紅魔鬼賽後評 歐霸 波圖 3-3 曼聯 (3-10-2024)
紅魔鬼賽後評 歐霸 波圖 3-3 曼聯 (3-10-2024)
捉到鹿唔識脫角 曼聯曾領先兩球下只能逼和波圖3比3
1. 最近打曼聯既賽後評非常痛苦，睇完場閪波仲要諗下有乜要寫，即係再review一次個地獄之旅。
2. Fabrizio Romano都講，話坦克既命運將會depends on黎緊呢兩場比賽，大神講既嘢不嬲係有消息來源唔會鳩UP，所以呢場可以話係坦克既救贖之戰既頭場。好可惜，頭炮真係打唔響，只可以響驚濤駭浪之下，響下半場補時階段逼和波圖三比三，帥位有啲危。
3. 雖然曼聯有夢幻般既開局，把握住對方門將哥斯達連續兩下失誤，由華舒福同埋賀隆先開紀錄，但係左路達洛治果邊比人爆得好勁，而中間兩位中堅既馬天尼斯同埋迪列治既演出都喺水準之下，結果上半場已經比人追返成二比二平手。
4. 左閘既達洛治其實有啲慘，佢本身真係唔係踢左閘，但係響球隊既左閘全部傷晒既情況之下，佢唯有被逼打左閘，結果無論係攻同守方面都表現近期黎講都強差人意。
5. 客串幾場可能都頂得順，但達洛治畢竟係右閘，右腳順過左腳好多，你開季到而家佢差唔多場場都係打左閘，你真係玩勁佢架啫。
6. 其實睇返Fabrizio Romano之前既消息，曼聯本身諗住如果有錢剩就會買多隻左閘，但最後啲錢洗晒響其他地方，或者INEOS本身對Shaw同埋馬拉西亞好有信心喇，所以最多只係買咗馬沙拉維呢位一樣可以客串左閘既右閘(而且本身都係諗住買，同買唔買左閘係分開計)，諗住本身果兩隻左閘好快就復出吖嘛。
7. 其實由對修咸頓果場開始，達洛治已經開始左路放題，今場三球波都係由左路爆入去傳中，再響門前頂入/撞入，完全一模一樣。
8. 第一球其實奧拿拿已經做得好好，咁近既頭鎚都擋到，點知馬天尼斯發緊夢，冇執second ball，結果比人輕輕鬆鬆射入。第二、第三球，就直接係迪列治責任，兩球都比人頂贏同攝贏。
9. 係，呢三球某程度上唔算係失誤，而係比人技術性或者係速度體格上擊到，但我覺得以曼聯今日條後防既個人質素，係唔應輸呢三球波。
10. 嚴格黎講，後防線四個冇一個係合格，要不是奧拿拿今日上身，救咗起碼三個對方既黃金機會，曼聯應該一早收咗皮，唔好話最後補時入波拎到一分。
11. 但講到最差果個，一定唔係後防四子，然後隊長般奴。
12. 先唔好講條友進攻時浪射鳩傳，淨係講佢紅牌已經夠，當時球隊落後緊一球，隊長比人趕出場其實對球隊士氣影響係幾大啊？
13. 講過，呢一刻要你抖，唔係否定你，你狀態差時，休息一下真係未必係壞事黎，可惜坦克似乎仲諗住繼續攬實隊長，最後會唔會攬炒真係唔知，但機會越黎越大了。
14.全場表現最出色既，我首選係福仔，佢上半場一樣可以令到對方左路風聲鶴唳，但半場唔知係乜嘢事被調離場，曼徹斯特晚報估佢可能有傷，但暫時未有任何update消息。
15. 入替既加拿祖雖然都有威脅，但今場明顯遠遠不及大師兄福仔，不過佢真係好有鬥心好搏命，呢點絕對係抵讚既。
16. 其實今場可以響補時由麥佳亞入波執返一分真係好彩，要知對手打多我哋一個，其實最尾十分鐘係唔駛死守架。
17. 今場正面啲既係中鋒賀隆復出，仲打得唔錯，雖然後尾應該係驚用得佢太盡而收起佢，但係佢在場時響前面撞，真係有啲威脅。而家坦克手上係爭隻左閘，咁至少就算唔係full team，但每個位置都齊腳先。
18. 坦克救贖之戰頭炮已經響唔起，之後仲能否保住帥位，星期日對維拉一戰將會非常關鍵。
#不專業足球筆記 #足球專欄 #專欄 #我愛紅魔鬼 #曼聯每日情報站
#歐霸 #紅魔鬼賽後評 #PORMUN #曼聯 #波圖 #足球 #賽後評
#歐霸賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
捉到鹿唔識脫角 曼聯曾領先兩球下只能逼和波圖3比3
1. 最近打曼聯既賽後評非常痛苦，睇完場閪波仲要諗下有乜要寫，即係再review一次個地獄之旅。
2. Fabrizio Romano都講，話坦克既命運將會depends on黎緊呢兩場比賽，大神講既嘢不嬲係有消息來源唔會鳩UP，所以呢場可以話係坦克既救贖之戰既頭場。好可惜，頭炮真係打唔響，只可以響驚濤駭浪之下，響下半場補時階段逼和波圖三比三，帥位有啲危。
3. 雖然曼聯有夢幻般既開局，把握住對方門將哥斯達連續兩下失誤，由華舒福同埋賀隆先開紀錄，但係左路達洛治果邊比人爆得好勁，而中間兩位中堅既馬天尼斯同埋迪列治既演出都喺水準之下，結果上半場已經比人追返成二比二平手。
4. 左閘既達洛治其實有啲慘，佢本身真係唔係踢左閘，但係響球隊既左閘全部傷晒既情況之下，佢唯有被逼打左閘，結果無論係攻同守方面都表現近期黎講都強差人意。
5. 客串幾場可能都頂得順，但達洛治畢竟係右閘，右腳順過左腳好多，你開季到而家佢差唔多場場都係打左閘，你真係玩勁佢架啫。
6. 其實睇返Fabrizio Romano之前既消息，曼聯本身諗住如果有錢剩就會買多隻左閘，但最後啲錢洗晒響其他地方，或者INEOS本身對Shaw同埋馬拉西亞好有信心喇，所以最多只係買咗馬沙拉維呢位一樣可以客串左閘既右閘(而且本身都係諗住買，同買唔買左閘係分開計)，諗住本身果兩隻左閘好快就復出吖嘛。
7. 其實由對修咸頓果場開始，達洛治已經開始左路放題，今場三球波都係由左路爆入去傳中，再響門前頂入/撞入，完全一模一樣。
8. 第一球其實奧拿拿已經做得好好，咁近既頭鎚都擋到，點知馬天尼斯發緊夢，冇執second ball，結果比人輕輕鬆鬆射入。第二、第三球，就直接係迪列治責任，兩球都比人頂贏同攝贏。
9. 係，呢三球某程度上唔算係失誤，而係比人技術性或者係速度體格上擊到，但我覺得以曼聯今日條後防既個人質素，係唔應輸呢三球波。
10. 嚴格黎講，後防線四個冇一個係合格，要不是奧拿拿今日上身，救咗起碼三個對方既黃金機會，曼聯應該一早收咗皮，唔好話最後補時入波拎到一分。
11. 但講到最差果個，一定唔係後防四子，然後隊長般奴。
12. 先唔好講條友進攻時浪射鳩傳，淨係講佢紅牌已經夠，當時球隊落後緊一球，隊長比人趕出場其實對球隊士氣影響係幾大啊？
13. 講過，呢一刻要你抖，唔係否定你，你狀態差時，休息一下真係未必係壞事黎，可惜坦克似乎仲諗住繼續攬實隊長，最後會唔會攬炒真係唔知，但機會越黎越大了。
14.全場表現最出色既，我首選係福仔，佢上半場一樣可以令到對方左路風聲鶴唳，但半場唔知係乜嘢事被調離場，曼徹斯特晚報估佢可能有傷，但暫時未有任何update消息。
15. 入替既加拿祖雖然都有威脅，但今場明顯遠遠不及大師兄福仔，不過佢真係好有鬥心好搏命，呢點絕對係抵讚既。
16. 其實今場可以響補時由麥佳亞入波執返一分真係好彩，要知對手打多我哋一個，其實最尾十分鐘係唔駛死守架。
17. 今場正面啲既係中鋒賀隆復出，仲打得唔錯，雖然後尾應該係驚用得佢太盡而收起佢，但係佢在場時響前面撞，真係有啲威脅。而家坦克手上係爭隻左閘，咁至少就算唔係full team，但每個位置都齊腳先。
18. 坦克救贖之戰頭炮已經響唔起，之後仲能否保住帥位，星期日對維拉一戰將會非常關鍵。
#不專業足球筆記 #足球專欄 #專欄 #我愛紅魔鬼 #曼聯每日情報站
#歐霸 #紅魔鬼賽後評 #PORMUN #曼聯 #波圖 #足球 #賽後評
#歐霸賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938