「半自動判越位」可以減少誤判嗎？

現任國際足協全球發展總監雲加今日(4月8日)表示，2022年卡塔爾世界盃將有「半自動判越位系統」。所謂「半自動」之意為：系統會連接旁證手錶，如有越位時則會有訊號(如亮紅燈)給予旁證，而唔需要好似現時嘅VAR，檢查入波是否越位需要花上70至80秒。


鍵人第一時間諗：球例第十一章列明，身處越位位置不屬越位犯規。當後場交波上前場時，有兩個球員疑似越位，咁系統點通知旁證係邊個球員越位？又或者有一位單純處於越位位置嘅球員，同時隊友喺非越位位置後上，又會否導致冤案？

即使有上述兩個疑問，鍵人仍然覺得新系統值得一試，要知道喺一場足球比賽，旁證要喺同一瞬間兼顧越位線同埋斬波嘅球員，實在困難，遇著泊大巴打901 嘅球隊就更難，希望新系統測試成功之餘，亦可以喺世界普及。