網民發現「港版周子瑜」！盤點有潛質的童星

顯示分享連結
我好佩服網民嘅細心及眼利，睇電視居然搵到呢一個「無名」童星？先睇睇圖：
究竟網民睇咗去邊度呢？
正當有網民唔知道佢係咩嘢人的時候，但好快就被傳媒起了底；原來佢係區明妙(2001.02.28)，係家燕媽媽藝術中心之高徒，最近仲俾網友封為「港版周子瑜」！？唔係嘛？
原來，區明妙Stephanie早已開始童星之路，拍過不少廣告，上年佢喺《一屋老友記》中飾演童年版滕麗名彈出咗！
Stephanie喜歡Selfie及喺社交網站活躍貼相，十足十有女明星風格
大哂長腿嘅區明妙Stephanie
區明妙Stephanie好明顯地會強攻娛樂圈，因為佢除咗演戲、拍廣告外，亦苦練唱歌跳舞，若果去埋韓國受訓，相信佢將來喺娛樂圈會大有作為！
以前，不少演員怕同小孩做對手戲，因為好難捉摸童星的反應，以及可能冇好似大人咁受過演藝訓練！不過現在唔同啦，好多童星好厲害呀！
在《超能老豆》(2016)中，就有羅梓龍(2002.12.31)飾演嘅谷筱楠（燒腩仔）甚為搶鏡，佢以童星兼男模身份進軍廣告、電影及電視圈，由2012年開始作品竟已有數十部……厲害！
羅梓龍都幾人細鬼大，好有"靚女明星緣"
同在《超能老豆》中，仲有佢陳偲穎(2007.11.21) ！佢亦係家燕媽媽藝術中心培訓的童星，6歲開始拍攝廣告，2014年拍攝首套無綫劇集《收規華》。2016年，陳偲穎因而以《一屋老友記》、《超能老豆》這兩套電視劇而為人熟悉。
在《一屋老友記》中嘅陳偲穎演菲菲一角表情多多而深入人心！
在《親親我好媽》中，譚真一(2003.08.10)應該最為人熟悉！活躍於電視及電影圈，為家燕媽媽藝術中心之學生，2008年起出現在《師奶殺手》中，2009年憑凌福榮一角色，傳神演繹患上不老童顏症的殺人犯主謀，而為人熟知！連郭富城都鬥佢唔過！
此外陳學文(2007？)，近年來好似成為了陳敏之嘅「御用小演員」一樣，由2016年《性在有情》跟到2017年《親親我好媽》，表情十足好能夠入戲！
仲有熊子逸，早在2013年家燕姐有份投資嘅微電影《信望愛》中，就係由熊子逸親身演繹捐骨髓給四歲、患白血病弟弟的真實故事！在《親親我好媽》中，熊子逸演嘅角色嚴茜聰亦甚搶鏡！
最後結論有二：一係家燕姐(1950.03.30)好嘢，自己係童星出身，亦好照顧新一代的童星！二係究竟在未來歲月中，以上童星有幾人留低大紅大紫？拭目以待吧！
資料來由：
Ziines、東方新地、蘋果日報、東方日報、NewMonday及網圖

如果喜歡我們的文章，請即分享到︰