捨得，但係佢響曼聯既定位有啲雞肋，正選唔夠班，尤其防守魯莽同粗枝大葉得恐怖，但後備出黎展現後上入球能力其實唔錯，如果佢真係想踢主力，而曼聯又收到好既報價，賣走佢都係雙贏既，至少對曼聯既FFP黎講，呢30M真係純利潤。
10. 多謝你啊麥湯，你救過球隊好多次，而且算係任勞任怨，又有拼勁同鬥志，祝你一路順風。
11. 既然麥湯都走，又有水收，咁PSG既防中烏加特又會唔會過黎？
12. 上星期已經有唔少Tier 1可靠既消息，話曼聯同烏加特好事近，Fabrizio Romano就話曼聯即將完成，而且仲因為麥湯轉會令佢哋夠錢即買，連之前話係租借加買斷條款都慳返，一嘢就搞掂佢。
13. 轉會費方面，曼徹斯特晚報就話大約係5100萬鎊。雖然曼晚成日鳩UP吹水，但好多個消息來源大概個數字都係咁上下，我諗最終價格應該唔差得太遠。
14. 今季新管理層轉會方面都叫做得幾足，但我覺得應該要簽一個左閘，畢竟馬拉西亞同埋專門為國捐軀既梳爾兩個夾埋都唔夠一個head count，而呢兩場波一樣睇到曼聯左路係冇咗坦克第一季時果種overlap，我覺得真係要買個左閘。
15. 不過暫時睇黎既消息，就係曼聯似乎冇諗住要買左閘喎。真係咁信左閘文員二人組？定覺得阿馬斯已經準備好擔大旗？定覺得馬沙拉維加達洛治既組合可以打足全季？
16. 今季賣人同時都做得唔錯，如果最後賣得埋辛祖同連迪路夫，咁今個轉會窗都起碼有80分，剩低既，就睇球員、領隊自己爭唔爭氣，同埋一啲不可抗力例如受傷、黑哨等等因素。
17. 兩場落黎，其實有進步，但係把握力要提升，兼且防守唔可以再出現上場果兩個低級失誤，改善到呢兩樣係今季成績如何既關鍵。
#不專業足球筆記 #足球專欄 #我愛紅魔鬼 #紅魔日報 #曼聯每日情報站#曼聯 #ManchesterUnited #英超 #ErikTenHag #MM7 #曼聯 #坦哈格 #曼治
#TheAthletic #DavidOrnstein #FabrizioRomano #拿坡 #PSG #巴黎聖日耳門
#ManuelUgarte #烏加特里 #Napoli #ScottMctominay #麥湯文尼
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938