回看鐵腕治軍：飛科蘭對BOOT
【回傳系列】回看老費鐵腕治軍：飛科蘭對BOOT
2004年，上陣時間唔係十分多嘅科蘭仲係到適應緊英倫草地。因為南美同英倫嘅草質，由長短、葉面闊度都有不同，影響波嘅反彈、滾動速度之外，亦直接影響球員嘅跑動方式，落雨嘅時候就更加…哈哈哈哈。科蘭就因為呢樣而同裝備管理員反映過唔太習慣著長釘Boot，都係鍾意著短釘，但係老費都堅持要佢唔得都要著到得。
之後嗰半季，科蘭都係苦無上陣機會，就算史密夫、沙夏傷左，佢都係冇正選，不過佢都係選擇左留低，即使利雲特曾經求購。
15 August, 2004 Chelsea 1-0 Man Utd
Man Utd: Howard, Silvestre, Gary Neville, Keane, Fortune, Miller, O'Shea, Djemba-Djemba, Giggs, Scholes, Smith. Subs: Ricardo, Phil Neville, Bellion, Richardson, Forlan.
之後嗰季嘅季初，曼聯作客到車路士，老豆上車後第一場波。到完場前曼聯都係落後，科蘭係最後十五分鐘後備入替，收穫係一次跣腳同一次控甩波，最後輸0：1。咁唔老黎既表現，科蘭一入更衣室坐低就除低對Boot，咁咪瀨野囉。
火燒心既老費風筒一開，全程掃射。科蘭梗係希望佢唔好見到對boot啦，但邊有咁好彩先得架，老費見到就火遮眼，再次施展飛boot絕技，之後仲怒小裝備管理員：「叫卵左你要佢著好長釘架啦！」出得街嘅可能就係得呢一句。
嗰場比賽之後，曼聯收到維拉利爾嘅報價，同時照顧列基美嘅科蘭經理人就叫佢諗下。然後科蘭就去左見老費，老費話：「科蘭你好敬業，我好想留住你，比你踢多啲。但係如果你想走，我都好明白，所以你想走都冇問題。」自呢次之後，老費都同科蘭講過幾次想佢留低。
最初係報紙睇到呢件事，一定係老費又做衰人，但背後嘅原因，到事主係幾年後先對媒體還原大部份真相。所以話，做球迷嘅，你識幾多丫！不過咁，冇運既，就長短釘都死啦…