謝德謙紅牌 之 洗冤錄
港超理文對冠忠南區嘅比賽，客隊門將謝德謙喺下半場5分鐘被球證吳超覺直接紅牌驅逐出場。究竟當時球證睇到乜野？基於邊條例趕謝德謙出場？我嘗試同大家分析一下。
事源理文一個喺自己後場搶到波，反擊之下有基華利頓單對謝德謙，後者出到離門約25碼位置試圖解圍，兩人碰撞後球證吹罰謝德謙。假設球證紅牌判罰正確，有機會引用到嘅會係球例第十二章列出嘅下列兩項罪行：
1. 手球犯規引致破壞對方一個入球或一明顯入球機會(守門員在己方點球區域內不適用)2. 當一名球員的整體移動是向著犯規球員的球門推進，受到侵犯引致一個入球或明顯入球機會被破壞，而該犯規原則上需要被判罰一自由球
先講(2)，明顯謝德謙控到第一下先，再同基華利頓碰撞，而中間亦無明顯犯規動作，所以呢點較難成立。
再考慮(1)，首先謝德謙夾肋底以下手臂/手掌要同個波有接觸先，
(on.cc 螢幕截圖)
但似乎謝德謙(灰衫)用肚掂波嘅一刻，較近粒波嘅右手直頭喺身後面，手球犯規比較難以成立，偏偏賽後謝德謙喺自己Facebook 表示：
相信呢個係成件事最大嘅talking point。
作為球證，走位非常重要，有位前輩同鍵人(打字而無執筆，叫鍵人比較貼切)講過，睇到犯規嘅就係好位置，而鍵人相信吳超覺已經喺可行情況下跑出最合理路線，我地亦可以從球證嘅走位，猜想一下當時球證見到乜野。
(on.cc 螢幕截圖)
由理文喺後場獲得控球權開始，球證已經轉身開始追，喺連環圖嘅第二、三幅圖可以見到，吳超覺當時嘅速度同身邊嘅理文10號仔阿哥斯達相若，絕對唔慢，唔係「渣流攤」。假設謝德謙喺Facebook 講嘅係事實，球證未必見到謝德謙用手掂波，反而比較大機會見到個波彈離個肚，而謝德謙隻手同時向前擺，多多少少會令球證有keeper 喺禁區外用手嘅錯覺。令判呢球波難度更高嘅地方有兩個：其一，謝德謙接觸個波嘅一刻，粒波被單刀嘅基華利頓遮住；其二，由於個波喺謝德謙嘅右邊發生，喺左邊嘅助理球證亦難以睇到成個過程，直播畫面亦交代唔到第四球證見唔見到成件事發生，但即使佢留意到，視線亦可能被回防嘅川瀨浩太遮住，換言之，球證好有機會單靠自己作出呢個判斷，冇得靠幾位拍檔。
當然，誰對誰錯就要留畀各看倌自行判斷，鍵人想以兩位球證嘅說話作結，首先係瑞士嘅Massimo Busacca：
紀錄片 Les Arbitres
「我地唔係神，我地都會犯錯。」
另一位係今次嘅事主之一：
「當我發現自己錯判時，其實比起任何一個球迷也更難受。」
on.cc: 吳超覺吹過奧脫福
初作鍵人，小試牛刀，感謝閱覽。
事源理文一個喺自己後場搶到波，反擊之下有基華利頓單對謝德謙，後者出到離門約25碼位置試圖解圍，兩人碰撞後球證吹罰謝德謙。假設球證紅牌判罰正確，有機會引用到嘅會係球例第十二章列出嘅下列兩項罪行：
1. 手球犯規引致破壞對方一個入球或一明顯入球機會(守門員在己方點球區域內不適用)2. 當一名球員的整體移動是向著犯規球員的球門推進，受到侵犯引致一個入球或明顯入球機會被破壞，而該犯規原則上需要被判罰一自由球
先講(2)，明顯謝德謙控到第一下先，再同基華利頓碰撞，而中間亦無明顯犯規動作，所以呢點較難成立。
再考慮(1)，首先謝德謙夾肋底以下手臂/手掌要同個波有接觸先，
(on.cc 螢幕截圖)
但似乎謝德謙(灰衫)用肚掂波嘅一刻，較近粒波嘅右手直頭喺身後面，手球犯規比較難以成立，偏偏賽後謝德謙喺自己Facebook 表示：
相信呢個係成件事最大嘅talking point。
作為球證，走位非常重要，有位前輩同鍵人(打字而無執筆，叫鍵人比較貼切)講過，睇到犯規嘅就係好位置，而鍵人相信吳超覺已經喺可行情況下跑出最合理路線，我地亦可以從球證嘅走位，猜想一下當時球證見到乜野。
(on.cc 螢幕截圖)
由理文喺後場獲得控球權開始，球證已經轉身開始追，喺連環圖嘅第二、三幅圖可以見到，吳超覺當時嘅速度同身邊嘅理文10號仔阿哥斯達相若，絕對唔慢，唔係「渣流攤」。假設謝德謙喺Facebook 講嘅係事實，球證未必見到謝德謙用手掂波，反而比較大機會見到個波彈離個肚，而謝德謙隻手同時向前擺，多多少少會令球證有keeper 喺禁區外用手嘅錯覺。令判呢球波難度更高嘅地方有兩個：其一，謝德謙接觸個波嘅一刻，粒波被單刀嘅基華利頓遮住；其二，由於個波喺謝德謙嘅右邊發生，喺左邊嘅助理球證亦難以睇到成個過程，直播畫面亦交代唔到第四球證見唔見到成件事發生，但即使佢留意到，視線亦可能被回防嘅川瀨浩太遮住，換言之，球證好有機會單靠自己作出呢個判斷，冇得靠幾位拍檔。
當然，誰對誰錯就要留畀各看倌自行判斷，鍵人想以兩位球證嘅說話作結，首先係瑞士嘅Massimo Busacca：
紀錄片 Les Arbitres
「我地唔係神，我地都會犯錯。」
另一位係今次嘅事主之一：
「當我發現自己錯判時，其實比起任何一個球迷也更難受。」
on.cc: 吳超覺吹過奧脫福
初作鍵人，小試牛刀，感謝閱覽。