紅魔鬼賽後評 歐霸 川迪 1-1 曼聯 (25-9-2024)
紅魔鬼賽後評 歐霸 川迪 1-1 曼聯 (25-9-2024)
成也艾歷臣敗也艾歷臣 川迪一比一逼和曼聯
1. 又一次，曼聯全場掌控住局面，但又一次因為自己嘅失誤導致失分而回。
2. 不過講明先，標題只係講出事實，但講全場表現，其實艾歷臣既表現絕對唔差，如果唔係果球失誤我諗佢無可爭議係man of the match。
3. 但係失誤發生咗就真係發生咗，我唔同意某啲曼迷所講，因為佢全場組織工作做得好就抹殺咗球失誤，尤其是最後就係因呢球失誤令到球隊未能全取三分。試下呢個波係卡斯米路失？比人屌撚到反艇都似。
4. 所以我唔會忽視艾歷臣既失誤，但同時一樣唔會抹殺佢響場上面既貢獻。唔係一味讚，檢討自己既失誤都重要，我就響度鳩UP，希望艾歷臣都會反思下呢啲失誤係咪可以避免。
5. 講返場波，今場曼聯繼續係控制到全場戰局，川迪有威脅既攻勢，一球係黎自達洛治既失誤，呢球好彩對方既射門略門而過；另一球就冇咁好彩喇，就係啱啱上面講艾歷臣比人偷波之後失埋波。
6. 話說回來，我哋係全場控制戰局，但當個波去到最後人哋禁區既時候，都係做唔到最後一腳波。我話川迪得兩球有威脅既攻勢，其實我哋都係一擔擔，除咗艾歷臣之外，只係得對手上半場近門爭啲擺烏龍，同埋麥佳亞最後階段頭鎚，呢兩球都係比對方門將出色地化解咗。
7. 可以話，今場響製造攻勢方面，比起上場作客水晶宮更加失色。
8. 不過當我見到曼聯上半場可以打破薑局時，我真係諗住今次真係贏到，因為曼聯之前失分，好大程度係因為上半場入唔到波，下半場就會好似洩咗氣咁，連有威脅既攻勢都少咗好多，但今次我以為曼聯可以一早打開缺口，又見川迪連攻勢都寥寥無幾，諗住可以全取三分，點知人哋做唔到，我哋就做埋比人…估唔到艾歷臣呢啲咁有經驗既球員，都會犯呢啲錯誤…
9. 但係正如我前述，艾歷臣係踢得幾好，如果要我講踢得差既，其實我覺得般奴先係踢到pat屎果個。傳、射，兩樣都係鳩黎，最後當然係冇任何貢獻…
10. 我唔會否認般奴曾經為曼聯作出既貢獻，或者佢對比賽既態度，不過佢開季至今狀態不佳係事實，坦克係咪一定要死都出佢踢正選呢？嗱，我鳩UP架咋，但我會覺得暫時曼治響場上面既表現，似乎比起今季既般奴有用，可以試下收起般奴出曼治試下。
11. 咁講唔係放棄般奴，但係冇表現就返去坐，唔應該因為你係隊長有特權。況且，狀態唔好既時候休息下其實唔係壞事，調整過後，再以更好既姿態返黎，未嘗唔係一件好事。
12. 可惜既係，下場就係對熱刺既英超大戰，我相信坦克唔會咁冒險，響呢場作啲咁既實驗…
13. 另外想提下賀隆同舒克斯。踢咗幾場波之後，舒克斯響串連既工作方面越做越好，不過面對龍門既把握力仍然需要改善。至於賀隆，佢傷癒之後，踢咗兩場都明顯未在狀態。睇返上季佢傷完之後復出既情況，佢應該係要多少少時間去warm up既球員，所以暫時黎睇，短期內應該仲會由舒克斯掛帥。
14. 尋晚場波有樣嘢係正面既，就係福仔既表現好似有所回升，左面都創造咗唔少威脅，只係全隊配合都有問題，令到臨門一腳始終唔太得。
15. 上篇都講過，場面上曼聯係進步咗好多，但點樣將表現化為實績，呢樣先係最重要。大神Fabrizio Romano話暫時曼聯高層仲係支持坦克，但如果唔交返啲實績出黎，坦克仲可以頂到幾耐？
16. 我咁講唔係想坦克落台，但只係指出客觀既事實，職業足球最重要既，始終都係結果。
17. 廢話咁講，只要改善兩個問題︰加強把握力同減少自爆失誤，咁曼聯一定可以改善到成績。但呢啲阿媽係女人既廢話，係人都知，球員做唔做到，先係最重要。
#不專業足球筆記 #足球專欄 #專欄 #我愛紅魔鬼 #曼聯每日情報站
#歐霸 #紅魔鬼賽後評 #MUNTWE #曼聯 #川迪 #足球 #賽後評
#歐霸賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
成也艾歷臣敗也艾歷臣 川迪一比一逼和曼聯
1. 又一次，曼聯全場掌控住局面，但又一次因為自己嘅失誤導致失分而回。
2. 不過講明先，標題只係講出事實，但講全場表現，其實艾歷臣既表現絕對唔差，如果唔係果球失誤我諗佢無可爭議係man of the match。
3. 但係失誤發生咗就真係發生咗，我唔同意某啲曼迷所講，因為佢全場組織工作做得好就抹殺咗球失誤，尤其是最後就係因呢球失誤令到球隊未能全取三分。試下呢個波係卡斯米路失？比人屌撚到反艇都似。
4. 所以我唔會忽視艾歷臣既失誤，但同時一樣唔會抹殺佢響場上面既貢獻。唔係一味讚，檢討自己既失誤都重要，我就響度鳩UP，希望艾歷臣都會反思下呢啲失誤係咪可以避免。
5. 講返場波，今場曼聯繼續係控制到全場戰局，川迪有威脅既攻勢，一球係黎自達洛治既失誤，呢球好彩對方既射門略門而過；另一球就冇咁好彩喇，就係啱啱上面講艾歷臣比人偷波之後失埋波。
6. 話說回來，我哋係全場控制戰局，但當個波去到最後人哋禁區既時候，都係做唔到最後一腳波。我話川迪得兩球有威脅既攻勢，其實我哋都係一擔擔，除咗艾歷臣之外，只係得對手上半場近門爭啲擺烏龍，同埋麥佳亞最後階段頭鎚，呢兩球都係比對方門將出色地化解咗。
7. 可以話，今場響製造攻勢方面，比起上場作客水晶宮更加失色。
8. 不過當我見到曼聯上半場可以打破薑局時，我真係諗住今次真係贏到，因為曼聯之前失分，好大程度係因為上半場入唔到波，下半場就會好似洩咗氣咁，連有威脅既攻勢都少咗好多，但今次我以為曼聯可以一早打開缺口，又見川迪連攻勢都寥寥無幾，諗住可以全取三分，點知人哋做唔到，我哋就做埋比人…估唔到艾歷臣呢啲咁有經驗既球員，都會犯呢啲錯誤…
9. 但係正如我前述，艾歷臣係踢得幾好，如果要我講踢得差既，其實我覺得般奴先係踢到pat屎果個。傳、射，兩樣都係鳩黎，最後當然係冇任何貢獻…
10. 我唔會否認般奴曾經為曼聯作出既貢獻，或者佢對比賽既態度，不過佢開季至今狀態不佳係事實，坦克係咪一定要死都出佢踢正選呢？嗱，我鳩UP架咋，但我會覺得暫時曼治響場上面既表現，似乎比起今季既般奴有用，可以試下收起般奴出曼治試下。
11. 咁講唔係放棄般奴，但係冇表現就返去坐，唔應該因為你係隊長有特權。況且，狀態唔好既時候休息下其實唔係壞事，調整過後，再以更好既姿態返黎，未嘗唔係一件好事。
12. 可惜既係，下場就係對熱刺既英超大戰，我相信坦克唔會咁冒險，響呢場作啲咁既實驗…
13. 另外想提下賀隆同舒克斯。踢咗幾場波之後，舒克斯響串連既工作方面越做越好，不過面對龍門既把握力仍然需要改善。至於賀隆，佢傷癒之後，踢咗兩場都明顯未在狀態。睇返上季佢傷完之後復出既情況，佢應該係要多少少時間去warm up既球員，所以暫時黎睇，短期內應該仲會由舒克斯掛帥。
14. 尋晚場波有樣嘢係正面既，就係福仔既表現好似有所回升，左面都創造咗唔少威脅，只係全隊配合都有問題，令到臨門一腳始終唔太得。
15. 上篇都講過，場面上曼聯係進步咗好多，但點樣將表現化為實績，呢樣先係最重要。大神Fabrizio Romano話暫時曼聯高層仲係支持坦克，但如果唔交返啲實績出黎，坦克仲可以頂到幾耐？
16. 我咁講唔係想坦克落台，但只係指出客觀既事實，職業足球最重要既，始終都係結果。
17. 廢話咁講，只要改善兩個問題︰加強把握力同減少自爆失誤，咁曼聯一定可以改善到成績。但呢啲阿媽係女人既廢話，係人都知，球員做唔做到，先係最重要。
#不專業足球筆記 #足球專欄 #專欄 #我愛紅魔鬼 #曼聯每日情報站
#歐霸 #紅魔鬼賽後評 #MUNTWE #曼聯 #川迪 #足球 #賽後評
#歐霸賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938