岑珈其首次電影擔正，大方化解無品毒舌網上批評贏掌聲

觀眾緣不俗的「爺爺」岑珈其首度擔正男一，主演黃浩然電影《緣路山旮旯》，戲院剛剛開畫，居然經已鬧出火藥味花生。
事關有一影評專頁就撰寫長文，以頗為狠辣的言詞批評《緣路山旮旯》，謂作品是「後宮系」 ，導演功力不佳，「叫人留低」而無說服力，而該版主更在文中直指岑「樣衰」「毒L樣」「血色稀薄嘅毒撚嘴」，更極為刻薄地指「想跳入個SCREEN打柒佢，想坐時光機欺凌佢，欺凌到佢大個唔敢做演員。」

一大段人身攻擊味極濃的文句，引起網民嘩然，岑珈其本尊更親自現身回應，極有風度表示：

引用「多謝你嘅分享，我嘅樣衰令你難受，影響到你唔好意思，但我真係真係好鍾意做演員，就算你坐時光機返去我以前細個欺凌我，我都會想做演員。樣衰我改唔到，但我會努力再做好啲演出，希望將來可以得到你嘅支持」

而該版主亦回應：

引用「多謝你咁大方，唔介意我口臭落嚟留言。我自己覺得後宮系作品係好冇說服力，但類型傳統係的確會揀你呢類演員做主角，套戲可以改善嘅地方太多，但真正問題並唔係出喺你嘅演技度，雖然文章的確係我嘅觀後感，但說得太過，還請見諒。一路都有睇你嘅電影同電視劇，見到你進步，繼續努力。」

「爺爺」現身正面應付無品毒舌者，引來超過8000個讚好等正面回應，而該版主見到本尊馬上「九縮」換回謙虛語調，就再令網民極為不滿。而本文亦由王宗堯及多個真正知名專頁、影評人再行轉載，但基本都是不滿原文作者支持欺凌的惡意，及恥笑其180度轉向。
《緣路山旮旯》電影本身為愛情小品，講述爺爺主演的IT男阿厚，在踏足不同香港自然勝景期間偶遇不同的女主角，擦出不同感情線。