紅魔日報 賀隆、曼治有機會復出？ 曼聯對水晶宮賽前檢閱 20-9-2024
紅魔日報 賀隆、曼治有機會復出？ 曼聯對水晶宮賽前檢閱 20-9-2024
1. 呢兩日對曼迷黎講最好既消息就係有兩個主力傷癒重新投入訓練，佢哋分別係賀隆同埋曼治。
2. 曼治頭兩場既表現出色，雖然有啲嘢統計數字未必反映到出黎，但有佢在場既時候，曼聯既逼搶的確係有效好多，只係而家既佢好似好易傷，究竟佢咁跑法，佢個身體負唔負荷到？
3. 賀隆都唔駛多疑，雖然今季只係出過一場季前熱身賽，不過佢響短短十幾分鐘就已經攻破咗阿仙奴既大門，加上佢本身就係曼聯上季所有賽事加埋既頭號射手，重要性不言而喻。
4. 不過即使呢兩位主力球員復操都好，我覺得佢哋應該都唔會正選出場住。舒克斯慢慢咁融入咗曼聯既體系，講把握力我覺得都仲係賀隆稍勝一籌，不過講到串連功夫，我相信舒克斯就響賀隆之上，再考慮身體狀況，如無意外舒克斯將會係正選。
5. 至於曼治，上季坦克係仲未搵得到般奴同曼治並存既方法，今季頭兩場係有啲眉目，就係打個無鋒陣，等呢兩條友響前面鳩跑，頭兩場對富咸同白禮頓其實係見到有啲成效，不過呢個無鋒陣當時係權宜之計，實際上當時賀隆受傷，而舒克斯狀態未足，先至會咁樣擺個無鋒陣出黎。但係今場曼治啱啱傷癒，加上舒克斯表現都唔錯，睇黎暫時都未必會出無鋒陣住，所以曼治今場出場機會都幾低下。
6. 聽日對水晶宮，基本上就係得呢兩個傷兵可以復出。不過呢兩個都屬於係主力級別既球員，所以對球隊既幫助都應該幾大。其他傷兵就仲係未出得，原本話國際賽期後復出既梳爾依然冇消息，睇黎佢距離復出遙遙無期…而另一名左閘馬拉西亞已經復操，仲已經加入團隊訓練踢咗陣，雖然仲未可以出場比賽，但如果個進度理想既話，我懷疑佢隨時復出得快過梳爾…
7. 即係話，聽日作客水晶宮，我哋都係一隻左閘都冇既。
8. 不過都有少少好彩喇，上星期對修咸頓疑似受傷既四名後防球員，竟然全部冇事，可以響今場比賽上陣，可以話係耶穌顯靈…所以左閘如無意外都會係達洛治串演架喇，雖然佢始終都係踢右閘勁啲，但冇計架喇，冇人踢你都要踢架喇。
9. 自從輸咗比利物浦之後，曼聯已經連贏兩場，仲要入咗十球，但唔好唔記得，呢兩隊一隊係升班馬，另一隊就係英甲球隊，嚴格黎講唔係太作得準，最多係話用黎提升比賽狀態架啫，呢兩場贏係應該架。
10. 作客水晶宮其實幾時都係硬嘢，雖然暫時黎講，水晶宮只係兩和兩負得兩分，但唔好唔記得佢哋其中一場係作客打和車路士，而另一場主場就打和李斯特城，加上聯賽盃贏咗昆士柏流浪，可以見狀態回升緊。而上季我哋作客去到水晶宮，雖然話當時傷兵問題極嚴重，中堅係卡斯米路客串加埋帶傷上陣既伊雲斯，連鐵人般奴當時都出唔到，但我哋慘吞四隻光蛋係事實，聽日呢場比賽，絕對唔係一場容易應付既比賽。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #水晶宮 #英超
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 呢兩日對曼迷黎講最好既消息就係有兩個主力傷癒重新投入訓練，佢哋分別係賀隆同埋曼治。
2. 曼治頭兩場既表現出色，雖然有啲嘢統計數字未必反映到出黎，但有佢在場既時候，曼聯既逼搶的確係有效好多，只係而家既佢好似好易傷，究竟佢咁跑法，佢個身體負唔負荷到？
3. 賀隆都唔駛多疑，雖然今季只係出過一場季前熱身賽，不過佢響短短十幾分鐘就已經攻破咗阿仙奴既大門，加上佢本身就係曼聯上季所有賽事加埋既頭號射手，重要性不言而喻。
4. 不過即使呢兩位主力球員復操都好，我覺得佢哋應該都唔會正選出場住。舒克斯慢慢咁融入咗曼聯既體系，講把握力我覺得都仲係賀隆稍勝一籌，不過講到串連功夫，我相信舒克斯就響賀隆之上，再考慮身體狀況，如無意外舒克斯將會係正選。
5. 至於曼治，上季坦克係仲未搵得到般奴同曼治並存既方法，今季頭兩場係有啲眉目，就係打個無鋒陣，等呢兩條友響前面鳩跑，頭兩場對富咸同白禮頓其實係見到有啲成效，不過呢個無鋒陣當時係權宜之計，實際上當時賀隆受傷，而舒克斯狀態未足，先至會咁樣擺個無鋒陣出黎。但係今場曼治啱啱傷癒，加上舒克斯表現都唔錯，睇黎暫時都未必會出無鋒陣住，所以曼治今場出場機會都幾低下。
6. 聽日對水晶宮，基本上就係得呢兩個傷兵可以復出。不過呢兩個都屬於係主力級別既球員，所以對球隊既幫助都應該幾大。其他傷兵就仲係未出得，原本話國際賽期後復出既梳爾依然冇消息，睇黎佢距離復出遙遙無期…而另一名左閘馬拉西亞已經復操，仲已經加入團隊訓練踢咗陣，雖然仲未可以出場比賽，但如果個進度理想既話，我懷疑佢隨時復出得快過梳爾…
7. 即係話，聽日作客水晶宮，我哋都係一隻左閘都冇既。
8. 不過都有少少好彩喇，上星期對修咸頓疑似受傷既四名後防球員，竟然全部冇事，可以響今場比賽上陣，可以話係耶穌顯靈…所以左閘如無意外都會係達洛治串演架喇，雖然佢始終都係踢右閘勁啲，但冇計架喇，冇人踢你都要踢架喇。
9. 自從輸咗比利物浦之後，曼聯已經連贏兩場，仲要入咗十球，但唔好唔記得，呢兩隊一隊係升班馬，另一隊就係英甲球隊，嚴格黎講唔係太作得準，最多係話用黎提升比賽狀態架啫，呢兩場贏係應該架。
10. 作客水晶宮其實幾時都係硬嘢，雖然暫時黎講，水晶宮只係兩和兩負得兩分，但唔好唔記得佢哋其中一場係作客打和車路士，而另一場主場就打和李斯特城，加上聯賽盃贏咗昆士柏流浪，可以見狀態回升緊。而上季我哋作客去到水晶宮，雖然話當時傷兵問題極嚴重，中堅係卡斯米路客串加埋帶傷上陣既伊雲斯，連鐵人般奴當時都出唔到，但我哋慘吞四隻光蛋係事實，聽日呢場比賽，絕對唔係一場容易應付既比賽。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #水晶宮 #英超
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938