【#看世界】打造高質葡萄酒品牌 - 中國

顯示分享連結
圖片來源：http://f1.wine-searcher.net/…/news/59/75/aoyun1-10005975.jpg

唔知點解，喺我地生活嘅香港總係會好容易咁聽到甚或聯想到國內嘅負面新聞，由一般嘅 “黑心”、”仿冒“產品，到旅行出醜國際甚至今日嘅 “777票當選” 都可能係中央幕後黑手，作為一個普通小市民嘅我其實管唔到太多亦冇太多個人意見；不過中立少少講句，中國嘅崛起的確為世界帶來機遇；國內地大物博，唔單止銀彈、人力資源充足，更喺各方面不斷希望拉近同世界嘅距離，就連葡萄酒産業亦都唔例外。

老實講，喺認識品酒之前對我黎講：「中國葡萄酒咩黎嫁？長城牌？張裕酒莊？飲得嘅咩？」而現實上，宜家嘅國內喺山東、河北、天津同雲南都有釀酒葡萄種植；至於寧夏、新疆及山西則因爲地理條件優越，近年來就吸引左唔少外國釀酒師同酒莊黎到合資並提供技術，生產出優質葡萄酒，例如一款名為 “加貝蘭（Jia Bei Lan ）”嘅 Cabernet Blended 葡萄酒就喺 2011年得到國際著名雜誌 - Decanter 嘅 World Wine Awards ；同年喺北京又有一個名為 “Bordeaux against Ningxia” 嘅盲品比賽（blind-tasted），雙方參與對賽嘅五款酒中其中四款竟然由中國一方勝出（？！）

再講近一D，喺2016年法國名牌奢侈品公司 - LVMH（旗下擁有 Moët & Chandon、Hennessy、Château d'Yquem 等名酒品牌，當然唔少得 LV、Dior）喺國內雲南嘅酒莊就發售左一款名為 “Ao Yun” 嘅中國葡萄酒，年份為 2013 且限售二千箱，而每支定價為 USD$285，獲著名雜誌 Decanter 評為 “A Bold, Dramatic And Compelling Debut Wine”。

可能有人會話：「你肯賣，都要有人黎買先得？」、「噱頭嘅嘢，咁大間公司，二千支用黎倒都蝕得起啦！」而且咁樣講法，好似講到國內嘅葡萄酒産業從此就一飛沖天、揚威國際？當然唔係啦！不過本文只係想用國內葡萄酒發展帶出一個訊息：世界不斷喺度進步，無論從事乜嘢行業，如果掌握唔到 “大數據”、“遠景” 會好容易被淘汰；而小弟喺德國生活嘅呢段日子，就得到充分嘅體會 ....

-------------------------------------------------------------------------------------------------------------------------------------

Derekc：一個土生土長嘅80s香港人，過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜

Instagram : https://www.instagram.com/derekc_c/

Facebook Page : www.facebook.com/Wine.Life.Style.HK

#wine #葡萄酒 #品酒 #中國 #Chinesewine #winenews

如果喜歡我們的文章，請即分享到︰

標籤: wine  葡萄酒  中國  China  winenews