南區勢破東方，踏上冠軍路？/賽前分析 #細路仔看足球

今週係冇聯賽嘅賽程，取而代之嘅就係高級組銀牌八強嘅四場賽事，而今日我要講嘅呢就係由東方喺旺角大球場對南區。兩支球隊早前係試過對碰嘅，當時喺將軍澳運動場，南區1比0小勝東方，打敗東方不敗之身。但係今次嘅對碰雙方就有啲唔同啦，南區喺聯賽星期一嘅時候僅賽和飛馬，喺補時先靠許宏鋒嘅入波扳平比數，所以證明到南區攻擊力係有限，防守亦都係非常軟弱，喺比係聯賽較後位置嘅飛馬連入兩球。東方亦都係喺斧山道運動場2比1迎戰升班馬愉國嘅時候贏波嘅啫。所以見到啦其實兩隊嘅差距都唔係太大。但係講到要爭冠嘅目標一定係南區係最大野心㗎啦。咁五年計劃係最後一年啦，仍未攞到冠軍㗎。所以我諗Ricky應該不敢怠慢呀，又會重燃熱心，會係會盡力咁排好陣型，所以我哋預期見到嘅係會可能喺九十分鐘內南區小勝東方一比零。