車路士獲得眷顧 艾斯比利古達逃過全餐?
歐聯十六強次回合，車路士主場迎戰馬體會。戰至25分鐘，出現呢個爭議判決。
https://www.youtube.com/watch?v=eJ92q1UQZvs
艾斯比利古達一腳醫院波，送左個波俾卡拉斯高，令卡拉斯高勢力半單刀，艾斯比利古達一拉之下，球證表示無犯規，比賽繼續。
首先，我地睇下球證Daniele Orsato 嘅角度先：
球證、卡拉斯高、艾斯比利古達三人幾乎成一直線，有理由相信球證只見到兩人有接觸，而唔確定艾斯比利古達有冇拉卡拉斯高，有冇犯規。同時，旁證可能見到些少畫面，但奈何佢嘅位置距離肇事地點太遠，大約三十幾碼，即使佢見到，亦未必有說服力。
之後，我地係時候用科技協助，睇睇VAR 嘅角度。VAR 協定列明球證喺以下情況出現「清晰及明顯錯誤」或「遺漏嚴重犯規」時，VAR先會提供協助:
1. 入球/不入球
2. 十二碼
3. 直接紅牌(非兩黃一紅情況)
4. 裁判員認錯球員而畀錯牌
喺今次事件，牽涉到嘅就係第2同第3項。
要判一個十二碼，犯規必須要喺禁區裏面發生。雖然好清楚艾斯比利古達係喺禁區外開始拉卡拉斯高，但按照球例第十二章，係咪判十二碼係要睇艾斯比利古達鬆手嘅位置。從上面嘅片段，鍵人難以定斷艾斯比利古達鬆手嘅位置係禁區外或禁區內。如果有呢D爭議的話，即使犯規地點係禁區內，仲算唔算係「清晰及明顯錯誤」呢？
有踢波/睇波嘅都知到，第3項嘅直接紅牌係講緊艾斯比利古達拉跌一個單刀球員，但鍵人考慮嘅係，究竟兩個球員接觸嘅程度有幾大(即係卡拉斯高有冇誇大成個動作)，同埋艾斯比利古達有冇拉到卡拉斯高呢？在鍵人嘅角度嚟講，呢個十二碼係要俾嘅，原因我見到有拉嘅動作，係拉左就係拉左，冇「無意地」拉左之類嘅講法，但最令鍵人驚訝嘅係，球證冇自己睇一次replay。即使佢有佢自己嘅理據，場波仍然喺佢嘅管理之內，但自己睇一次自己睇唔到而拍檔又有距離嘅事件，會唔會更令球員信服呢？
多謝大家睇小弟嘅唔專業分析呀。老實講，每一球波，每個球證嘅睇法都會有唔同，鍵人嘅出發點純粹係借Fanpiece 一角，講下自己點理解大賽球證嘅判決。覺得有道理嘅，咪當係睇分析囉；覺得唔岩聽嘅，咪當睇笑話囉。
https://www.youtube.com/watch?v=eJ92q1UQZvs
艾斯比利古達一腳醫院波，送左個波俾卡拉斯高，令卡拉斯高勢力半單刀，艾斯比利古達一拉之下，球證表示無犯規，比賽繼續。
首先，我地睇下球證Daniele Orsato 嘅角度先：
球證、卡拉斯高、艾斯比利古達三人幾乎成一直線，有理由相信球證只見到兩人有接觸，而唔確定艾斯比利古達有冇拉卡拉斯高，有冇犯規。同時，旁證可能見到些少畫面，但奈何佢嘅位置距離肇事地點太遠，大約三十幾碼，即使佢見到，亦未必有說服力。
之後，我地係時候用科技協助，睇睇VAR 嘅角度。VAR 協定列明球證喺以下情況出現「清晰及明顯錯誤」或「遺漏嚴重犯規」時，VAR先會提供協助:
1. 入球/不入球
2. 十二碼
3. 直接紅牌(非兩黃一紅情況)
4. 裁判員認錯球員而畀錯牌
喺今次事件，牽涉到嘅就係第2同第3項。
要判一個十二碼，犯規必須要喺禁區裏面發生。雖然好清楚艾斯比利古達係喺禁區外開始拉卡拉斯高，但按照球例第十二章，係咪判十二碼係要睇艾斯比利古達鬆手嘅位置。從上面嘅片段，鍵人難以定斷艾斯比利古達鬆手嘅位置係禁區外或禁區內。如果有呢D爭議的話，即使犯規地點係禁區內，仲算唔算係「清晰及明顯錯誤」呢？
有踢波/睇波嘅都知到，第3項嘅直接紅牌係講緊艾斯比利古達拉跌一個單刀球員，但鍵人考慮嘅係，究竟兩個球員接觸嘅程度有幾大(即係卡拉斯高有冇誇大成個動作)，同埋艾斯比利古達有冇拉到卡拉斯高呢？在鍵人嘅角度嚟講，呢個十二碼係要俾嘅，原因我見到有拉嘅動作，係拉左就係拉左，冇「無意地」拉左之類嘅講法，但最令鍵人驚訝嘅係，球證冇自己睇一次replay。即使佢有佢自己嘅理據，場波仍然喺佢嘅管理之內，但自己睇一次自己睇唔到而拍檔又有距離嘅事件，會唔會更令球員信服呢？
多謝大家睇小弟嘅唔專業分析呀。老實講，每一球波，每個球證嘅睇法都會有唔同，鍵人嘅出發點純粹係借Fanpiece 一角，講下自己點理解大賽球證嘅判決。覺得有道理嘅，咪當係睇分析囉；覺得唔岩聽嘅，咪當睇笑話囉。