《幕後玩家》錢嘉欣(Maple)嘅"女性新世代"角色問題 (呢個「炒散(工)王」(打兼職)亦玩轉劇集「咦～乜咁啱嘅」(這麼湊巧)方程式)

顯示分享連結
喺《幕後玩家》中，由2013年度華姐冠軍Gloria Tang鄧佩儀飾演嘅錢嘉欣(Maple)可能係最好玩的角色設計，不但喺一眾劇集女角中最具有喜劇人物特色，而且亦兼具女性新世代嘅形象。鄧佩儀亦將劇中嘅錢嘉欣(Maple) 「傻大姐」形象演得活潑生動，唔知係唔係呢？
穿小背心嘅鄧佩儀飾演《幕後玩家》錢嘉欣(Maple)一角色是非常之有"內涵"的...
鄧佩儀飾演嘅《幕後玩家》錢嘉欣(Maple)一角色，可以講係編劇精心玩嘢嘅編排------究竟係唔係為現代全職打工仔女「make dream」還是發洩？
https://www.youtube.com/watch?v=gnJpfpSmNfc《幕後玩家》錢嘉欣(Maple)如何當上賭后代言人？睇片！
首先，錢嘉欣(Maple)係超級「炒散(工)王」(打兼職)。由bartender、咖啡妹、課程助理「遞水樽執頭執尾」，到兼職的士司機，以至於廟街塔羅牌占卜師，仲可以用「兩文三語」出任賭場賭后代言人！
張繼聰飾演嘅角色成日被馬蹄露飾演嘅"八太"摸住抽水，仲要笑住口唔出得聲？
相對於《幕後玩家》一眾全職公關要在職場困獸鬥，既要防上司莫須有炒魷，又要防同事報串落石，仲要俾D Client抽水……箇中辛酸不足為外人道！「炒散(工)王」隨時可以「閃」，又成日可以「一人騷」，唔駛理咁多辦公室政治及人事！
鄧佩儀飾演嘅錢嘉欣(Maple)嘅"咖啡妹Look"！
最重要及諷刺係，雖然錢嘉欣(Maple)係超級「炒散(工)王」(打兼職)，卻不但精通「兩文三語」，而且周身刀張張利，bartender、揸的士、煮咖啡，連演戲做賭后代言人都得；問題係錢嘉欣(Maple)的要求都好低：加多一百蚊一個鐘，或者叫人請食晚飯兼打包------比較全職嘅「勤工獎」、「新人獎」、「醫療津貼」、「車船津貼」，還有「做滿三個月獎」、「介紹新人入職獎」、「生日放假有工資」等等，究竟誰是「聰明笨伯」？
鄧佩儀嘅短髮Look可應更適合劇中錢嘉欣(Maple)嘅"傻吓傻吓"形象？(上圖)下面係鄧佩儀露"事業線"嘅彈鋼琴Look，端莊得嚟又性感！
其次，編劇藉錢嘉欣(Maple)角色玩轉咗「咦～乜咁啱嘅」呢一條編劇公式------兼塑造女性新世代形象。何解？試問句邊有咁多巧合同偶遇，所以電視編劇一向都會叫D重要主角住埋一齊方便講故事；否則人海茫茫中，邊鬼咁易偶遇撞得上？
https://www.youtube.com/watch?v=QXFrBCOaRTI首先，重溫一下「咦～乜咁啱嘅」(這麼湊巧)的經典來由。
https://www.youtube.com/watch?v=UCSSddh8N5U然後，重溫周星馳嘅「咦～乜咁啱嘅」(這麼湊巧)嘅版本...
今次《幕後玩家》擺明玩嘢，玩轉咗「咦～乜咁啱嘅」呢條橋！既然，錢嘉欣(Maple)係女追男「冧」張繼聰飾演嘅角色；自然就會俾人諗到女方主動喺男方身邊團團咁轉------既可「炒散」，又可「溝仔」，可唔可以講得通呢？(事實上，有張繼聰出現嘅地方，就失驚無神有鄧佩儀嘅出現，兩個角色又無約定，仲唔係玩嘢！但呢樣亦係喜劇橋段！)
而且，仲可以對呢一條「咦～乜咁啱嘅」兩個角色浪漫偶遇嘅編劇公式嚟一個自嘲自諷，兼且可以塑造埋新世代女性主動溝仔嘅「傻大姐」形象？唔知係唔係呢？
事實上，鄧佩儀喺《幕後玩家》飾演嘅錢嘉欣(Maple) 一角，「傻大姐」形象演得上咗身，仲玩轉埋電視編劇嘅老套「咦～乜咁啱嘅」嘅公式！唔知各位觀眾，又有咩嘢體會？
鄧佩儀喺《幕後玩家》飾演嘅錢嘉欣(Maple) 一角雖然出場機會不多，每集出場幾分鐘卻非常搶鏡，也令人反思女性新世代角色問題！
https://www.youtube.com/watch?v=4-tFSKtE9Ss鄧佩儀喺《幕後玩家》飾演嘅錢嘉欣(Maple) 一角"炒散"(打兼職)，張繼聰喺邊打工，就有佢份，而且永遠對住自己喜歡嘅男人"傻吓傻吓"，係男人白日夢，定係新世代女性形象？
https://www.youtube.com/watch?v=lMtHqoPX1qQ張繼聰喺《幕後玩家》飾演嘅角色有關男女關係嘅金句重溫！
註：關於收視點問題，據聞《幕後玩家》喺8:30-9:30時段嘅收視點不高，但係我見不少上班族喺第二朝返工搭長途車時用手機煲番此劇，咁點計呢D收視點先？

如果喜歡我們的文章，請即分享到︰