閒談八仙嶺

【閒談八仙嶺】

日期：今日
時間：中午12:45
地點：烏蛟騰小巴站

小巴到總站，一年輕人問司機，我坐在總站的椅子，好奇問他什麼事。
「我想去八仙嶺」年輕人回答。
「過左龍啦，你搭番呢架小巴，就到大尾督之前叫司機俾你落車，附近係點點點(省略)」
「哦，好呀，唔該」年輕人即刻上車五分鐘後，年輕人落車，我又問
「咦，做咩落車呀？」
「車上乘客建議我去照鏡潭再去八仙嶺」
「好遠喎！起碼一個鐘，你識路？」
「應該ok嘅」年輕人手中拎住蘋果產品
「你諗清楚好喎，宜家12點幾，去到起點1點幾先開始上山……」我開始著急
「哦，ok嘅，起碼要上到仙姑峰，我之前行過，應該冇問題」
心諗：行過應該記得路，記得起點終點，可能上次有人帶佢行
「嗯…但係你嘅裝束…」講真我好想阻止佢上山
年輕人上身快乾衣，下身出街短褲，timberland筒鞋，出街背囊，電話當地圖
「應該冇問題嘅，好啦，唔該曬，拜拜」
我…應該做嘅，都已經做曬啦…