演員、演技與自我修養：從《律政強人》廖啟智演技太「浮誇」談起@兼論多個男演員演技的經典「浮誇」場面

顯示分享連結
演技，一向可能係見仁見智；就算強如廖啟智，也被指在最近播完嘅TVB劇集《律政強人》中演技表現太浮誇！(註：近兩年，廖啟智先後奪得高登艾美獎最佳男主角(《選戰》,2015)、HKTVFansClub投票活動最佳男主角(《選戰》,2015) 及馬來西亞金蝶獎最佳男演員(《愛存在》,2016)。
甚至，有人認為廖啟智與吳岱融演繹嘅角色可以互換？各位讀者又點睇呢？
根據俄國戲劇大師史坦尼斯拉夫斯基嘅書《演員的自我修養》（俄語：Работа актера над собой）中，對演員嘅方法演技解釋，係咁樣嘅：「演員的活生生的、有機的體驗的舞台藝術，才能夠把角色內心生活的一切不可捉摸的細微變化和全部深度，藝術地表達出來……只有這樣的藝術才能完全抓住觀眾的心，使觀眾不僅弄明白舞台上所發生的一切，更主要是還能夠真實體驗到它們。這才能豐富觀眾的內心的經驗，在他們心中留下時間無法磨滅的痕跡。」
如果，讀者唔明白上面一堆字講咩，試看下面周星騁《喜劇之王》的兩個片段，或者會有多多少少嘅了解！
https://www.youtube.com/watch?v=B8rD68a5LQQ這一條片由周星馳親身示範何謂演員演技！
https://www.youtube.com/watch?v=wMLQY9ZljOA這一條片由周星馳親身教授演員基本演技！
如果，廖啟智，被指在TVB劇集《律政強人》中演技表現太「浮誇」；究竟誰又可以跟他匹敵，以至於多個演員演技的經典「浮誇」場面，也不妨回味一下！(註：重申聲明是這裏沒有好壞批判！)
論近期劇集，首先肯定要問，吳岱融在《巨輪II》演繹嘅高天鷲是否也太「浮誇」？而吳岱融演繹嘅高天鷲「老強」由陳凱琳飾演嘅養女Nana，又算唔算「浮誇」？
如果要細數演員演技之太「浮誇」，萬梓良極可能榜上有名，或者佢認了第二無人敢肯第一？在《流氓大亨》中，萬梓良跟鄭裕玲嘅「So What」剖白一場戲技驚四座，「浮誇」程度值係十級！
不相伯仲之間的還有他------鄭少秋飾演嘅丁蟹(《大時代》)。其實，秋官在多部時裝劇中都「七情上面」，好似《誓不低頭》嘅謝文武、《世紀之戰》嘅丁野都係咁樣咁款，究竟又算不算「浮誇」！
論「浮誇」還有他------黎耀祥在《梟雄》中飾演嘅龔嘯山一角色，真係有幾誇得幾誇，演技？都係見仁見智啦！
廖啟智係電視演員同時又係大銀幕及舞台劇嘅演員，在三個不同領域中都得過最佳男配角等獎項，如果找同一領域範圍的演員來比較，你又覺得以下演員演技會不會也太「浮誇」？
第一個係張學友在《旺角卡門》飾演嘅「烏蠅哥」，「浮誇」？
第二個係梁家輝在《92黑玫瑰對黑玫瑰》飾演嘅「呂奇」---註：以後凡是飾演「呂奇」一角的演員如羅家良等，都可能會演得很「浮誇」的，除了呂奇本人之外！
第三及四個係謝霆鋒同張家輝，佢哋在《線人》呀《證人》中都可能有好誇張肉緊的演技，咁又算唔算「浮誇」？
如果再數落去，就連影帝周潤發也有曾被指演戲太「浮誇」的時候……發哥勇闖荷里活拍<血仍未冷>時，也曾被指演戲太「浮誇」！
究竟，演技是如何叫做「浮誇」、「恰到好處」，又或「爐火純青」呢？我真的不知道！因為，其實說來見笑，小弟我亦曾經玩過戲劇(係真呀！)，也認真地鑽研俄國戲劇大師嘅書，不過我始終做不了演員(路人甲乙丙例外)，因為來來去去我都只得一個「木然」表情------導演把我說成是「木咀」表情！

如果喜歡我們的文章，請即分享到︰