紅魔日報 大鑊曼治又再傷出四至五週 賀隆開始單獨復操 29-8-2024
紅魔日報 大鑊曼治又再傷出四至五週 賀隆開始單獨復操 29-8-2024
1. 曼治既傷情終於有進一步既消息，佢確認係大腿筋拉傷，官方話佢會錯過幾場比賽，而一般傳媒就預計曼治會抖四至五個星期。
2. 曼治係咪犯太歲？佢自從加盟曼聯之後就傷病不斷，呢兩場表現都叫開始有啲起色既時候，佢又傷過。
3. 佢響社交媒體都發表咗一段聲明，大意都係話自己自pre season開始已經好努力咁操練，佢好沮喪、會盡一切努力恢復最佳狀況云云。
4. 唉，我都唔識講，我係有啲失望，但係我知道受傷佢自己都唔想，佢自己最沮喪。至少佢唔係球會踢唔到，然後又帶傷為國出戰，咁我條氣至少都順啲既。
5. 祝福曼治快啲好快，然後遠離傷患喇。
6. 講起傷大腿筋，同樣都係大腿筋受傷既丹麥前鋒賀龍，今日終於有復操既消息。
7. 曼聯官方發報咗一條短片，係賀隆單獨操練既影片，有用波既、都有操Gym，雖然好明顯佢都唔可能響對利物浦既比賽度上陣架喇，不過佢復操得始終係一個令一振奮既消息。
8. 暫時睇落，舒克斯同賀隆係完全兩種唔同類型既中鋒，賀龍更加係傳統響前面衝鋒陷陣果隻。
9. 而且上年有睇波既話都會知，雖然賀隆得到既傳送唔算多，但把握力真係算唔錯，有限供應下全季響所有賽事為曼聯攻入咗16球(聯賽就10球)，係上季曼聯頭號射手。
10. 唔係一個好嚇人既數字，但有睇波既都會知，佢得到既供應少之又少，而且諗返曼聯上季咁撚恐怖既表現，咁都入到成16球已經好巴閉。
11. 快啲完全康復，然後復出喇，好掛住你啊賀隆！
12. 講下啲轉會消息，綜合咁多消息來源，辛祖單deal如無意外應該係祖雲達斯對車路士啫。祖記而家應該係出咗招先，似乎處於稍為領先既位置。不過執筆之時最新消息，Fabrizio Romano話兩間球會因為辛祖個價太高而暫停咗談判，Di Marzio更加話祖記會退出談判添。
13. 仲有48個鐘，睇黎呢套辛祖轉出連續劇，好快就會畫上句號，即管睇睇最後係點。
14. 另外聯賽盃第三圈既對手出爐，對手係英甲既班士利，曼聯擁有主場之利。
15. 睇下到時坦克會派乜嘢人出戰。理論上，只要唔係出太多青年軍，係應該要贏既。
16. 黎緊兩日，轉會市場就黎收檔，應該會好睇過球場！
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #祖雲達斯 #Juventus #辛祖 #JadonSancho
#RasmusHoejlund #賀隆 #曼治 #MasonMount
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 曼治既傷情終於有進一步既消息，佢確認係大腿筋拉傷，官方話佢會錯過幾場比賽，而一般傳媒就預計曼治會抖四至五個星期。
2. 曼治係咪犯太歲？佢自從加盟曼聯之後就傷病不斷，呢兩場表現都叫開始有啲起色既時候，佢又傷過。
3. 佢響社交媒體都發表咗一段聲明，大意都係話自己自pre season開始已經好努力咁操練，佢好沮喪、會盡一切努力恢復最佳狀況云云。
4. 唉，我都唔識講，我係有啲失望，但係我知道受傷佢自己都唔想，佢自己最沮喪。至少佢唔係球會踢唔到，然後又帶傷為國出戰，咁我條氣至少都順啲既。
5. 祝福曼治快啲好快，然後遠離傷患喇。
6. 講起傷大腿筋，同樣都係大腿筋受傷既丹麥前鋒賀龍，今日終於有復操既消息。
7. 曼聯官方發報咗一條短片，係賀隆單獨操練既影片，有用波既、都有操Gym，雖然好明顯佢都唔可能響對利物浦既比賽度上陣架喇，不過佢復操得始終係一個令一振奮既消息。
8. 暫時睇落，舒克斯同賀隆係完全兩種唔同類型既中鋒，賀龍更加係傳統響前面衝鋒陷陣果隻。
9. 而且上年有睇波既話都會知，雖然賀隆得到既傳送唔算多，但把握力真係算唔錯，有限供應下全季響所有賽事為曼聯攻入咗16球(聯賽就10球)，係上季曼聯頭號射手。
10. 唔係一個好嚇人既數字，但有睇波既都會知，佢得到既供應少之又少，而且諗返曼聯上季咁撚恐怖既表現，咁都入到成16球已經好巴閉。
11. 快啲完全康復，然後復出喇，好掛住你啊賀隆！
12. 講下啲轉會消息，綜合咁多消息來源，辛祖單deal如無意外應該係祖雲達斯對車路士啫。祖記而家應該係出咗招先，似乎處於稍為領先既位置。不過執筆之時最新消息，Fabrizio Romano話兩間球會因為辛祖個價太高而暫停咗談判，Di Marzio更加話祖記會退出談判添。
13. 仲有48個鐘，睇黎呢套辛祖轉出連續劇，好快就會畫上句號，即管睇睇最後係點。
14. 另外聯賽盃第三圈既對手出爐，對手係英甲既班士利，曼聯擁有主場之利。
15. 睇下到時坦克會派乜嘢人出戰。理論上，只要唔係出太多青年軍，係應該要贏既。
16. 黎緊兩日，轉會市場就黎收檔，應該會好睇過球場！
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #祖雲達斯 #Juventus #辛祖 #JadonSancho
#RasmusHoejlund #賀隆 #曼治 #MasonMount
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938