賤鄰內戰，一觸即發，你撐邊隊？《賤鄰2》(Bad Neighbours 2 : Sorority Rising‬, 2016)

顯示分享連結
孟母三遷，都係想有個好鄰居及好環境；怎料繼《賤鄰50》之後，又來多一次《賤鄰2》！賤鄰內戰，一觸即發，你撐邊隊？
《賤鄰2》(Neighbors 2: Sorority Rising)新海報兩邊陣營都係一字排開對峙與《美3》幾乎一樣！不過相比之下，《賤2》海報中兩大陣營得六個人，「輸人又輸陣」！
弊傢伙，隔籬屋，兄弟幫走咗，姊妹淘又嚟咗
喺《賤鄰50》中，Mac (薛夫洛根飾演) 同Kelly (露絲拜恩飾演) 生咗個可愛baby，一家三口樂也融融，點知隔離吉屋嚟咗50個大學生以Teddy (碩克艾佛朗飾演)為首的賤男，晚晚開P，飲酒隊草講粗口，唔夠瘋狂唔罷休！Mac同Kelly出盡法寶趕走爛玩賤男兄弟幫後……
今次呢班姊妹淘以Shelby為首，比Teddy更難纏！
成班姊妹行Sexy，Mac同Kelly如何是好！
點知嚟到《賤鄰2》，Mac快將成功賣樓之際，Shelby(嘉兒莫蕊茲飾演)與女生會進駐隔籬吉屋，隊草劈酒跳艷舞，鑊鑊新鮮鑊鑊甘！隔籬嘈到嘔，Mac想賣屋都無人吼，Mac竟然請嚟賤男Teddy出山幫手，點知一山還有一山高，呢班囡囡連Teddy都招架唔住，今次Mac真係「頭都大」！
成班姊妹同學會都係不時泳裝熱褲Look，叫你住喺隔籬，如何是好？
賤鄰成班又青春又性感又玩得，做家長想賣屋搬走都唔得！
https://www.youtube.com/watch?v=fYIsq-tjarQ
賤鄰內戰，一觸即發，你撐邊隊？
在古代有「千萬買(好)鄰」的成語故事，今天呢？香港「虎爸鱷媽」為了子女能入讀附近名校，不惜動用財力及費盡心力「嚟搬竇」，誓要殺入名校，讓子女贏在起跑線。

如果喜歡我們的文章，請即分享到︰

標籤: 賤鄰50  賤鄰2  bad neighbours 2