紅魔日報 歐霸盃抽簽結果出爐 辛祖最終外借車路士 30-8-2024
紅魔日報 歐霸盃抽簽結果出爐 辛祖最終外借車路士 30-8-2024
1. 首先講下歐霸盃既抽簽出爐喇，今季有新玩法，唔再係踢小組，group stage個名都改埋叫League phase，簡單啲講就係將所有球隊分咗做四個種子，Plot 1、2、3、4，每隊都要同每個Plot既兩支球隊踢一場，總共係踢8場，對手係抽簽決定，最後個歐霸榜頭8名直入十六強，9至16位就踢附加賽爭入十六強。
2. 先講下今季歐聯/歐霸對呢個賽制既感想先，講公平，其實就一定唔公平架喇。你諗下同樣係Plot 1，你對熱刺同對格拉斯哥流浪都係兩回事，但係贏咗
同樣都只係值三分，然後仲要放埋同一個聯賽榜度排，咁點會公平？
3. 不過諗返轉頭，其實分組咪一樣會有唔公平情況？雖然分組唔會遇到同Plot球隊，但總係有難打啲既組，亦有啲易打啲既組，都係運氣使然。
4. 我唔滿意既，只係又要踢多兩場波，咁搞法，真係想攰死啲球員咩？
5. 經過抽簽之後，曼聯既對手分別係︰格拉斯哥流浪（主/蘇格蘭）、 波圖（客/葡萄牙）、沙朗歷基（主/希臘）、費倫巴治（客/土耳其）、波杜基林特（主/挪威）、柏辛域陀尼亞（客/捷克）、川迪（主/荷蘭）、與及布加勒斯特星隊（客/羅馬尼亞）。
6. 當中最具話題性既，當然就係要作客土耳其費倫巴治喇。除咗預計到會係最難踢既一場之外，亦都係因為費倫巴治有領隊摩連奴、中場費特、安拉拔，都係前曼聯球員，加上土耳其球隊既主場一向都好地獄，呢場比賽自然要比對Plot 1果兩隊仲要矚目。
7. 講完歐霸，就要講一講轉會窗嘞，今日係歐洲主要聯賽既轉會窗最後一日，曼聯究竟有冇啲乜嘢搞作？
8. 最大單deal就梗係將辛祖借咗比車路士，仲要有強制既買斷條款。根據Fabrizio Romano表示，個強制買斷費用只係得2500萬鎊，想當年我哋用咗成7300萬鎊去買佢，今次真係蝕撚得入肉。
9. 我唔係屌而家既管理層，我覺得放佢走完全正確，佢操練態度唔好、成日遲到、對主帥出言不遜但死都唔肯道歉，你踢得好都隻眼開隻閉，偏偏你又踢撚到pat屎咁，佢係應該要走既。我屌既係木狗為首既舊高層，轉會費有曼聯稅不特止，仲比成35萬鎊週薪佢，痴撚線。
10. 上年吹到佢響多蒙特踢到曉飛，其實佢德甲加歐聯總共踢咗21場，加埋都係得3入球3助攻，基本上同佢響曼聯果陣既數據差唔多，所以多蒙特既社交媒體把口自吹自擂得好勁，但想賣比佢果陣佢哋即刻潛咗水，大佬，有眼睇架嘛。
11. 我唔係話辛祖勁定唔勁，我只係屌鳩佢既態度，當你自己以為自己bigger than the club果陣，你就係時候離開。呢個無論邊個做領隊都一樣。
12. 不過除咗辛祖之外，曼聯就再冇其他動作，傳咗差唔多成個星期既史達寧最後去咗阿仙奴。
13. 實際既轉會就得一單，不過響今日，曼聯就公佈咗麥湯文尼離隊轉投拿玻里，同埋烏加特加盟曼聯。
14. 其中我最唔捨得既係麥湯，我相信如果FFP唔係捉得咁嚴，佢應該係會留隊。當然，都要視乎佢心態既，早兩日佢飛到意大利，簡直好似受到英雄式既接機咁，可能佢都會想一嚐做主力既滋味。
15. 佢後上能力真係好勁，但係響而家曼聯戰術並唔啱用，可以後備出黎扑鎚，但係長期正選應該冇乜可能。
16. 遲啲有機會可能會做個轉會總結，下星期國際賽期應該冇咁多其他新聞報，可以寫下。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #FabrizioRomano #阿仙奴 #Arsenal #史達寧
#RaheemSterling #辛祖 #JadonSancho #Chelsea #車路士 #歐霸盃 #EuropaLeague
#PSG #巴黎聖日耳門 #烏加特 #ManuelUgarte #麥湯文尼 #ScottMctominay #拿坡里 #Napoli
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 首先講下歐霸盃既抽簽出爐喇，今季有新玩法，唔再係踢小組，group stage個名都改埋叫League phase，簡單啲講就係將所有球隊分咗做四個種子，Plot 1、2、3、4，每隊都要同每個Plot既兩支球隊踢一場，總共係踢8場，對手係抽簽決定，最後個歐霸榜頭8名直入十六強，9至16位就踢附加賽爭入十六強。
2. 先講下今季歐聯/歐霸對呢個賽制既感想先，講公平，其實就一定唔公平架喇。你諗下同樣係Plot 1，你對熱刺同對格拉斯哥流浪都係兩回事，但係贏咗
同樣都只係值三分，然後仲要放埋同一個聯賽榜度排，咁點會公平？
3. 不過諗返轉頭，其實分組咪一樣會有唔公平情況？雖然分組唔會遇到同Plot球隊，但總係有難打啲既組，亦有啲易打啲既組，都係運氣使然。
4. 我唔滿意既，只係又要踢多兩場波，咁搞法，真係想攰死啲球員咩？
5. 經過抽簽之後，曼聯既對手分別係︰格拉斯哥流浪（主/蘇格蘭）、 波圖（客/葡萄牙）、沙朗歷基（主/希臘）、費倫巴治（客/土耳其）、波杜基林特（主/挪威）、柏辛域陀尼亞（客/捷克）、川迪（主/荷蘭）、與及布加勒斯特星隊（客/羅馬尼亞）。
6. 當中最具話題性既，當然就係要作客土耳其費倫巴治喇。除咗預計到會係最難踢既一場之外，亦都係因為費倫巴治有領隊摩連奴、中場費特、安拉拔，都係前曼聯球員，加上土耳其球隊既主場一向都好地獄，呢場比賽自然要比對Plot 1果兩隊仲要矚目。
7. 講完歐霸，就要講一講轉會窗嘞，今日係歐洲主要聯賽既轉會窗最後一日，曼聯究竟有冇啲乜嘢搞作？
8. 最大單deal就梗係將辛祖借咗比車路士，仲要有強制既買斷條款。根據Fabrizio Romano表示，個強制買斷費用只係得2500萬鎊，想當年我哋用咗成7300萬鎊去買佢，今次真係蝕撚得入肉。
9. 我唔係屌而家既管理層，我覺得放佢走完全正確，佢操練態度唔好、成日遲到、對主帥出言不遜但死都唔肯道歉，你踢得好都隻眼開隻閉，偏偏你又踢撚到pat屎咁，佢係應該要走既。我屌既係木狗為首既舊高層，轉會費有曼聯稅不特止，仲比成35萬鎊週薪佢，痴撚線。
10. 上年吹到佢響多蒙特踢到曉飛，其實佢德甲加歐聯總共踢咗21場，加埋都係得3入球3助攻，基本上同佢響曼聯果陣既數據差唔多，所以多蒙特既社交媒體把口自吹自擂得好勁，但想賣比佢果陣佢哋即刻潛咗水，大佬，有眼睇架嘛。
11. 我唔係話辛祖勁定唔勁，我只係屌鳩佢既態度，當你自己以為自己bigger than the club果陣，你就係時候離開。呢個無論邊個做領隊都一樣。
12. 不過除咗辛祖之外，曼聯就再冇其他動作，傳咗差唔多成個星期既史達寧最後去咗阿仙奴。
13. 實際既轉會就得一單，不過響今日，曼聯就公佈咗麥湯文尼離隊轉投拿玻里，同埋烏加特加盟曼聯。
14. 其中我最唔捨得既係麥湯，我相信如果FFP唔係捉得咁嚴，佢應該係會留隊。當然，都要視乎佢心態既，早兩日佢飛到意大利，簡直好似受到英雄式既接機咁，可能佢都會想一嚐做主力既滋味。
15. 佢後上能力真係好勁，但係響而家曼聯戰術並唔啱用，可以後備出黎扑鎚，但係長期正選應該冇乜可能。
16. 遲啲有機會可能會做個轉會總結，下星期國際賽期應該冇咁多其他新聞報，可以寫下。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #FabrizioRomano #阿仙奴 #Arsenal #史達寧
#RaheemSterling #辛祖 #JadonSancho #Chelsea #車路士 #歐霸盃 #EuropaLeague
#PSG #巴黎聖日耳門 #烏加特 #ManuelUgarte #麥湯文尼 #ScottMctominay #拿坡里 #Napoli
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938