煲劇「III級奇想」之好很想黃光亮(柳卓南)「爆粗」： 《火線下的江湖「大佬」》為何不爆粗？

顯示分享連結
喺咁嘅暴力勾二嫂爭執場面下，黃光亮呢個過氣大佬無理由係唔爆粗口？
想問問大家，現實中你有冇聽過別人講「粗言穢語」？或者自己不期然地亦會「爆粗(粗言穢語)」一下？前幾日喺公共圖書館，桌子對面的四眼哥一面打住兩部手機連線的遊戲，一面不停「X你老母X」。當時我揸住蘇童嘅《武則天》，高舉過面擋住佢嘅五言粗口，心想「武則天」係中國唯一女皇帝，應該抵擋得住佢嘅「X你老母X」
柳卓南年輕時應該更易爆粗？
所以，當《火線下的江湖「大佬」》大結局；黃光亮飾演劇中的柳卓南------這個過氣江湖大佬，以及佢嘅手下「老混混」，始終都冇半句「粗言穢語」！如此「堅離地」(超現實)，受制於現實的電視廣播條例，實屬不幸及無奈！
咁嘅火爆場面都無爆粗，反而現實生活時常聽到有人爆粗？
不知為何，好很想黃光亮(柳卓南)「爆粗」！各位，如果《火線下的江湖「大佬」》有三級「爆粗(粗言穢語)」版本，閣下又覺得如何，試試自行幻想吧？
倒是編劇也有察覺有此問題，於是你可能會發覺何其爽(鄭則士飾演)與蘇佑琳(陳煒飾演)卻也有「三字經」真言------就是以下兩句咁大把：
上大人
孔乙己
(其實大家都知有此問題！)
受制於現實的電視廣播條例，劇集中的「江湖大佬」及其「老混混」也變得何其「文縐縐」，也變得嚴重「堅離地」(超現實)？
曾做過電檢的顧問多年，在製訂「IIB」及「III」的尺度上，粗言穢語確實比裸露有更嚴謹的要求！尤其在電視上，連諧音有時都不大可能「出街」的！所以，看《男人食堂》中，看歐陽偉豪「唔咸唔淡」咁暗示粗口，總係睇得到喉唔到肺------我以為粗口用來發洩，唔係用嚟研究！
昔日，黃霑係我最敬服的「不文始祖」。當年，佢同蔡瀾、倪匡喺《今夜不設防》的「表現」------講女兼爆粗，可愛的真我個性盡流露，簡直「無懈可擊」！如果，一世人只睇一個「有料」清談節目，都係黃霑嘅《今夜不設防》。無錯，係M，成人觀眾才能收看！睬你都傻啦！
https://www.youtube.com/watch?v=eQ7dCO-TmAI
至於喺電影上，最能挑戰「IIB」及「III」的尺度，可能係佢《唐伯虎點秋香》嘅「吟詩對聯篇」！而且，一定要睇粵語版本！
對穿腸：「冚家剷」泥齊種樹。
唐伯虎：汝家池塘「多鮫魚」(多X餘)。
對穿腸：魚肥果熟「嫲撚飯」(麻X煩)。
唐伯虎：「你老母」兮親下廚！
識廣東話，都知引號內的全都是粗口；尤其一個「兮」字用得何其玄妙精彩，只要你將「兮」讀作陰平聲而不讀作陽平聲，「你老母兮」就更「耳目一新」！
不過，如果你只欣賞如此這般，你只能夠欣賞到「俗」嘅一面，仲有「雅」嘅一面：
一鄉二里共三夫子，不識四書五經六義，竟敢教七八九子，十分大膽！
十室九貧，湊得八兩七錢六分五毫四厘，尚且三心二意，一等下流！
以上係數字對聯，利用一至十來作對聯。考考大家以下對聯：
九八七六
二三四五
答案是「一」及「十」沒了，用北京方言來唸且思考是「缺衣食」！
圖書裡，龍不吟虎不嘯，小小書僮可笑可笑。
棋盤裡，車無輪馬無韁，叫聲將軍提防提防。
鶯鶯燕燕翠翠紅紅處處融融洽洽。
雨雨風風花花葉葉年年暮暮朝朝。
這是連珠對，對聯本該由上而下，由左而右來看的，你能看出其中的圖畫及空間感嘛？
十口心思，思君思國思社稷。
八目尚賞，賞花賞月賞秋香。
這是拆字對，上聯拆的字是「思」字；下聯拆的字是「賞」字，很有心思欣賞的！
喺咁嘅情景下，係你你會唔會爆粗？
最後，我喺油尖旺某處公廁，睇到以下五言絕句粗口聯詩，當我一邊「煉功」，一邊讀住，真係……
X你個X街
X你個X忽
X你老母X
X你一家X

如果喜歡我們的文章，請即分享到︰