拍劇情未了之馬明心穎「兄弟戀」終"斷正"：祝願呢一對有情人終成眷屬！

顯示分享連結
無寫錯係「兄弟戀」，因為拍劇《為食神探》(2016)，而有機令馬明心穎更進一步，可能就係由短髮似男仔的心穎融化「木獨呆兄」(可能係扮傻？)馬明而展開的！
真作假時假亦真，馬明心穎(拍拖)斷到正
事實上，在《為食神探》中，兩人的染紅短髮十分相襯，似足兩兄弟咁款！
馬明被心穎攬住好興奮
拍劇《為食神探》時，馬明心穎嘅眼神、舉止都十分夾！
兩小口子回復正常人身份，在日前情人節太古城行街睇戲兼情侶裝出動拍住行，被人影到走在一起，身份曝光！最終，還是玩最老套嘅「前後腳鬆人」---兩人鬼祟拍拖睇戲，散場時一見多人，馬國明即醒目分開行。當然，事後被記者問係唔係拍拖？例牌都係咁---馬國明回覆：「笑吓啦！新年快樂呀！」黃心穎就講：「朋友睇場戲啫！」兩人夾口供一樣有默契。
雖然，馬明心穎在情人節前拍拖睇戲，並未有拖手，但打扮都襯到絕：黑色情侶裝，又齊齊戴眼鏡，親密關係曝光。(事實上，兩人被黑衫黑褲包到實一實，相襯之餘也有默契？)
事實上幾年前選港姐入行嘅心穎早已公開宣稱自己係馬明Fans，仲話好恨同對方合作拍劇。直至2013年，心穎第一次參演電視劇《On Call 36小時II》，客串飾演病人時，難得與偶像馬明有同場對手戲，事後即時在IG晒合照，好開心將「第一次」奉獻給對方！(啟示：女追男真係隔重紗咁易？)
其實，男的43歲未婚，女的28歲又未嫁，年紀、事業、外形都襯到絕，為何仍要「收收埋埋」！相較於唐詩詠乖乖女未必食得住男方，心穎BB精靈活潑、形象多變可能鎮得住馬明的胃口！
送上衷心祝願：在咁多枝槍指住馬明你，希望你快快同心穎有情人終成眷屬！(慘！世間又少了一個BB！)
參考資料：
蘋果日報、東方新地、網圖等等
註：劇集中，男女角常常能撮合成一對的；但現實裏，無論最後能否收成正果，型男索女走在一起總是令人賞心樂事的：
陳豪和陳茵媺拍攝無綫劇《心戰》(2012)時撻著火，拍起感情戲特別投入。
陳展鵬 胡定欣在《城寨英雄》(2016)中也非常合襯，無論事後能否成正果，型男美女也令人賞心樂事！
呢一對莊思明、楊明無同台拍過劇(女方話好恨想一起拍劇)，都走在一起多時了！
呢一對有無同台拍劇都一樣咁鬼夾！
不過，最後要反問：情侶檔與夫妻檔走在一起拍劇集拍電影，又是否一定好？

如果喜歡我們的文章，請即分享到︰