紅魔日報 今日冇乜新聞，純粹抒發下最近見到某啲自稱曼迷言論之後自己既感受 3-9-2024
紅魔日報 今日冇乜新聞，純粹抒發下最近見到某啲自稱曼迷言論之後自己既感受 3-9-2024
1. 曼聯輸咗比利物浦之後，新任CEO貝拉達同埋總監安斯禾夫響接受訪問既時候都話要全面支持坦克。
2. 其實我相信重金堀角返黎既新高層都係識波既，暫時唔會真係因為一、兩場波失利就即刻炒坦克，但如果真係到不得不炒坦克既時候，我相信佢哋都唔會手軟。
3. 今日冇乜新聞講，反而想抒發下啲感受，未必個個認同，如果你唔鍾意我講既說話，一切以你自己為準。
4. 主場輸咗比利物浦之後，突然間響社交網絡上面湧咗好多自稱係幾十年曼迷既人喊打喊殺，仲係咁抽水，如果呢啲係haters我好理解，但係自稱係曼迷既係咁落井下石，好似巴不得曼聯輸多幾場咁，竟然仲可以話自己係曼聯既球迷，其實都幾有趣。
5. 我響自己個page都講過唔少次，我覺得批評真係冇問題，領隊排陣、戰術有失誤，可以屌；球員踢得差，可以屌；高層（好似以前木狗咁）搞到球會烏煙瘴氣，更應該要屌。但屌還屌，好多時都係愛之深，責之切，希望球隊表現成績有改善，而唔係好似某啲低汁抽水page咁嘩眾取寵整句「光頭記者會反勝！」，又或者因為唔鍾意個領隊而希望球隊輸撚到仆街，反領隊反到失晒理智咁。
6. 你問我撐坦定反坦，其實我係撐球隊，只要坦克一日仲係領隊，我都會希望佢領軍之下每場賽事都踢得好。唔止坦克，以前蘇斯克查、摩連奴甚至莫耶斯，我會屌佢哋踢到不知所謂冇鬥心，但係唔會有一場係希望佢哋輸，只要有曼聯既比賽，我都希望佢哋贏。
7. 我覺得唔鍾意坦克，鬧佢戰術、排陣果啲其實真係冇乜嘢，但痴埋啲刷流量抽水page度一齊話乜嘢坦克記者會反勝、一時又話坦克收回佣，就黎坦克叫雞唔比錢都可以講，反正都係鳩UP啫，總之乜嘢都關坦克事就得。
8. 其實記者會坦克咁講唔應該有乜嘢覺得咁特別喎，以前摩佬屌球員又話佢賴球員，而家維護下球隊表現又話光頭記者會又反勝。大佬啊，坦克而家係流量密碼，比我都亂鳩咁cut佢記者會上面啲嘢make下noise喇。況且上年Dalot都講過，佢哋班球員知道其實坦克咁做係幫佢哋擋子彈架，佢哋其實心存感激。都正常吖，唔通踢到pat屎咁坦克真係唔知咩。
9. 嗱，跟住呢兩段係幫坦克講說話既，你想睇我屌佢既可以skip咗呢兩段飛去第11段。開季正式比賽連埋社區盾踢咗四場比賽，呢四場我睇晒，其實除咗對利物浦果場真係差到仆街之外，頭三場其實係有進步，尤其是曼治在場時既逼搶，仲有佢哋製造出黎既攻勢，一啲都唔失禮，失禮既係佢哋既把握力啫。
10. 好多人話球隊響轉會市場做到嘢，球隊唔應該踢到咁。但舊球員走晒，新球員要同球隊磨合我以為係常識黎，而且烏加特響雙紅會前都未及註冊無法落場，防中位其實真係得返卡斯米路同青年軍升上黎既哥利亞，其實出卡斯米路已經係當時最好既選擇。仲有一大堆真係絕對係主力既球員受咗傷，雖然係冇上季咁誇張，但係傷既都係主力，賀隆係上季曼聯陣中所有比賽夾埋既首席射手、梳爾唔駛多講有佢同冇佢成條左路既表現係爭兩個層次、曼治今季由熱身賽開始已經係逼搶戰術既核心，是旦一個都擁有改變戰局既能力，都唔好計約羅、馬拉西亞、冰人呢啲。
11. 但坦克係咪真係咁好呢？咁梗係唔係喇，有啲人屌佢都屌得啱，冇錯主力係受傷，但冇理由曼治一傷，成個戰術就變唔到，成隊即刻唔識踢波架嘛。球隊唔應該得一套戰術(除非你勁到曼城咁)，唔啱既咪縮後先再謀反擊。而家球員深度唔夠玩你套戰術，咁咪因材施教，限米煮限飯都要架喇，防反咪防反，現階段，都係贏波緊要。
12. 仲有係後防既失誤，兩場波出現咗五次嚴重失誤直接輸咗五球波，而且呢啲失誤係上季已經存在，你都仲解決唔到，咁真係好有問題。
13. 至於前一、兩年關於買人既問題，我好難評論究竟關唔關坦克事，因為唔同報紙有唔同講法，至少響今季之前，坦克響轉會政策上面應該有唔少發言權，但去到幾多呢？除咗果個絕對否決權之外，其他買人佢話到幾多事呢？我唔肯定，所以唔敢入埋佢數屌埋佢住，不過今年至少佢參與度應該低咗好多。
14. 而家只要幫坦克講幾句說話，就會比某啲曼迷話「迷坦」、「死撐」。大佬，其實好多都係講緊人話，我今次都只係講幾句我認為係公道既說話啫。我撐既係曼聯，只要係曼聯出場都會想佢贏，就係咁簡單，某啲曼迷高抬貴手，唔好將我亂鳩咁標簽，佢再帶到pat屎咁，高層決定換領隊我都一樣支持架。
15. 其實大家係咪唔記得咗，呢隊曼聯，充其量都只係一線尾既球隊，新老細Sir Jim講過，要復興起碼都要三年(係最少啊！)，比少少耐性等下囉，球隊而家既高層應該全部有識波牌，佢哋響適當同有必要時，自然會做適當既決定。
16. 對坦克既諗法？呢一刻，我會覺得佢繼續留任係好正常，畢竟只係踢咗三場波，點會三場就定生死？但係咁樣唔代表佢可以無止境繼續輸落去，三年喇，第一年有功、第二年有過，咁今年就係埋單成績表既一年，至少要睇到有啲隊型先。隊波再咁踢落去，佢真係會聞到魷魚香。
17. 坦克仲有時間去調教，但係，我諗時間真係唔多了。個人黎講，真係想佢可以扭轉頹勢，因為我真係唔想曼聯再輸落去。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #OmarBerrada #奧馬貝拉達
#DanAshworth #丹安斯禾夫 #坦克 #ErikTenHag
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 曼聯輸咗比利物浦之後，新任CEO貝拉達同埋總監安斯禾夫響接受訪問既時候都話要全面支持坦克。
2. 其實我相信重金堀角返黎既新高層都係識波既，暫時唔會真係因為一、兩場波失利就即刻炒坦克，但如果真係到不得不炒坦克既時候，我相信佢哋都唔會手軟。
3. 今日冇乜新聞講，反而想抒發下啲感受，未必個個認同，如果你唔鍾意我講既說話，一切以你自己為準。
4. 主場輸咗比利物浦之後，突然間響社交網絡上面湧咗好多自稱係幾十年曼迷既人喊打喊殺，仲係咁抽水，如果呢啲係haters我好理解，但係自稱係曼迷既係咁落井下石，好似巴不得曼聯輸多幾場咁，竟然仲可以話自己係曼聯既球迷，其實都幾有趣。
5. 我響自己個page都講過唔少次，我覺得批評真係冇問題，領隊排陣、戰術有失誤，可以屌；球員踢得差，可以屌；高層（好似以前木狗咁）搞到球會烏煙瘴氣，更應該要屌。但屌還屌，好多時都係愛之深，責之切，希望球隊表現成績有改善，而唔係好似某啲低汁抽水page咁嘩眾取寵整句「光頭記者會反勝！」，又或者因為唔鍾意個領隊而希望球隊輸撚到仆街，反領隊反到失晒理智咁。
6. 你問我撐坦定反坦，其實我係撐球隊，只要坦克一日仲係領隊，我都會希望佢領軍之下每場賽事都踢得好。唔止坦克，以前蘇斯克查、摩連奴甚至莫耶斯，我會屌佢哋踢到不知所謂冇鬥心，但係唔會有一場係希望佢哋輸，只要有曼聯既比賽，我都希望佢哋贏。
7. 我覺得唔鍾意坦克，鬧佢戰術、排陣果啲其實真係冇乜嘢，但痴埋啲刷流量抽水page度一齊話乜嘢坦克記者會反勝、一時又話坦克收回佣，就黎坦克叫雞唔比錢都可以講，反正都係鳩UP啫，總之乜嘢都關坦克事就得。
8. 其實記者會坦克咁講唔應該有乜嘢覺得咁特別喎，以前摩佬屌球員又話佢賴球員，而家維護下球隊表現又話光頭記者會又反勝。大佬啊，坦克而家係流量密碼，比我都亂鳩咁cut佢記者會上面啲嘢make下noise喇。況且上年Dalot都講過，佢哋班球員知道其實坦克咁做係幫佢哋擋子彈架，佢哋其實心存感激。都正常吖，唔通踢到pat屎咁坦克真係唔知咩。
9. 嗱，跟住呢兩段係幫坦克講說話既，你想睇我屌佢既可以skip咗呢兩段飛去第11段。開季正式比賽連埋社區盾踢咗四場比賽，呢四場我睇晒，其實除咗對利物浦果場真係差到仆街之外，頭三場其實係有進步，尤其是曼治在場時既逼搶，仲有佢哋製造出黎既攻勢，一啲都唔失禮，失禮既係佢哋既把握力啫。
10. 好多人話球隊響轉會市場做到嘢，球隊唔應該踢到咁。但舊球員走晒，新球員要同球隊磨合我以為係常識黎，而且烏加特響雙紅會前都未及註冊無法落場，防中位其實真係得返卡斯米路同青年軍升上黎既哥利亞，其實出卡斯米路已經係當時最好既選擇。仲有一大堆真係絕對係主力既球員受咗傷，雖然係冇上季咁誇張，但係傷既都係主力，賀隆係上季曼聯陣中所有比賽夾埋既首席射手、梳爾唔駛多講有佢同冇佢成條左路既表現係爭兩個層次、曼治今季由熱身賽開始已經係逼搶戰術既核心，是旦一個都擁有改變戰局既能力，都唔好計約羅、馬拉西亞、冰人呢啲。
11. 但坦克係咪真係咁好呢？咁梗係唔係喇，有啲人屌佢都屌得啱，冇錯主力係受傷，但冇理由曼治一傷，成個戰術就變唔到，成隊即刻唔識踢波架嘛。球隊唔應該得一套戰術(除非你勁到曼城咁)，唔啱既咪縮後先再謀反擊。而家球員深度唔夠玩你套戰術，咁咪因材施教，限米煮限飯都要架喇，防反咪防反，現階段，都係贏波緊要。
12. 仲有係後防既失誤，兩場波出現咗五次嚴重失誤直接輸咗五球波，而且呢啲失誤係上季已經存在，你都仲解決唔到，咁真係好有問題。
13. 至於前一、兩年關於買人既問題，我好難評論究竟關唔關坦克事，因為唔同報紙有唔同講法，至少響今季之前，坦克響轉會政策上面應該有唔少發言權，但去到幾多呢？除咗果個絕對否決權之外，其他買人佢話到幾多事呢？我唔肯定，所以唔敢入埋佢數屌埋佢住，不過今年至少佢參與度應該低咗好多。
14. 而家只要幫坦克講幾句說話，就會比某啲曼迷話「迷坦」、「死撐」。大佬，其實好多都係講緊人話，我今次都只係講幾句我認為係公道既說話啫。我撐既係曼聯，只要係曼聯出場都會想佢贏，就係咁簡單，某啲曼迷高抬貴手，唔好將我亂鳩咁標簽，佢再帶到pat屎咁，高層決定換領隊我都一樣支持架。
15. 其實大家係咪唔記得咗，呢隊曼聯，充其量都只係一線尾既球隊，新老細Sir Jim講過，要復興起碼都要三年(係最少啊！)，比少少耐性等下囉，球隊而家既高層應該全部有識波牌，佢哋響適當同有必要時，自然會做適當既決定。
16. 對坦克既諗法？呢一刻，我會覺得佢繼續留任係好正常，畢竟只係踢咗三場波，點會三場就定生死？但係咁樣唔代表佢可以無止境繼續輸落去，三年喇，第一年有功、第二年有過，咁今年就係埋單成績表既一年，至少要睇到有啲隊型先。隊波再咁踢落去，佢真係會聞到魷魚香。
17. 坦克仲有時間去調教，但係，我諗時間真係唔多了。個人黎講，真係想佢可以扭轉頹勢，因為我真係唔想曼聯再輸落去。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #OmarBerrada #奧馬貝拉達
#DanAshworth #丹安斯禾夫 #坦克 #ErikTenHag
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938