追女仔系列: 如果你覺得追女仔好難，可能係你演技唔夠。
如果你覺得追女仔好難，可能係你演技唔夠。
小毒男一號，領悟到無上心法，執正儀容，配備左基本溝通技巧，終於要約女神出街。
第一次面對面交手，其實已經決定勝負。要注意嘅野特別多。亦因為本文設定閣下係五官平庸，五呎九吋高，智力水平低下，無特別技能嘅窮撚，是既為MK仔欺侮，亦被私樓仔屈機之物種。故以下攻略無須特別道具或技能輔助，但你需要進修下演技。
約人出街，第一樣要知嘅就係：你無可能迫到一個唔想出黎嘅人見面。若然你係以追對方為前提，係唔需要煩膠式係咁約同乜都問到篤先死心，如果比人拒絕而對方無主動還另一個佢得閒嘅日子，你就重返基本步慢慢累積下好感度先，過一排再試。
「忙？忙都要食飯架。」如果唔知呢句衰乜，你適合自己一個人多啲。
第二樣要知嘅野，就係一般女人係「非常」討厭做決定，而就算佢真係講左「無所謂呀，你揀丫」，佢係「一定」唔會無所謂。所以你只需要問佢有無野唔食，問左幾時得閒，其他你決定。
當然你是個小毒男未必識揀，我比個死唔得人嘅答案你：日本野。原因？乾淨企理，擺上檯嘅野可以比佢打卡，食嘅野唔需要用手，唔會食到好核突，女仔討厭食日本野嘅機會極低，最重要嘅係你這個小毒男唔會有睇唔明menu嘅可能。
日本野唯一嘅暗湧係佢唔食生野，所以我prefer你之前問下佢有無野唔食。價錢方面，如果大家廿零歲唔係特別搵到錢，而佢又係一般正常女仔，你搵間一人擺低兩百左右落到樓嘅餐廳啦。
「點解呀！！老子有的是錢！」呢餐係你請架啦，但唔好食太貴，因為人地正經女仔就唔會百分百預左你請佢嘅，人地都會諗：食咁貴同你有親咩。
重點，Book檯唔該。你要肯定所有野萬無一失，到時會係1 on 1 面對面嘅決戰！所以如果你真係要食迴轉壽司，跪又好求又好，唔該拎張可以面對面嘅檯。餐廳最好無限時，兩個鐘可接受。
如果約星期六，你可以喺食飯之前同佢睇場戲，戲都係幫你盡快入局，同埋多個話題，所以唔洗執著於愛唔愛情片，亦都唔好揀恐怖片（收埋啲佢會挨埋黎嘅幻想）。
一開波直接睇戲可能會尷尬，好似各有各睇咁，所以最好你去搵佢，喺搭車去目的地之前傾下計熱身。當然啦，你這個搵唔到錢的小毒男，是唔會有車的，所以係陪人搭地鐵。
就好似你約網友見面，一見面嗰下嘅尷尬感，如果喺睇戲之前排除左，就唔會帶到去晚飯度。但係呢度你要注意，唔可以比佢知你特登。理由自己求其搵啦，人地住彩虹你就話嗰時會喺九龍灣附近之類啦。非常非常casual咁講，唔可以有任何「接佢」嘅意思，五百粒星唔該。
你唔係人地男朋友，更加唔係做人地隻兵，收起你嘅奴性，用晒你成世人嘅演技，催眠自己，此刻你係影帝。
如果佢已經應承同你出去，重要問你「你特登黎接我呀？」，你就用你成世人最唔認真嘅語氣講最認真嘅內容：「梗係啦！咁都唔係特登？」
Flirting 如果要用一兩句說話概括，就係用最唔認真嘅語氣講最認真（而嘔心）嘅內容。佢應承得出黎，講埋啲咁嘅野，係好嘅訊號架啦。你應該認，但唔好咁兵，任何人對住食硬嘅野都唔會放上心。
出門前帶包紙巾，岩用嘅時候拎出黎，會有意想不到嘅效果。約會當日除左同女神聯絡，唔好拎電話出黎玩，Tsum Tsum 同魔靈召喚嘅進度返屋企先通頂追返。睇戲時睇戲，唔好有越軌行為，同時留意下有咩話題可以等食飯時用。
講咁耐，終於可以食飯啦！
食飯要注意嘅野反而唔多，因為你同女神喺之前訊息來往嘅時候已經有一定了解，餐飯嘅重點就係要顯示你同佢「有幾夾」，夾，在於意趣相投。任何有機會導致佢覺得同你唔夾嘅話題不能出現之餘，得你鍾意傾嘅話題都唔可以有。
政治宗教打機運動基本上都唔得，時事嘅話都要揀最消閒最樂觀正面嗰啲，千祈唔好研究香港自殺率、離婚率同埋問人認唔認同安樂死。
太過資料性或者太空泛嘅概念都唔好，所以基本上你講得出嘅行業同專業知識，除左佢提起，你都唔應該主動講──例如堅尼系數，美國會唔會加息同埋問人議會制失去功能咁點樣為弱勢社群發聲等等。
嘩咁乜都唔講得！係，而且你要撐成餐飯嘅時間，我當佢反應熱烈幫你頂咁一半時間，你預備嘅話題起碼要頂到半個鐘到八個字。所以我咪叫你準備定兩個話題，前面又睇左場戲，再加埋Mutual friend嘅近況，應該夠頂架啦。
話題你可以揀旅遊、食物、音樂、寵物，睇佢岩邊樣啦，傾嗰時唔該傾最表面嗰層，要表現夾，難聽啲講，曲意逢迎。如果佢講到自己嘅事，留心，全力顯示你嘅同情心，同理心有咁埋收咁埋。
避免要佢用腦諗嘅問題，咁講可能有啲難明，你當佢得七歲啦，佢拎自己隻狗張相你睇，就算你幾想派膠都好，你都要講「好得意呀，幾時買架……」然後扮個好有興趣知嘅樣，總之扮夾啦，講到口水都乾。
又扮？係呀，見面係咁架啦，你見工都扮到好有熱誠唔怕OT啦。
好啦，食完餐飯，比錢嘅時候又係時候演技爆發，拎出你嘅信用卡，面帶微笑比個侍應。如無意外呢，如果對方是良家婦女，都會交下戲拎錢出黎話AA架啦。
呢個劇情，呢一剎那，就係交卷嘅時候，你要漫不經心地講：「唔洗啦？下次你請我睇戲咪得lor。」既可比佢落台，合理化你請佢既行為，又可以試探你同佢重有無下次睇戲既機會。
咩叫漫不經心，你想像自己完全無諗過要佢比錢，見到佢拎錢出黎嗰個微微錯愕嘅樣。因為之前你已經喺餐廳度下左功夫，餐飯一個人就兩百左右姐，呢個數唔會對女性構成心理壓力（呢個數比你請都好閒）。但佢真係唔比你請，你就拎啦唔好糾纏，維持你嘅氣度！如果佢話要直落請返你食糖水和數，狗衝去啦唔好諗啦，開開心心比佢請啦。
當然演技嘅野，由外到內再到返外啦，唔外太浮誇，意思到就好。
假設之後佢無任何提議，你就要送佢返屋企啦，辛苦左一排去佈置成件事，今日對你黎講一定好耐，係時候公佈成績啦。
「我送你返去丫。」唔好「不如」，唔好「好唔好」，個語氣要係天經地義咁。節目去到尾聲，可以擺明車馬架啦。如果佢係一般女仔，有機會會用唔順路嗰啲拒絕你一次，紙上談兵我好難教你分辨佢既真實想法，你再問多次啦，當然唔好用「唔怕啦我好得閒」呢類理由。如果真係比你成功送佢返去，成功機會唔低架啦，到樓下叫人入到屋text你，打後自己跟進啦。
教完架啦。文章最後，講埋點表白啦。
女人最怕選擇，你表白等於交比佢決定，所以任何形式嘅表白都係差。
你有信心就攬頭攬頸呀，拖手之類佢唔縮你就贏架啦。
「哇咁咪好無賴？」
講真，如果女人睇中你，最怕你唔夠無賴。
幽默而細心嘅無賴，就係小毒男嘅最終進化。
小毒男一號，領悟到無上心法，執正儀容，配備左基本溝通技巧，終於要約女神出街。
第一次面對面交手，其實已經決定勝負。要注意嘅野特別多。亦因為本文設定閣下係五官平庸，五呎九吋高，智力水平低下，無特別技能嘅窮撚，是既為MK仔欺侮，亦被私樓仔屈機之物種。故以下攻略無須特別道具或技能輔助，但你需要進修下演技。
約人出街，第一樣要知嘅就係：你無可能迫到一個唔想出黎嘅人見面。若然你係以追對方為前提，係唔需要煩膠式係咁約同乜都問到篤先死心，如果比人拒絕而對方無主動還另一個佢得閒嘅日子，你就重返基本步慢慢累積下好感度先，過一排再試。
「忙？忙都要食飯架。」如果唔知呢句衰乜，你適合自己一個人多啲。
第二樣要知嘅野，就係一般女人係「非常」討厭做決定，而就算佢真係講左「無所謂呀，你揀丫」，佢係「一定」唔會無所謂。所以你只需要問佢有無野唔食，問左幾時得閒，其他你決定。
當然你是個小毒男未必識揀，我比個死唔得人嘅答案你：日本野。原因？乾淨企理，擺上檯嘅野可以比佢打卡，食嘅野唔需要用手，唔會食到好核突，女仔討厭食日本野嘅機會極低，最重要嘅係你這個小毒男唔會有睇唔明menu嘅可能。
日本野唯一嘅暗湧係佢唔食生野，所以我prefer你之前問下佢有無野唔食。價錢方面，如果大家廿零歲唔係特別搵到錢，而佢又係一般正常女仔，你搵間一人擺低兩百左右落到樓嘅餐廳啦。
「點解呀！！老子有的是錢！」呢餐係你請架啦，但唔好食太貴，因為人地正經女仔就唔會百分百預左你請佢嘅，人地都會諗：食咁貴同你有親咩。
重點，Book檯唔該。你要肯定所有野萬無一失，到時會係1 on 1 面對面嘅決戰！所以如果你真係要食迴轉壽司，跪又好求又好，唔該拎張可以面對面嘅檯。餐廳最好無限時，兩個鐘可接受。
如果約星期六，你可以喺食飯之前同佢睇場戲，戲都係幫你盡快入局，同埋多個話題，所以唔洗執著於愛唔愛情片，亦都唔好揀恐怖片（收埋啲佢會挨埋黎嘅幻想）。
一開波直接睇戲可能會尷尬，好似各有各睇咁，所以最好你去搵佢，喺搭車去目的地之前傾下計熱身。當然啦，你這個搵唔到錢的小毒男，是唔會有車的，所以係陪人搭地鐵。
就好似你約網友見面，一見面嗰下嘅尷尬感，如果喺睇戲之前排除左，就唔會帶到去晚飯度。但係呢度你要注意，唔可以比佢知你特登。理由自己求其搵啦，人地住彩虹你就話嗰時會喺九龍灣附近之類啦。非常非常casual咁講，唔可以有任何「接佢」嘅意思，五百粒星唔該。
你唔係人地男朋友，更加唔係做人地隻兵，收起你嘅奴性，用晒你成世人嘅演技，催眠自己，此刻你係影帝。
如果佢已經應承同你出去，重要問你「你特登黎接我呀？」，你就用你成世人最唔認真嘅語氣講最認真嘅內容：「梗係啦！咁都唔係特登？」
Flirting 如果要用一兩句說話概括，就係用最唔認真嘅語氣講最認真（而嘔心）嘅內容。佢應承得出黎，講埋啲咁嘅野，係好嘅訊號架啦。你應該認，但唔好咁兵，任何人對住食硬嘅野都唔會放上心。
出門前帶包紙巾，岩用嘅時候拎出黎，會有意想不到嘅效果。約會當日除左同女神聯絡，唔好拎電話出黎玩，Tsum Tsum 同魔靈召喚嘅進度返屋企先通頂追返。睇戲時睇戲，唔好有越軌行為，同時留意下有咩話題可以等食飯時用。
講咁耐，終於可以食飯啦！
食飯要注意嘅野反而唔多，因為你同女神喺之前訊息來往嘅時候已經有一定了解，餐飯嘅重點就係要顯示你同佢「有幾夾」，夾，在於意趣相投。任何有機會導致佢覺得同你唔夾嘅話題不能出現之餘，得你鍾意傾嘅話題都唔可以有。
政治宗教打機運動基本上都唔得，時事嘅話都要揀最消閒最樂觀正面嗰啲，千祈唔好研究香港自殺率、離婚率同埋問人認唔認同安樂死。
太過資料性或者太空泛嘅概念都唔好，所以基本上你講得出嘅行業同專業知識，除左佢提起，你都唔應該主動講──例如堅尼系數，美國會唔會加息同埋問人議會制失去功能咁點樣為弱勢社群發聲等等。
嘩咁乜都唔講得！係，而且你要撐成餐飯嘅時間，我當佢反應熱烈幫你頂咁一半時間，你預備嘅話題起碼要頂到半個鐘到八個字。所以我咪叫你準備定兩個話題，前面又睇左場戲，再加埋Mutual friend嘅近況，應該夠頂架啦。
話題你可以揀旅遊、食物、音樂、寵物，睇佢岩邊樣啦，傾嗰時唔該傾最表面嗰層，要表現夾，難聽啲講，曲意逢迎。如果佢講到自己嘅事，留心，全力顯示你嘅同情心，同理心有咁埋收咁埋。
避免要佢用腦諗嘅問題，咁講可能有啲難明，你當佢得七歲啦，佢拎自己隻狗張相你睇，就算你幾想派膠都好，你都要講「好得意呀，幾時買架……」然後扮個好有興趣知嘅樣，總之扮夾啦，講到口水都乾。
又扮？係呀，見面係咁架啦，你見工都扮到好有熱誠唔怕OT啦。
好啦，食完餐飯，比錢嘅時候又係時候演技爆發，拎出你嘅信用卡，面帶微笑比個侍應。如無意外呢，如果對方是良家婦女，都會交下戲拎錢出黎話AA架啦。
呢個劇情，呢一剎那，就係交卷嘅時候，你要漫不經心地講：「唔洗啦？下次你請我睇戲咪得lor。」既可比佢落台，合理化你請佢既行為，又可以試探你同佢重有無下次睇戲既機會。
咩叫漫不經心，你想像自己完全無諗過要佢比錢，見到佢拎錢出黎嗰個微微錯愕嘅樣。因為之前你已經喺餐廳度下左功夫，餐飯一個人就兩百左右姐，呢個數唔會對女性構成心理壓力（呢個數比你請都好閒）。但佢真係唔比你請，你就拎啦唔好糾纏，維持你嘅氣度！如果佢話要直落請返你食糖水和數，狗衝去啦唔好諗啦，開開心心比佢請啦。
當然演技嘅野，由外到內再到返外啦，唔外太浮誇，意思到就好。
假設之後佢無任何提議，你就要送佢返屋企啦，辛苦左一排去佈置成件事，今日對你黎講一定好耐，係時候公佈成績啦。
「我送你返去丫。」唔好「不如」，唔好「好唔好」，個語氣要係天經地義咁。節目去到尾聲，可以擺明車馬架啦。如果佢係一般女仔，有機會會用唔順路嗰啲拒絕你一次，紙上談兵我好難教你分辨佢既真實想法，你再問多次啦，當然唔好用「唔怕啦我好得閒」呢類理由。如果真係比你成功送佢返去，成功機會唔低架啦，到樓下叫人入到屋text你，打後自己跟進啦。
教完架啦。文章最後，講埋點表白啦。
女人最怕選擇，你表白等於交比佢決定，所以任何形式嘅表白都係差。
你有信心就攬頭攬頸呀，拖手之類佢唔縮你就贏架啦。
「哇咁咪好無賴？」
講真，如果女人睇中你，最怕你唔夠無賴。
幽默而細心嘅無賴，就係小毒男嘅最終進化。