Winning Eleven 2002 (PS1) 想當年 (3)
https://www.facebook.com/%E9%B4%A8%E5%B7%B4%E8%AC%99%E8%8E%AB%E5%9F%9F-1025952167487009/?skip_nax_wizard=true
第一篇可能太心急，亦都可能真係太耐冇玩唔記得，好多嘢都漏咗冇講。
基本上玩352或者343陣式，兩個翼衛擺傑斯搭費高都試過，因為係winning的世界，根本唔存在兩翼衛攻守失衡的問題，只要有技術就得。所以兩翼根本唔會諗要用世界級翼衛，照擺翼鋒落去就得。而3箭頭，擺哂3個高大中鋒都得，試過Vieri、Batistuta、Trezeguet都冇問題。
至於速度方面，基本上速度19，加速18，㩒實加速掣就逢人過人，所以擺舒夫真高搭奧雲，再加左右翼嘅卡路士及巴班基達，屈速一流。所以大家組隊都規定不准屈速，唔准買呢4個球員。
撞牆更加係奇技，一對箭頭撞又得，中場衝上去撞又得，玩ML模式，前鋒的入球同助攻數目一樣咁多，但玩得多會好無癮，所以之後我用擅長二傳的球員先用這招，例如柏金、舒靈咸等。
而有好多球員，而家聽落去好勁，但係在winning入面，可能只係新星，數值可以唔突出，例如伊巴謙莫域，高路斯、波歷克、加度素 (不過體力有19)，好多都冇著燈，維持15、16左右。而我都會用這些球員，起碼聽落去識之餘，又唔會屈數值，更重要唔會撞球員，又可以發揮創意。
依稀記得當年睇完波睇完雜誌後組過的陣容:
沙拉斯 卡維 告魯斯
史坦高域 波歷克 艾馬 尼維特
希古拿 馬特拉斯 艾耶拉
卡斯拿斯
當年好鍾意華倫西亞，卡維的衝撞力、艾馬的腳法、艾耶拉的洞察力，所以前中後各選一人。
沙拉斯彈跳力驚人，頂頭槌唔輸蝕俾高大守衛。
告魯斯，高大中鋒，在國米初期不受重用，後期才展示到剛柔並濟的踢法。
史坦高域同尼維特都是重炮。馬特拉斯夠高大。
希古拿原是防中，效法皇馬將其置於中堅。
柏素 贊卡 摩連迪斯
皮利斯 加度素 派路 龍格堡
拿美路 米赫洛域 哥度巴
托度
贊卡，大舊光頭佬中鋒，睇完2002世界盃就成為愛將。
柏素，摩納哥時期展現出空中霸王的實力。摩連迪斯，西班牙空霸，但有技術及二傳。
皮利斯、龍格堡 雙翼入楔一流。
加度素、派路 一個攔一個分波。
拿美路 好穩陣 都係睇完2002世界盃就成為愛將。
米赫洛域 重炮王 打機當佢自由人咁用 成日衝上去同人撞牆，撞幾次就遠射
哥度巴 彈跳力驚人。
原來當年排過這樣的陣容…
第一篇可能太心急，亦都可能真係太耐冇玩唔記得，好多嘢都漏咗冇講。
基本上玩352或者343陣式，兩個翼衛擺傑斯搭費高都試過，因為係winning的世界，根本唔存在兩翼衛攻守失衡的問題，只要有技術就得。所以兩翼根本唔會諗要用世界級翼衛，照擺翼鋒落去就得。而3箭頭，擺哂3個高大中鋒都得，試過Vieri、Batistuta、Trezeguet都冇問題。
至於速度方面，基本上速度19，加速18，㩒實加速掣就逢人過人，所以擺舒夫真高搭奧雲，再加左右翼嘅卡路士及巴班基達，屈速一流。所以大家組隊都規定不准屈速，唔准買呢4個球員。
撞牆更加係奇技，一對箭頭撞又得，中場衝上去撞又得，玩ML模式，前鋒的入球同助攻數目一樣咁多，但玩得多會好無癮，所以之後我用擅長二傳的球員先用這招，例如柏金、舒靈咸等。
而有好多球員，而家聽落去好勁，但係在winning入面，可能只係新星，數值可以唔突出，例如伊巴謙莫域，高路斯、波歷克、加度素 (不過體力有19)，好多都冇著燈，維持15、16左右。而我都會用這些球員，起碼聽落去識之餘，又唔會屈數值，更重要唔會撞球員，又可以發揮創意。
依稀記得當年睇完波睇完雜誌後組過的陣容:
沙拉斯 卡維 告魯斯
史坦高域 波歷克 艾馬 尼維特
希古拿 馬特拉斯 艾耶拉
卡斯拿斯
當年好鍾意華倫西亞，卡維的衝撞力、艾馬的腳法、艾耶拉的洞察力，所以前中後各選一人。
沙拉斯彈跳力驚人，頂頭槌唔輸蝕俾高大守衛。
告魯斯，高大中鋒，在國米初期不受重用，後期才展示到剛柔並濟的踢法。
史坦高域同尼維特都是重炮。馬特拉斯夠高大。
希古拿原是防中，效法皇馬將其置於中堅。
柏素 贊卡 摩連迪斯
皮利斯 加度素 派路 龍格堡
拿美路 米赫洛域 哥度巴
托度
贊卡，大舊光頭佬中鋒，睇完2002世界盃就成為愛將。
柏素，摩納哥時期展現出空中霸王的實力。摩連迪斯，西班牙空霸，但有技術及二傳。
皮利斯、龍格堡 雙翼入楔一流。
加度素、派路 一個攔一個分波。
拿美路 好穩陣 都係睇完2002世界盃就成為愛將。
米赫洛域 重炮王 打機當佢自由人咁用 成日衝上去同人撞牆，撞幾次就遠射
哥度巴 彈跳力驚人。
原來當年排過這樣的陣容…